انا لدي مشكلة اني من صغري وأنا انطوائي وكنت فاكر إن الموضوع طبيعي لحد ما كبرت واكتشفت ان الموضوع نفسي وبيأثر عليا في تعاملاتي مع الناس وخصوصا البنات بسبب الشعور الدائم بقلة الثقة واكتشفت إن اهلي السبب في ده بسبب خلافتهم المستمرة امام الناس منذ صغري فده سبب لي حاجز نفسي معاهم، اولا اني مش بقدر اعبر او احكي لهم عن اي حاجة وبتهرب دايما من اي موقف يجمعني بيهم في الاجتماعات.
ايه الحل وهل الموضوع يستدعي اني اروح لطبيب نفسي
الموضوع ليه علاقة بطفولتك وخلافات أهلك اللي أثرت على ثقتك بنفسك وتعاملاتك مع الناس. الحل يبدأ إنك تحاول تفهم المشكلة وتبدأ تطور نفسك بالتدريج، زي إنك تجرب تتكلم أكتر مع الناس أو تدخل في أنشطة اجتماعية بسيطة، وتركز على حاجات تطور ثقتك بنفسك زي تعلم مهارات جديدة. لو حاسس إن المشكلة مأثرة عليك بشكل كبير ومش عارف تحلها لوحدك، يبقى ضروري تروح لطبيب نفسي. العلاج النفسي مش عيب وفعلاً هيساعدك تفهم نفسك أكتر وتتعامل مع مشاكلك بطريقة أفضل.
تم النشر الاثنين، ١٨ نوفمبر ٢٠٢٤
السلام عليكم ورحمه الله علي حسب سنك و انت بتعمل ايه حاليا في حياتك و مدي تحجيم الانطوائيه ليك . في الأغلب بتكون محتاج تعرف يعني ايه توكيد ذات و ثقه بالنفس و حمايه حقوقك و ازاي تقدر تعبر عن كل حاجه في الوقت المناسب و ازاي تتحكم في طبقه الصوت و التعرف الأفكار اللي بتخليك تاخد السلوك الإنطوائي ، و اظن الموضوع محتاج تنميه و تعديل افكار لو كنت مواصلة حياتك بشكل طبيعي و مفيش تعطيل .
تم النشر الاثنين، ١٨ نوفمبر ٢٠٢٤
على حسب مرحلتك العمرية الحالية طبعا مشاكل الاهل ليها تأثير بس مش شرط تكون هى بس السبب فى عوامل تانيه كتير سواء روحت لطبيب نفسي او لا فانت ضرورى تكون واعى ان الموضوع بقى يخصك عشان تحسن من نفسيتك او من شخصيتك
تم النشر الأحد، ١٧ نوفمبر ٢٠٢٤
أخي العزيز، أقدر صراحتك في مشاركة مشاعرك وتجربتك. إن ما تمر به قد يكون نتيجة لتأثيرات الماضي على النفس، وهو شعور شائع لدى الكثيرين. إليك بعض الخطوات العملية التي يمكنك اتخاذها: الوعي بالنفس : ابدأ بالاعتراف بمشاعرك وتقبلها، فهذا هو أول خطوة للتغيير. حاول أن تكون واعيًا للمواقف التي تشعرك بالتوتر وكيف تتفاعل معها. التواصل الفعّال : ابدأ بالتواصل مع أسرتك بطرق بسيطة. يمكنك أن تخبرهم عن مشاعرك بشكل مباشر، أو حتى كتابة رسالة إذا كان ذلك أكثر راحة لك. التواصل قد يساعد في واضحة الأمور وفتح المجال للتفاهم. تطوير الثقة بالنفس : حاول أن تحدد مهاراتك واهتماماتك وابدأ بممارستها، كما يمكنك المشاركة في الأنشطة الاجتماعية التي تساعدك على التعرف على أشخاص جدد وتحسين مهاراتك في التواصل. زيارة طبيب نفسي : إذا شعرت أن مشاعرك تعيق حياتك بشكل هائل أو أن الأمور لا تُحرز تقدمًا، فقد يكون من المفيد التحدث إلى متخصص في الصحة النفسية. العلاج النفسي يمكن أن يوفر لك الدعم ويتيح لك استكشاف جذور هذه المشاعر بشكل أعمق. تذكر، أن الرحلة نحو الشفاء وتجاوز العقد النفسية ليست سهلة، وقد تتطلب الوقت والجهد. ولكن من المهم أن تأخذ الأمور خطوة بخطوة، ولا تتردد في طلب المساعدة عند الحاجة. وفقك الله في مسعاك نحو تحسين حالتك النفسية وتجاوز العقبات.
تم النشر السبت، ١٦ نوفمبر ٢٠٢٤
صباح الخير ، لو هنسميه خجل وكسوف ف ده له حلول كتير أهمها انك تتعامل مباشره مع الشخصية المستهدفة بالنسبالك وده محتاج ثقة في نفسك و تحكم في اعصابك هتكسب كل ده لما تتعامل وتختلط مع اكبر عدد من الناس في حياتك ، لو الموضوع عامل نفسي روح لدكتور عادي والكلام معاه 90٪ مشكلتك اتحلت إن شاء الله.
تم النشر الأحد، ١٧ نوفمبر ٢٠٢٤
لعرض السؤال في فدني اضغط هنا