حاسه ان الشطان هيسيطر عليا
انا بخاف بدرجه مبقتش طبيعيه على اهلى وكل تفكيري ان ممكن حد منهم يحصله حاجه بخاف لدرجه ف اوقات بتيجى افكار اموت قبلهم احسن ما حد فيهم يتأذي كانت عندى الحاله دي من فتره بس خفت شويه ورجعت تاني بس بصوره اكبر طول ما هما ف البيت قدام عيني انا بخير وكويسه بس لو حد كح صدع ببقى هموت من الخوف انا خايفه انتحر
حبيبتي احنا كلنا موتي اساسآ ربنا يخلهملك بس متخليش الشيطان يفضل يوسوس فيكي لدرجة انو يخليكي تفكري ف الانتحار صلي واستهدي بالله كده
تم النشر الأربعاء، ٢٤ يوليو ٢٠٢٤
متخليش الأفكار السلبيه تسيطر عليكي كل لما تحسي انك بتفكريش في الحاجات دي اعملي اي حاجة تشغلك وقربي من ربنا وان شاء الله هتتحسني
تم النشر الأربعاء، ٢٤ يوليو ٢٠٢٤
متوهميش بنفسك بحاجه انتي مش عايزها ادعيلهم علي طول انو ربنا يبارك في عمرهم ومتخليش فكره الشيطان هيسيطر عليكي تستحوذ عليكي فاهمه يعني عقلك الباطن ممكن يصدق الكلام دا . وتحصلك مشاكل اي فكره تجيلك استعيني بالله وقولي انا قويه حفزي نفسك علي طول واشغلي نفسك بأنك تفرحي اهلك .
تم النشر الأربعاء، ٢٤ يوليو ٢٠٢٤
فى البداية كده.انا بحييكى جدا على حبك لأهلك واهتمامك بيهم وخوفك عليهم وانك باره بيهم ده شعور جميل جدا وربنا يديمه عليكى. احساس الحب والخوف على أهلك دى حاجة طبيعيه جدا وجميله فيكى لكن الشعور اللى بيزيد عن حده بيأذى صاحبه بمعنى أدق خوفك الشديد هيدفعك انك تتصرفى وتتعاملى بطريقة غير طبيعية وفيها مخاطرة وقلق. لو فكرتى فى الانتحار انت مش بس بتأذى نفسك انتى بتخسرى علاقتك بربنا اللى هو اساسا حفظك وحافظ عيلتك.وكمان هتتعبى عيلتك وهتسببلهم مشقه وحزن كبير. وعلشان تبقى مطمنه عليهم لازم تطمنى نفسك الاول وان يكون عندك يقين أن ربنا هو الحافظ فى كل الأحوال واى حاجه بتحصل لينا بيكون مقدر من ربنا سبحانه وتعالى. فطمنى نفسك دايما أنهم بخير طالما ربنا حافظهم . ساعديهم فى كل حاجه تقدرى تعمليها ليهم.راعيهم وخليكى معاهم وشاركيهم كل حاجه جميله بدون قلق. ولو حسيتى بأى قلق شتتى انتباهك بحاجات تعمليها تكونى بتحبيها . وحاولى تكتبى كل اللى جواكى هيخفف عنك كتير. لو ليكى صديقه مقربه أو لايف كوتش اتكلمى باستمرار معاهم وشاركيهم افكارك لأن الدعم النفسى مهم جدا وافتكرى دايما أن ربنا معاكى فى كل خطواتك وبيساعدك وانك قوية وهتقدرى 🌷
تم النشر الأربعاء، ٢٤ يوليو ٢٠٢٤
أنا آسفة إنك بتحسي بالشكل ده، والأهم إننا نوجه الكلام بجديه ونعرف إزاى نتعامل مع المشاعر دي بشكل صح. أول حاجة، مهم إنك تعرفي إن خوفك على أهلك من دلائل حبك ليهم، بس لما يوصل لدرجة يأثر على حياتك ويجيب لك الأفكار السيئة دي، يبقى محتاج تدخل. كلمي حد تثقي فيه : من الضروري تكوني قريبة من شخص تسدقيه وتشعري براحة لما تتكلمي معه. ممكن حد من أهلك نفسهم أو صديقة مقربة. استشيري مختص : مش غلط أبداً تسألي المساعدة من معالج نفسي. ممكن يساعدك تفهمي جذور خوفك وازاي تتعاملي معاها بطرق صحية. مارسي تقنيات الاسترخاء : زي التأمل، التنفس العميق، واليوغا. دي حاجات ممكن تخفف من التوتر والقلق. عينك على الواقع : حاولي تركزي على الحقائق والأشياء الواقعية بدل من الأفكار السلبية والسيناريوهات الي في بالك. اكتبي أفكارك : الكتابة بتساعد كتير في تنظيم الأفكار وفلترة المشاعر. وفي النهاية، اوعي تيأسي وتفكري إنك لوحدك. فيه ناس كتير حواليك ممكن يساعدوك وممكن تلاقين الدعم اللي تحتاجيه. خليكي قوية واطلبي المساعدة المناسبة.
تم النشر الأربعاء، ٢٤ يوليو ٢٠٢٤
انت كدا بتوهمي نفسك ودا مينفعش للدرجه دي ايوه تخاف عليهم بس مش للدرجاتي اشغل وقتك باي حاجه اكيد حضرتك فاضيه م شغااه وقتك بحاجه والشيطان يقعد يدخلك بقا ويتهيأ ليك حاجات ممكن تحصل وكدا وتقعد تفكري كتيير وكدا وترددي الكلام السلبي دا فعقلك اللاواعي خلاص ثبت الأفكار دي كل شزيه يذكرك بيها وتقعد بقا تتدخل ف الدوامة دي كل شويه. لازم تقربي م ربنا صلي واعمل ورد قران كل يوم والاذكار طبعا صباخا ومساءا وان شاء الله هتخفي وترجعي احسن من الاول ولو عوزت اي حاجه ممكن اساعدك
تم النشر الأربعاء، ٢٤ يوليو ٢٠٢٤
لعرض السؤال في فدني اضغط هنا