السلام عليكم
أنا حرفيًا فاشلة في كل حاجه.. الصلاة مش منتظمه فيها ولا حتي قراءة القرآن و لا الاذكار بس بحاول.. حياتي الدراسية .. خلصت ثانوي و تعبت.. بس في الاخر كنت في المرحلة الثالثة و دخلت كليه بفلوس و شويه و هبدأ كورسات.. بس حاسه بردو اني هفشل...
اما بقي صحتي انا عندي كسل رهيب و تخينه مش بقدر اطلع سلمتين على بعض... و الله اعلم في ايه تاني... اما بقي في الحب و كده انا اتخزوقت مرتين او ثلاثه و حبيت كتير بس دايما الطرف الثالث او من طرف واحد او بيتسلى حاليا فهمت الارتباط حرام و بطلت احب اصلا و قللت تعاملي مع الجنس الاخر بحدود .. بس انا متاكده ان مفيش حد هيحب بنت تخينه مش جميله شكلي وحش .. وعارفة.... (لقد خلقنا الانسان في احسن تقويم).. ده بصبر بيه نفسي و اني جميله.. بس كل الناس سطحيه حتي انا... و مش اجتماعية خالص ممكن مع الي اعرفهم غير كده ببعد عن الناس التانيه ... و مفيش عيله ما فيش غير انا و ماما حتي قرايبي مافيش تعامل اوي و في انانيه و بابا اتوفي قبل ما اتولد و في كتير ماتو يعني النفسيه فل... و مش عارفه اهتم بنفسي يعني حتي مش بخرج كده او اتمشي الا للضروره مش عشان نفسيتي لا.. بقضي باقي اليوم في البيت بشوف مسلسلات كوري... دي حياتي و كمان مش كل التفاصيل 😅.. مش لقيا حل لأي حاجه مش شاطره في اي حاجه ولا بعرف اعمل حاجه... 🙃 اه و معنديش اصحاب و مش عايزه
وعليكم السلام ورحمة الله وبركاته، عزيزتي، أشعر بحجم المعاناة التي تعيشينها، وأريدك أن تعلمي أن مشاعرك ومخاوفك هي مشاعر طبيعية يمر بها الكثيرون، وأنت لست وحدك في هذا الطريق. الحياة مليئة بالتحديات، ولكن من المهم أن نستقبل تلك التحديات كأساس للنمو والتطور. الجانب الروحي : من الرائع أنك تحاولين العودة إلى الصلاة وقراءة القرآن. اجعلي ذلك هدفك الأول، حتى لو كان ذلك بخطوات صغيرة، مثل تخصيص دقيقتين يومياً للصلاة أو قراءة آيات بسيطة. هذا سيساعدك على تقوية علاقتك بالله ويعطيك طاقة إيجابية. التعليم والمهارات : بما أنك قد بدأت في الكلية وتفكرين في الكورسات، هذا خطوة جيدة. حاولي أن تستفيدي من تلك الكورسات لتطوير مهارات جديدة. يمكنك البدء بأشياء تثير اهتمامك وتجذبك؛ لأنها ستعطيك دافعاً للاستمرار. الصحة البدنية : بالنسبة لصحتك، قد يكون من المفيد البدء بتغيير بسيط في نمط الحياة. يمكنك البدء بالمشي لمدة عشر دقائق يومياً، ومع مرور الوقت ستشعرين بتحسن. ولا تنسي أهمية التغذية الصحية، حاولى تضمين فواكه وخضروات في نظامك الغذائي. العلاقات الاجتماعية : من الضروري أن تنمي علاقاتك الاجتماعية بصفتك اجتماعية بشكل أكبر. يمكنك البدء ببناء صداقة مع زملاء الكلية أو الانضمام إلى أنشطة اجتماعية تناسب اهتماماتك. تواصلي مع من تعرفينهم وابدئي بتوسيع دائرتك. تقدير الذات : تذكري أن الله خلقك على أحسن تقويم، وهذا يتجاوز الشكل الخارجي. ابحثي عن الجوانب الإيجابية في نفسك، مثل الهوايات أو المهارات التي يمكنك تحسينها. استخدمي المرآة للتحدث مع نفسك بعبارات إيجابية، مثل "أنا أستطيع وأستحق الأفضل". في النهاية، أذكّرك بضرورة مراجعة متخصص نفسي إذا شعرت بأن حالتك النفسية تستدعي ذلك، فهو يمكن أن يساعدك في تطوير استراتيجيات للتغلب على ما تواجهينه. تذكري دائماً أن كل بداية جديدة تحمل الأمل، وأن رحلتك نحو الأفضل تبدأ بخطوات صغيرة. وفقك الله وسدد خطاك.
