انا البنت بتاعت مشكله الثانويه العامه شفت كلام دكتور مي وبصراحه فرق معايا جدا بس انا عايزه اعرف ازاي ابدا من جديد منغير ما نفسيتي تكون مدمره ومتاثرش باللي حواليا وصحابي اللي بقوا كلهم ف الكليات ومزعلش علي حالي واستقبل قضاء ربنا برضا انا بصلي الحمدلله وبحاول اكون دايما قريبه من ربنا وطبعا مع بابا ف الظرف اللي هو فيه ربنا يشفيه بس انا مش عارفه ابدا مذاكره من تاني صح بعد الحصل وداخلين ف شهر ١ ف اعمل ايه عشان نفسيتي تتحسن وارجع اذاكر
أول حاجة محتاجين نقطع عهد مع نفسنا إننا هنعمل اللي علينا السنة دي وهنقف مع نفسنا ومش هنستنى أبداً التشجيع من حد ولا هنقارن نفسنا بحد وإن رحلتنا فردية تماماً ونشيل أي أفكار سلبية من دماغنا و نجرب نبدأ تاني ع مهلنا وبهدوووء يعني حاولي ماتوتريش نفسك بالوقت وإنك ممكن تتعثري تاني بعد الشر و اغلبي خوفك باليقين بالله وربنا بإذن الله هيعينك طالما عقدتي النية وتوكلتي عليه.. ثقي بالله ♥️ هنصحك بقا كام نصيحة أتمنى يفرقوا معاكي.. 👇🏻 لما نبدأ نبدأ بهدوء جداً وجرعات مذاكرة بسيطة أوي ونزودها يومياً زي ما بنزود جرعات الدوا بالتدريج كده وياريت تشوفي فيديوهات ونصايح المذاكرة الفعالة واكتبيهم ف ورقة تكون مرجع دائم وحاولي تطبقي النصايح اللي فيها خلال مذاكرتك هتساعدك جداً وهتحسي إن الموضوع مش مستحيل وان للمذاكرة ليهاطعم تاني عايزاكي كمان تجهزي كل الحاجات الحلوة اللي بتحبيها وتكتبي بيها ليست وبردو تحتفظي بيها جنب ورقة نصايح المذاكرة ، الحاجات اللي ف الليست دي هتكون أولاً كمحفزات ليكي إنك تبدأي تذاكري و تنجزي وتنتجي وثانياً كمكافآت ليكي بعد ما تخلصي اللي عليكي ، وياريت لو من ضمنهم الشوكولاته والسكريات والأكل اللي مش صحي نحاول إننا نضبط الحصص بتاعته ونقلله ونستبدله بالبدايل الصحية قدر الإمكان عشان مش عايزين نخرج من مشكلة نلاقي مشكلة زي زيادة الوزن ف خدي بالك النقطة دي كمان متصلة بالنقطة اللي قبلها وهي بخصوص الصحة لو شاكة ان عندك نقص فيتامينات او معادن ممكن تحللي دم وتحاولي تعوضيها بقدر الإمكان لو عندك نقص ف الحديد مثلا أو فيتامين د أو أوميجا ٣ دي كلها عوامل بتخليكي تحسي بالإرهاق والتعب وقلة التركيز ف ياريت نشيك عليهم ونرجع لدكتور ونستثمر ف النقطة دي لأنها صدقيني يمكن أهم نقطة لو صحتك كويسة هتقدري تذاكري بدون تعب وإرهاق وذاكرتك هتبقى أحسن ف استثمري ف صحتك وكمان نامي كويس ونظمي مواعيد النوم والصحيان وياريت لو تبقي بتصحي وتبدأي يومك من الفجر هتلاقي بركة عظيمة ف يومك اهتمي جداا بالبريكات ماينفعش نقعد ع المكتب لساعات متواصلة مش بنقوم نحرك جسمنا ولا بناخد بريك ندي فرصة لعقلنا يشحن تركيزه تاني ف اوعي تبدأي تذاكري لمدة طويلة ورا بعضها هتحسي بإحباط كبير وجسمك هيوجعك واحنا مش عايزين نحس ان قاعدة المذاكرة دي علقة سخنة عايزينها قاعدة لذيذة لطيفة ونحسن علاقتنا بيها لازم كمان تبقي متابعة تقدمك يوم بيوم وده ممكن بطريقة بسيطة تعلمليه بإنك آخر كل