هو ولد طيب و حساس جدا بس احيانا تصرفاته غريبة و بيحب يبين أنه كبير او بقا راجل و تقيل و اسلوب كدة ...
بيعيط من النصائح أو الكلام اللي ف مصلحته و بيتضايق بسرعة و طول الوقت قاعد على التليفون و ببجي الخ...
طبيعي طالما هو حساس بالطريقة ديه، هيكون محتاج معاملة خاصة شوية .. هيضايق من الاوامر، او من النصائح اللي بطريقة مباشرة، لانه ممكن يكون شايف نفسه خطأ .. ويبدا يضايق من حاله وقتها. لو طول الوقت قاعد على الفون، يبقى مش حاسس بالانتماء وسط اهله، او مش لاقي الشخص اللي يحتويه .. ياريت تقربوا منه .. وتعرفوا اهتمامته، وتحاولوا تشاركوه فيها .. اهتموا بالحاجات اللي بيقولها .. لا تحسسوه انه بيقول كلام تافه او ملوش لازمة، ويكون رد الفعل عنيف. وصلوا له انه عادي انه يخطأ، لان كل بيخطأ .. ولكن اللي مش عادي اننا منتعلمش من الخطأ. خليه يجي ويقول انا عملت كذا كذا .. ميخافش منكم. الفترة ديه صعبة شوية ف على قد ما هتعملوا مجهود معاه على قد ما الفترة ديه هتعدي على خير.
تم النشر الأربعاء، ١٠ أبريل ٢٠٢٤
طبيعي الأولاد في السن دا بيكونوا عايزين يثبتوا انهم كبار ورجالة و يعتمد عليهم بسبب سن المراهقه والتغييرات الهرمونية و انكم لسه بتعاملوه كـ طفل وهو عايز يثبت انه كبير .. وفالوقت دا هيشوف النصايح انه لسه طفل برضو فنظركم فبيتضايق .. إلحل إنك تسمعيله .. شوفي إمتى مزاجه حلو وكلميه كصديقه وإنه من سنك مش إبنك و احكيله مثلا عملتي ايه النهارده وقوليله وانت عملت ايه النهارده ؟ واحده بواحده هيحكيلك أحداث يومه ومشاكله وكل ما يحكي لازم تبيني اهتمامك لكلامه بتعبيرات وشك و إيمائات راسك معاه و متقاطعيهوش وهو بيتكلم ولا تلوميه على غلط هيحكيه ولا تزعقيله و كل ما يوقف خليه يكمل بكلام زي ( وبعدين ؟ ) (وحصل إيه بعد كدا ! ) ( بجد ) ( وإنت عملت إيه ؟ ) وهكذا.. تجنبي خالص انك تديله محاضره وتنصحيه لما يحكيلك حاجه غلط عملها عشان دا هيخليه يتوقف نهائي انه يحكيلك .. لكن فكري ازاي تعالجي الموضوع دا بطريقه تانيه بعدين خليكي فالأوامر معاه أوامر إيجابية زي ( تعالى بدري ) بدل ( اوعى تتأخر ) لو هتطلبي منه يعمل حاجه تعملي تواصل نظري بينكم وتقوليله من فضلك اعمل كذا واشرحيله السبب زي ( انت هتساعدني اوي لو عملت كدا وانا محتاجه مساعدتك ) ولو نفذ الطلب امدحيه و اشكريه عليه
تم النشر الأربعاء، ١٠ أبريل ٢٠٢٤
لعرض السؤال في فدني اضغط هنا