تم النشر السبت، ٧ سبتمبر ٢٠٢٤
السلام عليكم ورحمه الله وبركاته اولا انك تكوني فاشله في كل حاجه وبعدين تقولي مش منتظمه في كذا. وقراءه القران والدراسه مش قد كده ده بيقول انه مش فش عشان قد ما هو في محاولات. يعني هي الطبخه خالص مش كده يعني اديني برده حتى لو كنت في المرحله الثالثه بس ربنا كرمه قدامنا يدخل حتى لو الكليه بمصاريف غاليه عن الدراسه في الجامعات الحكوميه ولكن؟ خلينا نقول انه ده مش اشد دي محاولات بس لما بتكونوا محاولات مش على اساس. ما بتجيبش نتائج قوي يعني بتبقى عامله زي الايه اللي بينجح كده بيبقى ضربه حظ. طيب نحاول ازاي بالطريقه الصح علشان نبدا نشوف نتائج بيها وتساعدنا نستمر اول حاجه عايزاكي تعرفيها انه الهدف الاساسي في الحياه اللي انت موجوده عشانه باباك موجود او مش موجود سواء الناس اللي ماتوا ولا لسه عايشين الهدف بتاعك انت الهدف الفردي بتاعك وبتاع كل ان هو جاي عشان يقعد ربنا ازاي الصلاه بس الصلاه دي واحده من الفروض. في كل حاجه فلو انت من ساعه ما فتحت عينك كده وقلتي انا صاحيه عشان اعبد ربنا. شوفي بقى هتعملي ايه كل حركه هتغطيها تبقى عايزه تاخدي فيها ربنا فتفتكري ممكن مثلا لو انت بتحضري الفطور تعوضيه ربنا اه تعمليها ازاي لانك وانت بتطلعي الحاجه من الثلاجه اللي انت هتعمليه بها الفطار تقولي الحمد لله على النعمه الحمد لله على ان احنا ثلاجه الحمد لله ان احنا عندنا اكل ناكله الحمد لله اننا عندنا كهرباء شغل بيها التلاجه الحمد لله على نعمته الناس الثانيه ما عندهاش اي حاجه من دي في البيت في ناس اصلا ما عندهاش ميوت الحمد لله كل عباده ربنا كل ده ربنا ايه ده كلنا واحنا. كل خطوه تقدري تعملي بيها انك تستحضري نيتك انا بعمل اللي انا بعمله دلوقتي ده ليه طيب وانت بتفطري انا هافطر هفطر كميه دي كلها هل الجسم محتاج كل الكميه دي؟ تلاقي نفسك بقى بترتبي امورك احسن بكثير وعارفه كل حاجه بتعمليها في الاخر الناتج بتاعها رايح لفين رايح لفين بقى هو ده بقى اللي احنا بنسميه الهدف من الحياه اللي هو غير الهدف اللي ربنا خلقنا عشان عشان الهدف اللي ربنا خلقنا عشانه ان احنا نعبده احنا بنحط بعديه الاهداف الثانيه الا وهي ايه انه انا هيكلي وهشرب دلي وهروح المكان ده ليه؟ ولازم يكون اجابه ليه ده في مصلحتي؟ وفي الاتجاه اللي انا اخترته اختاري اتجاهنا نفسك الاتجاه ده تبداي تحطي كل مجهودك ناحيه الاتجاه ده مش ناحيه اي حاجه تانيه. فكرت كلامي ده كده كويس وقولي لي ايه الحاجه اللي جت في بالك عشان اكمل معاكي.
تم النشر السبت، ٧ سبتمبر ٢٠٢٤
و عليكم السلام ورحمه الله وبركاته.. المفرود ان الواحد ميقولش عن نفسه فاشل عشان كل ما بتقولي كده بتدي لي نفسك فقدان شغف و أن انتي تقولي انك فاشه دا بردوا فشل ف المفرود انك تحاولي مره و اتنين و تلاته و خلي في عندك ثقه في نفسك عشان الثقة دي اهم حاجه لو مش بتلتزمي في الصلاه جربي حاجات كتير مثلا نزلي تطبيقات و الدراسه شوفي كورسات و كورس من نفسك و لو مليانه شويه اعملي دايت بس خلي عندك عزيمه و جربي كتير و علي الارتباط متفكريش اللي ربنا عايزه هيجيلك كده كده نصيبك مكتوب و لو علي الشكل ف لو في حد بيحبك هيحبك زي ما انتي و استمتعي ب الحياه عشان لو بتحسبي الناس بتقول عنك ايه مش هتعيشي مرتاحه و غيري من نفسك عشان الناس مهما عملتي هيكلموا اتغيري عشانك انتي و في الاخر كنت عايزه اقول مفيش حد كامل .شكرا.
تم النشر الأحد، ٨ سبتمبر ٢٠٢٤
خوفك من الفشل دا في حد ذاته فشل، ومش هتقدر تتقدمي خطوة طوال ماانت حاسه انك هتفشلي، ممكن تغيري تفكيرك شوية وتبصي لقدام وتحفزي نفسك بأنه اللي نجح مكنش افضل منك ولا عنده ايد زيادة ولا رجل زيادة ، كل الحكايه انه سعى ووصل، فأنت كمان لازم تسعي وتسيبي الباقي ع الله ، وفكرة التخن والوزن فعلا دا مشكلة ع المدى البعيد ممكن تبدأي نظام دايت وتنزلي جيم هيفرق معاك جدا
تم النشر السبت، ٧ سبتمبر ٢٠٢٤
لعرض السؤال في فدني اضغط هنا