السلام عليكم ورحمه الله وبركاته
ممكن تفيدوني
انا شاب في العمر ١٨ ماهي الأشياء اللي يجب عليّ فعلها قبل سن العشرين
اعطوني نصائح وخبرتكم وتجاربكم في هذا الموضوع
من الناحيه الدينيه انت دلوقتي شخص مكلف فالمفروض على الاقل تكون عارف ازاي تؤدي الفروض الرئيسيه بتاعتك صح الصلاه والصوم وهكذا يعني؟ ده من الناحيه الدينيه وكمان ان انت يكون عندك اساسيات تخليك تعرف الصح والغلط في بعض المسائل المتكرره او على الاقل المنهج اللي تعرف تميز بيه الصح والغلط لما تجيلك قضيه او مساله انت عايز تعرف فيها ايه الصح والغلط تعرف ازاي تدور انت مش مش هيكون عارف كل حاجه في الدنيا عشان تحكم بنفسك ولكن على الاقل تعرف مين اللي تسمع له ومين اللي تسمعلوش او ازاي تعرف اذا كان الشخص ده شخص ثقه ولا مش ثقه ولا ولا لان انت لما تدخل الكليه بعد كده انت ما دخلتش الكليه يعني ممكن اسمع كلام كثير مناهج مختلفه وبتاع فانت على الاقل يكون عندك الاليه اللي تخليك تعرف تميز ده من الناحيه الدينيه من الناحيه التربويه او الشخصيه يعني حاول تكون على الاقل عرفت نفسك ايه هدفك في الحياه عرفت امكانياتك عرفت شغفك على الاقل لو مكنتش لسه اختارت الكليه ازاي يعني تكون حاطط هدف قدامك في الكليه اللي انت عايز تدخلها ان شاء الله وبعد ما تتخرج عايز تطلع ايه؟ ده من الناحيه طبعا الشخص في الوقت ده انت؟ في الوقت ده. عمليه يعني انت خرجت من مرحله الطفوله ثم مرحله المراهقه وفي بدايه مرحله الشباب فالاخلاق اللي انت اكتسبتها لحد دلوقتي غالبا بتثبت معاك مده كبيره فلو ما كنتش توفرت لك الفرصه ان انت تتعلم اخلاق اسلاميه صحيحه لاي سبب كان اييي فحاول تعلم نفسك ده هتعرف تعمله لو حطيت نفسك في بيئه كويسه بيئه المسجد مثلا او قرات في سير الناس سعر الشخصيه سعر العلماء سعر الصالحين الصحابه تاريخ الاسلام الفتوحات وهكذا. القرايه في السير ذاتيه زي كتب كتاب سير اعلام النبلاء الكتب اللي بتحكي قصص من حياه الصحابه وحياه التابعين والمواقف تعرضوا لها وازاي والكلام اللي قالوه في كل موقف وهكذا ده الحقيقه بيربي كويس جدا. من الناحيه الفكريه. فانت محتاج تكون اييي؟ بتقرا كويس على اي حال في الوقت ده لان انت ممكن تكون في مرحله مرحله من دلوقتي لحد ما تتخرج من الكليه عندك فراغ معين وفراغ بال يعني خليك تعرف تمسك كتاب وتقرا فيه مثلا بعد ما تخرج من الكليه ممكن تنشغل بحاجات جيش وشغله وكده مايخليكش عندك الفراغ بنفس الدرجه يعني فالقرايه في الوقت ده. تعتبر مرحله ذهبيه للقرايه لان الاشياء اللي هتقراها هتركز في ذهنك كويس هتخلي عندك على الاقل قدره ان انت زي ما قلنا تميز الصح من الغلط لان انت هتسمع يعني حاجات مختلفه جدا من من اقصى اليمين لاقصى الشمال بعد كده القرايه في الكتب الناس الموثوقين الناس اللي بيعرفوا يفكروا للاسف مش كل الناس كاتبين الكتب او اللي بيطلعوا في الاعلام او البرامج بيقولوا الكلام صح خالص يعني يعني لو اخترت الناس اللي تعرف تقرا لهم صح ولا تعرف تسمع لهم صح ااا هتفرق معاك كثير فما تضيعش وقتك في حاجات تافهه افلام ومسرحيات واغاني ومش عارف ايه في الوقت ده لان ده زي ما قلت لك هو الوقت الذهبي بتاعك فحاول ما تضيعش ااا ما تضيعش عمرك في حاجات تافهه طبعا حاول تهتم بجسمك من ناحيه الرياضيه لان انت برده في مرحله تكوين الجسم وبناء الجسم يعني فاللي هتعمله دلوقتي هيفرق معاك كثير بعدين ان شاء الله وربنا يوفقكم.
