انا بخاف اختلط بالناس ودايما منعزله وعلطول ماسكه الفون ومش بقدر اسيبه وعلطول زهقانه ومحدش فاهمني ودايما يحسسوني اني فاشله ومليش لازمه ومحدش المفروض يتعامل معايا وبقيت اخاف اتعامل مع اي حد مع ان شخصيتي مرحه وبحب الضحك والهزار فجأة بقيت بتعصب من اقل حاجه ومش بقبل اي نقد من اي حد مهما كان وعندي مشكله ف النوم دايما بسهر حقيقي مش عارفه اعمل ايه ولا اطلع ازاي من اللي انا ف دا ولو قولت عايزة اروح عند دكتور نفساني يضحكو ويقولو ليه مجنونه زهقت ومش عارفه اعمل ايه حقيقي؟؟؟
انت محتاجه الاول تتعلمي يعني تبني تقديرك لذاتك بناء تقدير للذات هيساعدك كتير قوي ان انت تعرفي نفسك وتعرفي انت عايزه ايه محتاجه تثقي بنفسك تعرفي تقدري نفسك ازاي ده محتاجه تبنيه والتقدير الذات محتاج يتبني عشان كده بداتي تبقي عصبيه ما عندكيش تقدير لذات وثقه بالنفس فبدات تبقي عصبيه بدات تتوتري وتتحمليش نقد كتير ودي كلها علامات بتقول ان انت عندك نقص تقدير الذات كبير جدا فالجاي فعلا انت مش مجنونه ولا حاجه الجاي لمتخصص الجائي لحد متخصص ممكن تكون كوتش ممكن يكون اخصائي نفسي يساعدك عشان خاطر تبني تقدير الذات تقدير الذات محتاج خطوات عشان يتبني ساعتها تقدري كويس قوي تعرفي انت عايزه ايه تعرفي شخصي
تم النشر الاثنين، ٨ أبريل ٢٠٢٤
شكرا لحضرتك على المشاركة التليفون والسوشيال ميديا بتبني حاجز كبير بينك وبين الواقع وبتعيشي فعالم افتراضي انتي بنيتيه لنفسك بتقبلي اللي حاباه وبتبلكي اللي يضايقك بتفرحي بلايك او كومنت اوشير وتزعلي من نقد سواء صح او غلط بيزود السيطرة جواكي انك الوحيده المتحكمة في حياتك بلمسه ع الموبايل بيزود عندك الدوبامين الغير صحي فيزود عندك هرمون السعاده الزائف فتنزلي علي ارض الواقع تصدمي الناس مش مقدرينك محدش بيسمع كلامك بتتعصبي من اقل طلب او اي كلام مش علي هواكي ومش بتلاقي نفسك فتهربي للعالم اللي انتي بنيتيه فالعالم الافتراضي وتزداد الفجوة بين الواقع اللي عايشاه وتقبلي ليه وبين الحياه اللي متخيله اني عايشاها ع السوشيال ميديا هل في حل ؟ اه طبعا سهل وسريع ؟ لا طبعا في حل ولكنه بيحتاج التزام وممارسة واستمراريه منك لانه بيدوم اكتر وأثره علي نفسك وحياتك اكبر وانتي لازم تسعي عشان تعرفيه هبعت لينك ممكن يفيدك https://youtu.be/9mDzOkcevNk?si=dDxhdE8H4d3QezOE https://youtu.be/cZT9dKrxPJM?si=ovprGjEBn5j1M99J https://youtu.be/ejPGEM3ZZsU?si=hLl8aHnwQp9eIhZ3
تم النشر السبت، ١٣ أبريل ٢٠٢٤
حاولي تبعدي عن الفون والسوشيال ميديا ولو اسبوع ....لو انتي ف دراسه ركزي عليها ولو ف اجازه اعملي حاجه بتحبيها ...اتحدي نفسك ..ف الأول بيبقي الموضوع صعب بس لما تنجزي حاجه بجد هتتبسطي ...اهلك عشان شايفينك ماسكه الفون ومش بتعملي اي حاجه مفيده ف رد فعل طبيعي انهم يرموا كلمه مثلا دي مش بتعمل حاجه
تم النشر الأحد، ٧ أبريل ٢٠٢٤
مش عاجباكى حياتك ومعترضه على اغلب الحاجات اللى فيها نفسك الواقع بتاعك ييبقى بشكل تانى متعصببه من كتر ما انتى مخك مش ملاحق على اللى بيدخله من السوشيال ميديا فين حياتك عشان حد يفهم منها حاجة ...طب انتى فاهمه نفسك فى الاساس ؟ طب هل انتى عارفه تتكلمة عن نفسك وهما اللى عندهم مشكلة فى الفهم ؟
تم النشر الخميس، ٤ أبريل ٢٠٢٤
حاول تكتسبي اصدقاء حاول تمارسي هوايه وكدا
تم النشر السبت، ٦ أبريل ٢٠٢٤
والله بصلي الحمدلله ومليش صحاب قد كدا ولل بيخرجو اصلا عشان نخرج
تم النشر الخميس، ٤ أبريل ٢٠٢٤
طب هو لو انتي مش بتصلي او حتى بتراكمي الصلاة حاولي تنظمي صلاتك ولو كمان لسا ف ثانوي او كلية حاولي تشوفي زمايل ليكي ف الدراسة و تتعاملو مع بعض و بعد كدة المراحل بينكم هتطور و تنزلو تتقابلو و برضو حاولي تسمعي بودكاست هادف زي وعي و أيه المشكلة و فنجان هيخلوكي متحسيش بالوحدة و الاكتئاب حبتين
تم النشر الخميس، ٤ أبريل ٢٠٢٤
لعرض السؤال في فدني اضغط هنا