انا منفصلة من سنتين ودخلت حروب كتير اوي مع طليقي وأهله لحد ما أخدت بنتي منهم بس جوايا غضب شديد اوي مش قادره أوصفه كل اللي بحس بيه ان من اتفه الأشياء بفضل ازعق واعلي صوتي جدااا وقت الغضب وممكن الموقف ميكونش مستاهل ده تعبت صحيا جدا من شده الزعيق وبقيت باخد علاج لكل حاجة تقريبا ولسه جوايا غضب
وعندي احساس بالانتقام بعد لما عرفت ان طليقي خطب وعايش حياته ومش بيصرف علي بنته ولا يعرف عنها أي حاجة وحاسه ان جوايا طاقة غضب وانتقام مش هتهدى إلا لما آخد حقي منهم مؤمنة ان ربنا هيجبلي حقي في يوم لكن لحد ما ده يحصل مش قادره أتحكم في مشاعري دي وده مأثر جدا في تعاملي مع بنتي محتاجة مساعدتكم اني ازاي اتخطي اللي أنا فيه ده؟💔
السلام عليكم ورحمة الله اهلا بيكي اقدر كل اللي تعاني منه و لكن لو استمرت هذه الحاله هتتعبي اكتر زي ما انتي قولتي "باخد علاج لكل حاجه" و دا بسبب البركان اللي جواكي و التفكير ليل و نهار في الأمور السلبيه المزعجه اللي عايشه فيها. أدي كل موقف حقه، احيانا بنقع في دائره الأفكار السلبية لاننا معرفناش ناخد حقنا اللي يرضينا ف نفضل نفكر الصبح و بليل كنت المفروض اعمل كذا و اقول كذا و تلاقي الانفعالات بتطلع معاكي و دا اللي بياثر علي صحتك ، بس خليني اقولك كام يوم فضلتي كدا، ايه اللي اتغير؟؟؟؟ اللي فات متفتحيش فيه ولا تطلعي الصاروخ بالتفكير ليوم لسه مجاش " هترتاحي لو نفذتي دا" شوفي ايه اللي تقدري تغيريه، لو مفيش شغل حاولي تشوفي شغل برا البيت أو في البيت لأن الماديات ممكن تكون جزء من الضغوطات اللي عليكي. علاقتك ببنتك اديها كلام إيجابي و حضن و مدح و مدخليهاش في المشاكل و حافظي علي نفسيتك و نفسيتها. طلعي الطاقه اللي جواكي بالرسم أو المشي كل يوم نص ساعه مع بنتك، أو چيم،، مارسي تمارين استرخاء عضلي هتلاقي علي اليوتيوب هيساعدك ركزي مع نفسك و اهتمي بيها ، و عليكي بالدعاء أن ربنا يكرمك و يكتبلك كل الخير و العوض اللي يليق بسبحانه و تعالي العظيم البر. تحياتي
تم النشر السبت، ٥ أبريل ٢٠٢٥
مش انتي اول ولا اخر واحده تنفصل وبيحصل كتير وانتي متزعليش نفسك ولاتغضبي بالعكس عيشي حياتك وابسطي نفسك واحمدي ربك انك عرفت تاخديها وان بنتك معاكي وفي حضنك وزعلك ده هيكون اكبر انتصار ليهم وقولي يارب عوضني خير ومتفكريش في الانتقام انتي بس اقعدي اتفرجي عليه وان الدنيا بتدور وحقك بيرجعلك كتير مننا عايش مظلوم بس الحمدلله انك مظلومه مش ظالمه حد وربنا انشاء الله هيعوضك خير
تم النشر السبت، ٥ أبريل ٢٠٢٥
🎤 إجابة صوتية
تم النشر السبت، ٥ أبريل ٢٠٢٥
عزيزتي، أشعر بألمك ومعاناتك بسبب ما تمرين به. الانفصال والخصومات الأسرية يمكن أن تكون تجربة مؤلمة وصعبة جداً، ومن الطبيعي أن تشعري بالاستياء والغضب. لكن من المهم أن ندرك أن هذه المشاعر يمكن أن تؤثر سلباً على صحتك النفسية والجسدية، وعلى علاقتك بابنتك. في البداية، من المهم أن تتقبلي مشاعرك، فهي جزء من عملية الشفاء. ولكن في الوقت نفسه، ينبغي أن تكوني واعية بأن الغضب والانتقام لن يجلبا لك السلام الداخلي أو الراحة. إليك بعض النصائح التي قد تساعدك على التعامل مع مشاعرك: تدوين المشاعر : حاولي كتابة مشاعرك بشكل منتظم. قد يساعدك ذلك في تفريغ ما بداخلك والتعبير عن الغضب بطريقة صحية. التحدث إلى شخص موثوق : قد يكون من المفيد التحدث إلى صديقة مقربة أو معالج نفسي يساعدك في معالجة مشاعرك. إعطاء صوت لمشاعرك يمكن أن يكون تخفيفاً كبيراً. التركيز على إيجابيات حياتك : حاولي التركيز على الجوانب الإيجابية في حياتك، مثل علاقتك بابنتك والمستقبل الذي تبنينه لها. هذه الطاقة يمكن أن تساعدك على تجنب التفكير في الانتقام. التحلي بالإيمان والصبر : اعتقدي أن الله سيمنحك الحق في الوقت المناسب. يمكنك الدعاء والصلاة، وطلب المعونة من الله لتخفيف همومك والمساعدة في تجاوز هذا الغضب. ممارسة أنشطة ترفيهية أو جديدة : قد يساعدك الانخراط في أنشطة جديدة أو هوايات تجلب لك السعادة على تخفيف التوتر. في النهاية، تذكري أنك لست وحدك، وأن تحلي بالصبر مع نفسك خلال هذه الفترة الصعبة. اعملي على تحقيق السلام الداخلي ولن تندمي. أتمنى لك كل الخير وأنت تستمرين في هذه الرحلة.
تم النشر الجمعة، ٤ أبريل ٢٠٢٥
لا تتركي نفسك للفراغ لأنه بيسيطر عليك افكارك بسببه ، واحتسبي اللي فيك عند الله والله لا يضيع أحد وقارني نفسك باخواتك اللي في فلسطين وغيرهم واعرفي انك مش اعز على الله منهم وانما الله عافاك ، لقد كان لكم في رسول الله أسوة حسنة لمن كان يرجو الله ، والرسول صلى الله عليه وسلم أشد الناس بلاء
تم النشر السبت، ٥ أبريل ٢٠٢٥
حاولي تطلعي من هذا الجو بأنك تتعلمي وتدرسي اونلاين وتشتغلي لو حتى أعمال تطوعية بدون مقابل او بمقابل او تمارسي هوايات مفضلة صحيح ان اللي تمري فيه مشكله وتسبب قلق وتوتر لكن انك تكون فاضية طول الوقت يخلي مشكلتك اكبر من حيث التفكير فيها وايضا توفري دخل إضافي بحيث ما تحتاجي مصروف طليقك وبالنسبة حقك تطالبي فيه بالقانون
تم النشر السبت، ٥ أبريل ٢٠٢٥
لعرض السؤال في فدني اضغط هنا