السلام عليكم
انا عندي 26 سنه مش حاسس بطعم الحياه ولا راحه البال وكل يوم الحياه تزيد صعوبه عن اليوم اللي قبله مش ناقصني حاجه عندي عربيه خاصه بيا وعندي مشاريع بتجبلي دخل وحالتي كويسه وشغال ف الضرائب وبصلي واجتماعي جدا لكن بحس اني دايما وحيد واما بيجي عليا الليل بحس بكأبه ومببقاش رايق وببقا مش طايق اي دوشه ولا اي حاجه بحبش الوحده لكن مش ب ايدي بزهق جدا لدرجه اني ممكن انام الساعه 8 العشا الفون ومبقاش يسلي اخري ببجي او اقلب ف فيديوهات الفيس وخلاص وبزهق وبمل من اي حاجه بسرعه
حد عندو حل للحكايه دي او حد بيواجهه نفس المشكله
ممكن عشان حسيت انك انجزت الي المفروض تنجزه ووصلت خلاص..بس ممكن تحط خطه تانيه عشان توصل لهدف تاني مش ضروري هدف مادي او عملي حط اهداف انسانيه زي انك تصل رحمك انك تعمل عمل خيري وممكن تمارس رياضه وتنمي قدراتك المعرفيه وتقرأ كتب وروايات وتهتم بالعبادات زياده وطبيعي متحبش الوحده الانسان كائن اجتماعي بطبعه ومحتاج ناس حوليه عشان يحس بالأستقرار والامان والاقبل والتوازن النفسي لو ملقتش صحابك جنبك دايما اعمل عمل خير تزور دور المسنين مثلا وتراعي الناس الكبيره الي حاسين بالوحده فعلا هتحس براحه كبيره انك مش لوحدك وانك ساعدت حد بانك حسسته بعدم الوحده
تم النشر الاثنين، ١٣ فبراير ٢٠٢٣
سلام عليكم🤍 هو الإنسان بطبعه ملول وبيجاهد جدا عشان يلتزم بروتين ويستمر فأنت مش حكايه ولا حاله، بلاش توهم مخك بشئ أو تعظمله حاجه هي أساسها بسيط.. هل هدفك العربيه والدخل الجيد؟ مش معني سؤالي إنك مش تفتخر وتحمد ربنا لا بس خلينا متفقين إن الاستمراريه في شئ من اهدافك الذ من شئ تآني جيد بس مش هدفك.. يعني ببساطه في ناس دخلها مش ثابت ومش معاها عربيه بس عندها راحه بال لأن ده شعور مش بنكتسبه بالمادة وفي ناس حالتها الماديه أحسن بكتير ولسه زهقانه وحياتها فاضيه.. فمفيش داعي تذكر إنك مستقر وبتصلي.. لأن الصلاه اتصال روح مش نشاط جسدي فهل متأكد إنك بتصل روحك صح ومش اقصد علاطول عادي تفتر بس هل فعلا بتحس فسجودك إنك قايم قلبك مغسول؟ يبقي ده أول شئ تركز عليه وتتقنه.. تآني شئ ليه من ٨ ل ١٠ مثلا بدل متنام تحاول تمارس حاجه بتحبها أي حاجه.. نشاط بدني او ذهني مليون فكره أقعد بس مع نفسك وشوف وافتكر بتبقي مبسوط وإنت بتعمل إيه وارجع اعمله، ابتكر يا سيدي حاجه جديده أصلا.. دور علي جانب آخر بالاضافه للصلاه والقرآن يشحن لك باقي الجوانب.. وادعي كتير ربنا يعجلك بنصيبك وونسك ال هترجع تكتبلنا تآني انك وحشك الهدوء ال كنت فيه☺️
تم النشر الأحد، ١٢ فبراير ٢٠٢٣
ايه وضع علاقاتك الاجتماعية ؟ اهل ...صحاب...زملاء
تم النشر الأحد، ١٢ فبراير ٢٠٢٣
لعرض السؤال في فدني اضغط هنا