أنا منفصلة وبشتغل بمرتب يعني بفضل الله مش قليل ولا كثير متوسط لكن والدي بياخده مني بحجة اني مش عارفه الايام مخبية اي ولازم احوش هو طبعا بياخدهم مني وبيديني اجرة السكة و10جنيه زيادة علشان لو هشتري لبنتي حاجة حاولت اكتر من مره اتكلم معاه ولكن ما فيش فايدة فلوس دهبي جت بعد الانفصال لكن حطهم في البنك باسمي ومرضيش يخليني اجيب اي حاجه عايزة اجيب حجات ليا ولبنتي كمان مش بيرضي لنفس السبب تعبت عايزة اخد موقف بس مش عارفه ازاي من غير ما اتخطي حدودي بأدب واحترام ليه مهما كان فهو والدي نفسيتي تعبانة جدا جدا امبارح قبضت فبكلمه اتنرفز ومرضيش فاديتهم لامي ووصلتهمله وانا حاليا مش بكلمه بحاول بقدر الإمكان اتجنبه لاني حاسه بالضعف وقلة الحيلة تعبت
طبعا ده بيبقي صعب جدا ان يكون وجهات النظر مختلفة بين الشخص واهله ...بس خلينا نتفق ان ده حقك اكيد انك تعبك تعيشي بيه زى ما تحبي وتكونى مش محتاجة حاجة انتى ولا بنتك وممكن نجرب ندى بابا النص بس يحوشة وانتى تاخدى النص وتصرى على ده وتقوليله ان ده حل وسط . بالهدوء والاصرار بس وبدون نبرة تحدى او عدم احترام وبانك تظهرى تقديرك لخوف بابا عليكى فى وسط الكلام كتير. ممكن يكون تعاملاتك المالية مش صح وبابا بيحافظ عليكى ...ربنا يخليه ليكى. وطول ما فى حد يخاف عليكى متزعليش حتى لو وجهة نظرة مختلفة عنك.
تم النشر الخميس، ٨ ديسمبر ٢٠٢٢
اولا ربنا يعينك ويصبرك على هذا لان ده ابتلاء كبير احتسبي الاجر عند ربنا وارجو انك تكوني من البارين به طيب حاولي تكلميه في انك تاخدي نص الفلوس وهو النص التاني .. واساليه ال ١٠ جنيه الزياده دي هتعرفي تشتري بيها ايه في الزمن ده وخايه معاك في الصورة .. كمان ادعي كثير كثير كثير ان ربنا يهديه ويجعله لا يأكل حقك انت ولا بنتك واكثري من الصلاة والسلام على رسول الله
تم النشر الخميس، ٨ ديسمبر ٢٠٢٢
اتكلمي معاه تاني قوليله ده حقي وحق بنتي وانك هتحوشي الي مش محتجاه وفهميه انك ليكي احتياجات خاصه انتي وبنتك ياما تعملي جمعيه وقوليله أنا عملت بالفلوس جمعيه او هاتي بيهم دهب وقوليله حوشتهم في دهب
تم النشر الخميس، ٨ ديسمبر ٢٠٢٢
لعرض السؤال في فدني اضغط هنا