انا في اولي صيدله
مش عارفه لحد دلوقتي اتأقلم وخايفه وقلقانه ولما ابدا اذاكر بحس نفسي مشتته ومش عارفه اعمل ايه ديما بتفكر اللي حصل معايا زمان سواء حد سبني او غدر صحاب كنت متعلقه بشخص وبحب احكيلوا كل حاجه بس هو دلوقتي سبني ومعرفش عنوا حاجه وكل ما افتكر الشخص ده بقعد اعيط وبتخنق وانا عايزه دلوقتي ازاكر وركز في دراستي وعايزه ابقي من الأوائل علشان انا بحس اني ديما في نصف كده ولا محصله سماء ولا ارض في نصف وانا مش عايزه كده انا عايزه اجيب امتياز بس مش عارفه وبحس نفسي وانا في المحاضره غبيه ومش فاهمه حاجه ومش عايزه ابقي في النص عايزه ارتقي لمستوى كويس عايزه ابقي فخوره بنفسي واخلي اهل يفتخرون بيا
وفي حاجه تاني انا خايفه من الموت جامد لدرجه لاتوصف
سنة اولى كلية دايما بتبقى ملخبطة مذاكرة الجامعة غير المدرسة لما هتحسي انك تايهه مخك هيجيبلك اى حاجة قديمة بقى عشان يأكد عليكى مشاعر التوهه والحزن بحاجات اكتر فتفتكرى اى حاجة من ده حطى هدفك قدامك ودورى على طريقة الكليه والمطلوب ايه اسألى كل دكتور بشكل مباشر ..ايه المطلوب وايه افضل شىء والتميز يكون بايه وانطلقى وسيبك من كل القديم بقى وخليكى فى اللى جاى دى رسمتك والوانك فى ايدك
تم النشر الجمعة، ٣ نوفمبر ٢٠٢٣
حاولي تفصلي دماغك يوم وتخرجي ، تعملي حاجه بتحبيها سواء هوايه زي الرسم او غيره واشحني طاقتك من جديد عشان تعرفي تبدأي من جديد وخططي بالورقه والقلم واعرفي انتي عايزه اى وحطي هدفك قدامك وشوفي الطرق اللي لابد ان تسلكيها وابدأي ومتأجليش وبعد المحاضره لما تسجليها روحي بيضيها ف كشكول حلو وابدأي زاكريها وربطي المعلومات ببعضها وربنا معاكي
تم النشر الثلاثاء، ٢١ نوفمبر ٢٠٢٣
لازم تنسى اللى فات وتبدأى حياة جديدة وتعرفاء اصدقاء جدد اما بالنسبة للمحاضرة ممكن تسجليها على الموبايل وتسمعيها بعدين ممكن يكون تفكيرك مشتت فى الوقت ده انسى وعيشى كل لحظة حلوة فى حياتك
تم النشر الجمعة، ١٧ نوفمبر ٢٠٢٣
انتي ما شاء الله في كلية عظيمة وهتكوني من خلالها دكتورة ، في دكتورة مش بتذاكر ؟ حطي لنفسك هدف عشان تحققيه واعزلي نفسك عن اى مشتتات وانتى بتذتكري هاتيلك حاجه بتحبيها وكليها او اشربيها هتساعدك علي المذاكرة ، اعملي مكتب ليكي وعليه حاجتك وزوقيه بشوية حاجات لطيفة المظهر مهم وقبل المذاكرة صلي وادعي بالتوفيق وياريت تخصصي ورد قراءن ليكي يوميا ويكون في من سورة البقرة وداومي عليها وهتشوفي
تم النشر الجمعة، ١٠ نوفمبر ٢٠٢٣
لعرض السؤال في فدني اضغط هنا