بعد مشاكل كتير وخلافات شخصيته الحقيقيه ظهرت مبقتش متقبلاه ولا شيفاه زوج وهوا كمان مبقاش بيعمل اي مجود عشان يملا عاطفتي وبالذات بقيت لما اطلب منه اي تصرف بيعاند ويصمم ميعملوش
بيتجنب نهائي يود اهلي ويزورهم مع ان ده بيسعدني
بيصمم يهين مني ويقل كرامتي قدام سلفاتي الاتنين
كل حاجه ممكن توجعني بيصمم يعملها وده موصلني لاحساس عدم رغبه في تواصل معاه وبقيت حاسه بمشاعر مكبوته جوايا اني نفسي احب حد ويبادلني الشعور
وحاولت كتير ادخل برامج شات واعمل اكونت واتعرف ع حد واقوله اني مطلقه بس مبكملش كلام
بس جوايا بيزيد الاحساس وحده وحده وكل مره بقدم خطوه
في طريق ده حاولت كتير اتناقش معاه بس بنوصل لحيطه سد بقيت بحس اني عايشه معاه بس كضل راجل بيصرف وقاعد مع عياله غير كده مش حاسه
أكيد العلاقه الزوجيه هي مهمه ونستمد منها جزء من احتياجتنا وخصوصا العاطفيه ولكن ليست هي العلاقه الوحيده احتياجتنا وعواطفنا وسعادتنا إذا قسمناها من مصادرها المختلفه هنرتاح كثيرا نحن نستمدها اولاً من علاقتنا بربنا -اولادنا -اهلنا -اصدقاءنا -الزوج -عملنا سواء شغل مباشر أو أي نوع من المساعده للغير -حرفه أو موهبه أو دراسه كل هذه العلاقات تملأ قلبنا وعواطفنا واحتياجاتنا المشكله هنا تكمن إذا اعتمدنا علي مصدر واحد فقط وبالنسبه للعلاقات العابره ستزيد من وحدتك لأنها علاقات مزيفه وليست حقيقيه و ايضاً سينتابك شعور شديد بالذنب .
تم النشر الثلاثاء، ٢٠ أغسطس ٢٠٢٤
طب بلاش بلاش بلاش فكره تطبيقات الشات والكلام ده بالله عليكي دى بتكون تفكير من الشيطان وتطبيقات الشات دى والله اول خطوه من خطوات الزنا ربنا يبعدك عنها ويحميكى ولكن انتى حاليا محتاجه لحب وعندك فراغ عاطفي بسبب زوجك ف من الفطره الطبيعه الإنسان بيحتاج للحب ف هتبدأى تدورى على اى حد يسمعك وبحكم ان الستات بتحب الراجل الي بيسمعها ف ممكن حد يوهمك انو بيحبك حضرتك متزوجه لحد الان مينفعش تكلمى حد ابدا ابدا ده مش حل حاولى تحلى مشاكلك بعيد عن العوامل الخارجيه زى انك تكلمى حد حليها بنفسك طب افرض معرفتيش والله لازم تطلقي منه احسن من انك تقللي من نفسك معاه لكن بجد اتمنى ان موضوع الشات ده تنسيه وقربي من ربنا اكتر وربنا يوفقك
تم النشر الاثنين، ١٩ أغسطس ٢٠٢٤
اتكلمي معاه و فهميه ايه بيضايقك منه وعرفيه باللي عايزاه و فهميه الحاجات اللي بتفرحك و عرفيه أنه المفروض ميقلش كرامتك قدام سلايفك الاتنين ، اتكلمي معاه وحاولي انك تفهميه علي حسب ردة فعله هتكون ردة فعلك انتي حتي لو هتوصل لبعد الشر للطلاق بس طالما مش مرتاحة وفي كذا حاجة مينفعش تتعايشي معاهم يبقي بلاها احسن بس طول ما انتي معاه بلاش تدخلي و تتعرفي علي حد ولا تدخلي برامج شات عشان متقعيش في أي حاجة غلط طالما لسه متجوزة ، و ممكن كمان لو اتكلمتي معاه و مفيش اي استجابة ضروري تقولي لأهلك وتدخلي حد منهم واثقة فيه يصلح بينكو
تم النشر الاثنين، ١٩ أغسطس ٢٠٢٤
طيب تبقى النصيحة بالصبر قائمة ما لم تنتهك حرمة من حرمات الله، يعني في مثل حالتك يرى الناصح أن الانفصال أولى. لكن يوجد عدة محاذير في البداية قبل أخذ أي قرار: هل الطلاق معناها انتهاء مشكلتك؟ يعني هل تضمني فرصة زواج مناسبة؟ وهل إذا تزوجتِ ستضمني طباعه وأنه سيشبعكِ عاطفيًا؟ وإذا أشبعك عاطفيًا هل تضمني باقي سلوكه وصفاته؟ النقطة الأهم والتي من أجلها كتبت الإجابة هي أنني أظن أنكما بحاجة للحل بطريقة مختلفة. بمعنى آخر، لو أن زوجك الآن متاح له الكلام والدفاع عن نفسه وإعطاء مبررات لتصرفاته، فماذا سيقول؟ هذا السؤال هدفه أن أوصل لك نقطة مهمة، وهي أن احتياجاتنا أحيانًا قد تعمينا عن احتياجات الطرف الآخر. أنا لا أبرر له الخطأ إطلاقًا، أنا أفكر معكِ بطريقة مختلفة. ولو استرجعنا آية: "ادفع بالتي هي أحسن فإذا الذي بينك وبينه عداوة كأنه وليّ حميم" فلو اعتبرنا أننا بصدد وضع خارطة طريق قائمة على التجارة مع الله؛ أن تجددي نيتك وتقولي يا رب هذه المحاولة صادبة ابتغاء وجهك الكريم، وتنظري في طباع زوجك، ماذا يحب؟ ماذا يكره؟ ما هي مداخله؟ وفقط افعلي الخير معه لوجه الله، ولا تنتظري أي مردود أبدًا.. وفي هذه الفترة استمدي طاقتك من الدعاء ومن التفكر فيما بين يديك من النعم، ومن قراءة سورة البقرة، ومن الصبر. بإذن الله لن يمر وقت طويل إلا سيراجع زوجك نفسه ويقابلةإحسانك بالامتنان والفضل.
تم النشر الأحد، ١٨ أغسطس ٢٠٢٤
انا هحتاج اسالك شويه اسئله اولا انتوا متجوزين بقالكم قد ايه ثانيا عندكم قد ثالثا روتين حياتك انت وايه الحاجات اللي انت مهتمه بيها في الحياه او بتعمليها عموما بعيدا عنه. ايه المميزات اللي فيه؟ على مدار السنين دي كلها وايه الموقف اللي حصل والحاجه اللي حصلت اللي كانت بالنسبه لك القشه التي قسم الظهر البعير اللي هي يعني قفلت معاكي خالص الموضوع بالشكل ده وحضرتك مش عايزه.
تم النشر الأحد، ١٨ أغسطس ٢٠٢٤
جربي تنمي من نفسك وتشغلي نفسك باعمال جيده لتشعرو بالتجديد انت من تستطيعين ان تحيطي نفسك بالتفائل وكما كلمي نفسك بطريقه جيده
تم النشر الاثنين، ١٩ أغسطس ٢٠٢٤
شخصيته ضعيفه تماااامااا وبالاخص طبعا قدام اهله
تم النشر الأحد، ١٨ أغسطس ٢٠٢٤
لعرض السؤال في فدني اضغط هنا