سلام عليكم ورحمه الله وبركاته
انا بنت عشت ماساه مع عائلتي وبعدين حبيت شخص كان بيفرحني وكنت بعيش معاه اجمل ايام عمري وكان دائما يسمعني ويبكي لأجلي كملنا السنتين سوا وبعد ذلك انا دخلت في اكتئاب ومحدش وقف جمبي فيه حتي هو محسش بيا فيه لاني مش بقول مشاعري اوي ومكنتش بحسسه بحاجه علشان كان هو مضغوط جدا في شغله انا الاكتئاب سيطر عليا جدا وبعدين لقيت نفسي محتاجه اكلم حبيبي ده اوي بس مكنتش بلاقيه فاجأه اهتمامه قل جدا غير الاول وبقي مهملني وانا نفسيتي تعبت اكتر وبعدين حصل بينا مشاكل وبقيت ابعد عنه بسبب تعبي وهو اعتقد مهتمش اوي وبعدين اتصالحنا وبعدين حصل خناقه تاني بسبب اني كنت بعاتبه علي حاجات مزعلني منها حاسه أنه خذلني فيها فهو اتعصب وبقي يقفل في وشي وبعدين بقي يقولي انت وحشه انا معيشاني في نكد انا تعبت وبعدين انا حزنت اوي وحياتي باظت ومش حسسته بحاجه بس هو حس بالذنب وكان عمال يتأسف وانا قلبي شال اوي مره واحده واتصالحنا بس انا مره واحده حسيت اني مش بحبه ومش قادره حتي اشوف صوره هل ده طبيعي ولا لأ علشان انا زعلانه بزياده علي إهماله وخذلانه ليا وأنه وقت الخناق مش بيخاف علي مشاعري ولا اي بس انا متاكده اني بيحبني بس انا معدتش متاكده من مشاعري انا مش عارفه ده بسبب الاكتئاب اللي انا فيه علشان انا فاقده مشاعري لكل حاجه وحياتي بقت لامبالاه ولا انا فعلا معدتش بحبه
وعليكم السلام ورحمة الله وبركاته .. كل ما في الموضوع انك كنتي محتاجه لشخص يكون حنين معاكي، ايا كان هو مين، انتي كنتي محتاجه للشخص ده في حياتك. علشان يخرجك من حالة الحزن اللي انتي فيها مع اهلك. ولكن هل تعتقدي انه هو ده السبب؟ انتي كنتي بتهربي من غلط لغلط. غلط انك محاولتيش تواجهي مشاكلك مع اهلك، وهربتي منها على غلط اكبر مع واحد في علاقة، وللاسف اي شئ بيغضب الله لا يبارك فيه ابدا. ديه علاقة ملهاش معنى، يعني ايه اخرتها؟ اخرتها انه سابك .. هو عايز يعيش يومين حلوين، مش عايز نكد .. تفتكري الشخص اللي يكون بيحبك بجد، هيكون عايز يقضي معاكي الحلو بس؟ ولا الحلو والوحش؟ ف ده اساسا مكانش كويس من الاساس، حتى لو كان كويس معاكي في الاول، ما هو لازم يدخل عليكي بكلمتين حلوين، وانا معاكي ومش هبعد، وهدعمك! وفي الاخر خلاص الموضوع يخلص. ابعدي عن العلاقة ديه نهائي، وقربي من ربنا واستغفري، لانها كانت علاقة لا ترضيه. وابدئي شوفي مشاكلك مع اهلك وواجهي الموضوع، المواجهة خير من الف هروب.
تم النشر السبت، ٢٧ أبريل ٢٠٢٤
انتي محتاجه تساعدي نفسك وبعد كده تفكري فيه حياتك اهم أولا ظبط حياتك وشوفي انتي محتاجه اي ورجعي تاني بس وانتي أحسن من كده قربي من ربنا اووي خلي الروحانيات تكون عالية عندك هتظبط نفسيتك في وقت قصير بعد كده شوفي دارستك اي اخبارها أو شغلك اي اخبارها الخطوه إلا بعد كده اعطي اهتمام لنفسك من حيث المظهر الخارجي اهتمي بنفسك اخرجي كل يوم لواحد قبل المغرب بساعة وتمشي علي البحر وحكي مع نفسك كل ده وانتي غيب عنه مفيش كلام بينكم ممكن بعد كده تاخدي قرار في سؤالك ؟؟؟ تحياتي 🕊️ 🌸
تم النشر السبت، ٢٧ أبريل ٢٠٢٤
انتى ذى مابتقولى حياتك مأساه لما دخل حياتك الشخص دة يعتبر حلى حياتك لاقيتى إلى يهتم ويسأل ويخاف عليكى بس عاوزاكى تفكرى هل حبك ليه حبيتى فعلا ولا مجرد واحد كان بيهتم بيكى فتعلقتى بيه لمرجد الاسباب دى وممكن فعلا علشان الاكتاب هتلاقى مشاعرك متلغبطة ومش طيقة حد
تم النشر الجمعة، ٢٦ أبريل ٢٠٢٤
حبيبتي الله يشفيكي و يكون معاكي. يعني اي بنت بتتمنى تلاقي الشخص يلي تحبه واقف جنبها في اصعب اوقات ليها، وكثرة الإهمال بتنقص من مكانة ذلك الشخص في حياتها عموما ، بس من رأيي اعطيه فرصة يصلح غلطه و يثبتلك العكس و في هذي الفترة حاولي تفهمي مشاعرك و تختبري حالك إذا لساتك تحبيه او لا.
تم النشر الثلاثاء، ٣٠ أبريل ٢٠٢٤
بصي يا بنتي من رأيه انك محبتيهوش اصلا وانك كنتي داخله العلاقه دي عايزه بس تحسي بشعور معين انتي فقداه وهو الحب والاهتمام وانتي في الاول اتعلقتي بيه جامد زي الطفلة وهو كان حابب دا في الاول بس لما ضمن وجودك ابتدأ اهتمامه يقل وأنه برضو بيدور علي حاجه جديده ومختلفة كل واحد فيكم كان بيدور علي حاجه في التاني ومتعشم أنه يلاقيها وانتي مليتي من دا لما مبقتيش تحسي بشعور الا انتي محتاجه معاه هقولك نصيحه انتي لو فضلتي تدخلي في علاقه كل مرة هيحصل كده لانك هتبقي عايزة دايما تحسي بشعور انتي مفتقداه من أهلك فعشان كده لازم تتصالحي مع نفسك وتحبيها وتفضليها عن اي حد وعشان محدش يستغلك ولا يلعب بمشاعرك ولو معرفتيش تعملي كده لوحدك روحي لاي دكتور نفسي هيساعدك وتبقي احسن أن شاء الله
تم النشر السبت، ٢٧ أبريل ٢٠٢٤
لعرض السؤال في فدني اضغط هنا