تم النشر الخميس، ٢٤ أكتوبر ٢٠٢٤
وعليكم السلام ورحمة الله وبركاته، أحمد. إن سن العشرين هو بداية مرحلة جديدة في الحياة، حيث تتجه الأنظار نحو المسؤوليات والقرارات الهامة. إليك بعض الأمور التي يُفضل إنجازها قبل بلوغ هذا السن: الاستكشاف الذاتي : حاول التعرف على اهتماماتك ومهاراتك وما تحب القيام به. يمكنك تجربة أنشطة مختلفة، مثل التطوع أو الانخراط في الهوايات، لتكتشف نفسك بشكل أفضل. التعليم وتطوير المهارات : حاول أن تستثمر في تعلّم مهارات جديدة، سواءً من خلال الدراسة الأكاديمية أو من خلال الدورات التدريبية. المهارات العملية، مثل اللغات أو البرمجة، قد تفتح لك آفاقًا جديدة. تكوين علاقات اجتماعية : بناء علاقات صحية مع الأصدقاء والزملاء أمر مهم. حاول الحفاظ على صداقات جيدة وتكوين شبكة من العلاقات التي تدعمك في المستقبل. تحديد الأهداف : ضع أهدافًا واضحة لحياتك، سواء كانت مهنية أو شخصية. يمكنك كتابة أهدافك وأفكارك في دفترٍ خاص وتحديثها بشكل دوري. تعلم إدارة المال : ابدأ بتعلم كيفية إدارة مصروفاتك وتوفير جزء من دخلك، حتى لو كان قليلًا. هذه المهارة ستساعدك كثيرًا في المستقبل. استكشاف العالم من حولك : حاول السفر وزيارة أماكن جديدة، حتى داخل بلدك. هذا سيوسع آفاقك ويساعدك في فهم ثقافات وتجارب جديدة. المشاركة في الأنشطة المجتمعية : الانخراط في الأعمال التطوعية يأخذك لتجارب قيمة ويعزز من شعورك بالانتماء والبذل. الاهتمام بالصحة : احرص على اتباع نظام غذائي صحي وممارسة الرياضة. الصحة الجيدة هي أساس لتحقيق الأهداف. تذكر أن كل شخص لديه مسار مختلف في الحياة، وما ينطبق على شخص قد لا ينطبق على آخر. اقبل التحديات وتعلّم منها، وعليك أن تكون دائمًا على استعداد للتغيير والنمو. وفقك الله في خطواتك المقبلة.
تم النشر الخميس، ٢٤ أكتوبر ٢٠٢٤
١ول شيئ التقرب اللي الله والدعاء ثم... ١.الزواج ٢. تعلم الكورسات وعلي رأسهم اللغة الانجليزية ٣.الانخرط في العملي وليس النظري واخذ خبرات عن طريق العمل ٤.زيادة الذكاء العاطفي والتحليلي ٥.النضج. دا من الانجازات اللي لازم تحققها من وجهة نظري، فيه آراء مختلفة في الموضوع دا، ودا اختصاري فقط، والتفاصيل عاجز اني افيدك فيها.
تم النشر السبت، ٢٦ أكتوبر ٢٠٢٤
لعرض السؤال في فدني اضغط هنا