يوم تسجلي انجازاتك مهما كانت صغيرة لو ذاكرتي صفحة واحدة بس اكتبي انا مبسوطة اني قدرت اذاكر النهاردة صفحة من كتاب كذا واستوعبتها كويس الحمدلله وبكرة هحاول اذاكر اكتر من كده لازم تشجعي نفسك اوعي تستني من حد يكون هو مصدر التشجيع زي ما قولتلك وتدوينك اليومي ده هيخليكي تلمسي تقدمك عشان لما ييجي عقلك يلعب عليكي ويقولك انك مش بتعملي اللي عليكي والفترة اللي فاتت دي كلها ضيعتيها ف الاشيء تطلعي المذكرة بتاعتك وتكدبيه 🤫 دي نصايح بسيطة أتمنى ماكونش طولت عليكي بيها ويارب آخر السنة ألاقيكي بتكتبي إنك حققتي حلمك وجبتي المجموع اللي نفسك فيه ♥️♥️♥️
تم النشر الاثنين، ٢٣ ديسمبر ٢٠٢٤
أختي العزيزة، أقدر تمامًا مشاعرك وما تمرين به من تحديات. بداية جديدة تحتاج منك إلى الإرادة والعزيمة، وأنتِ بالفعل تمتلكين هذه السمات بفضل إيمانك وصبرك. أولًا، عليكِ أن تذكري نفسك دائمًا بأن ما حدث في الماضي هو جزء من تجربتك، وليس نهاية الطريق. الله سبحانه وتعالى قال في كتابه "إن مع العسر يسرا"، لذا اجعلي هذا الكلام محفزًا لك. إليك بعض الخطوات التي قد تساعدك: حددي أهدافك: ابدئي بتحديد أهداف صغيرة وواضحة. يمكنك وضع جدول زمني للمذاكرة وزيادة الوقت تدريجيًا. احرصي على أن تكون الأهداف واقعية ومحققة. تغيير البيئة: حاولي أن تغيري مكان المذاكرة إلى مكان أكثر هدوءًا وتركيزًا. البيئة المحيطة تلعب دورًا كبيرًا في تحفيز النفس. الابتعاد عن المقارنات: تجنبي مقارنة نفسك بالآخرين. لكل منا مسار وتوقيت مختلف، وبدلاً من ذلك، ركزي على خطواتك الشخصية. الدعم من العائلة: تحدثي مع أفراد أسرتك عن مشاعرك وأفكارك. وجود الأشخاص الذين يساندونك يعزز من قدرتك على التقدم. التعبير عن مشاعرك: سواء من خلال الكتابة أو التحدث مع شخص تثقين به، التعبير عن مشاعرك سيساعدك في التخلص من التوتر والضغط النفسي. العناية بالنفس: احرصي على أن تأخذي قسطا كافياً من الراحة والنوم، وكوني واعية للتغذية الصحية. الاعتناء بالجسم يعزز الصحة النفسية أيضًا. أخيرًا، اجعلي من الصلاة والتقرب إلى الله ركنًا أساسيًا في حياتك. الدعاء والتوجه إلى الله يجلبان الطمأنينة والرؤية الواضحة. تذكري أن لكل بداية جديدة تحديات، لكن كل ما تحتاجينه هو خطوة واحدة في الاتجاه الصحيح. اقبلي على دراستك بإيجابية وثقة، وستمضين قدمًا بإذن الله.
تم النشر الاثنين، ٢٣ ديسمبر ٢٠٢٤
اخلصي نيتك لله وحطي خطه صغننه للمذاكرة تقدري تواظبي عليها وتوفقي بينها وبين يومك الطبيعي بالنسبه للنغسيه في بجد مفيش اي حاجه في الدنيا تستاهل نزعل عليها اوي بالشكل دا غير نفسنا هوتي علي نفسك علي قد ماتقدري وحاولي تسعديها متستنيش حاجه يجي عشان يسعد حياتك استمتعي بوقتك واسعدي نفسك علطول وربنايريح بالنا جميعا وحاجه اخيره بردو لما تفكري في حاجه ف مستقبلك فكري في اللي هيريحك ويسعدك وبس
تم النشر الثلاثاء، ٢٤ ديسمبر ٢٠٢٤
الله اكبر 😄
تم النشر الاثنين، ٢٣ ديسمبر ٢٠٢٤
لعرض السؤال في فدني اضغط هنا