أنا خايفه. من ثانويه اعمل اي🥲
انا لسة مخلصة 3 ث و بقولك انهم اوفر بجد سنة عادية و الله بمنهج بس الفكرة انه كبير سبب ان الترمين علي بعض اهم حاجة انك تختاري مدرسينك و تذاكري اول باول و ابعدي عن الصحاب اللي بتكبر دماغها من المذاكرة و خلي دروسك كلها الصبح عشان باقي اليوم يبقي فاضي و تقدري تذاكري بس كدة
تم النشر السبت، ٢٩ يوليو ٢٠٢٣
اللى بيخاف من العفريت بيطلعله ...متدخليش الحاجة بخوف ...راحت ولا جات هى مرحلة فى حياتك مش حكم هو فى المحكمة
تم النشر الأحد، ٣٠ يوليو ٢٠٢٣
بس دلع يابنت وكلام بايخ انتي قدها وقدود وهتقدري وهتعملي إنجاز كمان وكل ده مش عشان انتي البنت الفت اللي مفيش منك لا لا ده فيه اشطر منك كتير كمان بس عشان انتي خايفة والخوف ده نقدر نحوله وقود يوجهنا ناحية انتصار حرفيا يبهر كل اللي حوالينا نقدر نخلي الخوف ده يطلع كمية طاقة توصلنا لهدف تحقيق نجاح باهر في الثانوية العامة حددي نقط قوتك في المذاكرة ثبتي لنفسك ساعة تذاكري فيها بجد والساعة دي لو قام فيها زلزال كده ولا تسيبي فيها المذاكرة ابدا هي ساعة واحده ثابتة ع مدار اليوم كله نذاكر فيها بجهد عالي وتركيز عالي والساعة دي تكوووون ثابتة ولو على رقبتك ساعتها بعد اول ١٠ ايام هتلاقي نفسك لوحدك وجسمك كمان بسساعدك على كده انك تقومي تذاكري في الساعة اللي هتحدديها وساعتها هتلاقي الساعة مش هتكفي التاسك اللي هتحطيه لنفسك فا هتلاقي نفسك طورتي الساعة لساعة وربع وهكذا لحد اخر السنة هتلاقي نفسك وصلتي لاكتر من ٨ ساعات متواصلة وجسمك مش بيتعب وتركيزك مش بيقل وتفكيرك مش بيتشتت يلا قومي ذاكري يلا وبلاش دلع مش عايزين دلع من اولها ❤️
تم النشر الجمعة، ٢٨ يوليو ٢٠٢٣
خدي ثانوي كانها سنه عاديه زي اولى وثانيه مش بتخوف هي عادي بس محتاجه مذاكره اللي هو انت تطلعي من الدرس تذاكري الدرس اللي اخذتيه وتحلي عليه بعد كده اما تروح الدرس ثاني مره تعيد اللي فات قرايه بس بعد كده تذاكري الجديد شرح وحل وما تخافيش وان شاء الله هتنجحي
تم النشر الجمعة، ٢٨ يوليو ٢٠٢٣
ان شاءلله
تم النشر الأحد، ٣٠ يوليو ٢٠٢٣
زيها زى اى سنه سواء اولى او تانيه مفيش داعى للخوف بس ركز ع اهدافك و قرب من ربنا
تم النشر الأحد، ٣٠ يوليو ٢٠٢٣
ان شاءلله ربنا يستر
تم النشر السبت، ٢٩ يوليو ٢٠٢٣
داخله تالته ولا اولى تالته🐥
تم النشر السبت، ٢٩ يوليو ٢٠٢٣
افتكري دايما ان كل واحد مش بياخد اكتر من نصيبه الي ربنا كاتبهوله وانتي بس اعملي الي عليكي وهو هيشوفلك افضل طريق واصلحهم و بإذن الله هتبقي مرضية ومبسوطه
تم النشر السبت، ٢٩ يوليو ٢٠٢٣
داخله تالته ولا اولى
تم النشر السبت، ٢٩ يوليو ٢٠٢٣
لعرض السؤال في فدني اضغط هنا