ابني عمره 21يوم ديما عايز يرضع ولما اشيل صدري منو يصوت وعايزو ف بؤء حتي لو مش هيرضع ومن كتر الرضاعه يرجع ورحت لدكتور قالي امنعي الرضاعه كل شويه وخليها كل ساعتين حولت بس هو بيعيط جامد اوي لحد مايتعب ومبيبقاش قادر يعيط وبيكون بياكل ف هدومه فا انا بطلت كلام الدكتور وبقيت برضعو زي ما هو عايز بس بيرجع وانا مش عارفه اعمل اي
هو الترحيع ده عادي وطبيعي جدا في السن ده عشان بيكون لسه فم المعده بتاعهم مش مقفول تماما فمش بيحجز الحليب ال بيدخل كله فبيحصل ارتجاع للحليب حضرتك محتاجه توضحي هل بيرجع كل الحليب ال شربه ولا كميات بسيطه ؟ محتاجه كمان تتاكدي ان رتجاع ال عنده طبيعي مش مرضي يعني الارتجاع ده هل بيصاحبه انه يشرق كتير جدا وكل شويه ولا لا غير كده فهو ان شاء الله طبيعي وفترة لغايه ما يتم ٣ شهور ان شاء الله هتلاقيه بيتحسن بالتدريج حاولي بس تتاقلمي مع الفترة دي لغايه ما تعدي ان شاء الله خلي بالك كمان ان اوقات الترجيع بيكون من الحر الشديد او رد الشديد وازني كده اللبس بتاعه زشوفي هل الحو عندك حر وانت ملبساه تقيل او برد وملبساه خفيف في الحالتين هتلاقيه بيرجع اوقات كمان بيطلب يرضع كتير من الحر زي انت بتعطشي كتير في الحر في كل الاحوال الوصف ال انت بتقوليه ده مفيهوش اي مشكله خالص الموضوع طبيعي جدا ان شاء الله بالنسبه للرضاعه في مدرستين مدرسه رايها زي الدكتور انك تنظمي له الرضاعه ولكا ياخد رضعه كويسه ومشبعه كده متديهوش اي رضعه تاني غير بعد ساعتين وفي الوقت ال بينهم عوديه ياخد السكاته هتريحك جدا وتساعدك حدا في تنظيم رضاعته ان شاء الله وفي مدرسه تانيه بتشوف انه لا يدرك النظام والتنظيم وكل ما يطلب رضاعه رضعيه حضرتك كأم مع الوقت هوعرفي ايه المناسب مع ابنك ان شاء الله لا تقلقي
تم النشر الجمعة، ٢٠ أكتوبر ٢٠٢٣
فيما يلي بعض النصائح التي قد تساعدك: تأكدي من أن الطفل يمسك الثدي بشكل صحيح. إذا كان الطفل لا يمسك الثدي بشكل صحيح، فقد لا يحصل على ما يكفي من الحليب، مما قد يؤدي إلى الرضاعة المستمرة والارتجاع. حاولي إرضاع الطفل في وضع مريح. تأكدي من أنك مرتاحة وأن الطفل مرتاح. حاولي إرضاع الطفل في مكان هادئ. سيساعد ذلك الطفل على التركيز على الرضاعة. إذا كان الطفل يرجع الحليب، حاولي إرضاعه في وضع أفقي قليلاً. هذا سيساعد على تقليل الضغط على المعدة.
تم النشر الجمعة، ٢٠ أكتوبر ٢٠٢٣
ما هو لازم تعملى بكلام الدكتور وممكن تديله الحلمة الصناعيه فى الاوقات غير الرضاعه
تم النشر الجمعة، ٢٠ أكتوبر ٢٠٢٣
لعرض السؤال في فدني اضغط هنا