انا طالب ثانويه عامه دفعة 2025 واشعر بالتشتت الكبير ودائما ما يراودني شعور بالتقصير واني ضعيف في موادي وان الوقت قصير بالنسبه لي واني لا اعرف الاساسيات ووقتي يُاكل بطريقة مفجعه ومن بين كل هذا وهذا عندي بمكتبتي الالكترونيه 750 كتاب اريد قراته واريد تعلم البرمجة بجميع لغاتها وايضا تعلم 5لغات ومن الاساس ضعيف في اللغات المقررة على منهجي التعليمي اشعر انني طموح جدا ولكن هذا يعود علي سلبا بانني لا افعل شيء واريد ان افعل هذا كله في وقت قياسي بالاضافه الى انني اريد القرب من الله واريد تعلم العلوم الشرعيه اشعر ان الكلام غير متوافق لكن هذا بسبب التشتت الداخلي اشعر انني اواكب انفصام في شخصيتي ف انا لا اقبل ان اكون ضعيف وفي نفس الوقت انا ضعيف اعتذر على تداخل المواضيع ولكن هذا ما يجول بعقلي اريد ان يكون كل شيء مثالي واريد ان اكون المميز.. ساشرح ف السطور القليله الاتيه مشكلتي باختصار:
طالب ثانويه عامه وضعيف في منهجي او اظن انني كذالك لا املك الاساسيات ولا اعرف شيء بجانب هذا لا اقبل ان افكر حتي انني فاشل لم ولن اقبل
اريد في نفس هذه السنه تعلم 5لغات واريد انجازها في وقت قياسي وانا من الاساس لغتي الاجنبيه الاولى والثانيه ضعيفه جدا جدا
اريد قراءة الكتب مكتبتي تحتوي على 750 كتاب
واريد تعلم البرمجه بكل لغاتها والذكاء الاصطناعي وما يمكن تعلمه
واريد تعلم العلوم الشرعيه وحفظ القرآن الكريم.
اشعر ان سبب خلق هذه الافكار هو انني اريد التميز حقا اشعر بالخوف والضعف لمجرد تركي مهارة او فكرة من هذه الفكر والتي تسبب لي التشتت.
اريد انجاز كل هذا بوقت قياسي حقا لا اعرف ما الحل
كدت انسى اريد ايضا الحصول على المركز للاول ثانويه عامه للالتحاق بجامعه مرموقه والتعلم بالخارج اهذه فكرة سيئه ام ماذا اشعر انني اطلت الحديث
اريد منكم فقط المساعدة والنصيحه وماذا يمكنني ان افعل في مثل هذا التشتت او هذه السنه المهمه وكيف اواكب بين دراستي وكل هذه المهارات والهوايات وهل تركها وتاجيلها افضل ام اجعل تعلمها اسبوعي او شهري
سافعل ماتنصحونني به لانني اعاني من مثل هذا التشتت
صحيح هل انني لا اقبل فكرة انني لا استطيع تعلم شيء فكرة سيئه
شكرا لكم.. 🌹
حبيبي، أولاً، خذ نفس عميق واهدأ. كل هذا التشتت طبيعي جداً لأي شخص لديه طموحات كبيرة مثلك. خلينا نمسك الأمور خطوة بخطوة. أولوياتك في الثانوية العامة : ركّز أولاً على موادك الدراسية. قسّم وقتك بحيث تضمن أنك تدرس كل مادة بشكل فعال. لو تحس إنك ضعيف بالمادة، ممكن تشوف دروس تقوية أو تطلب مساعدة من زملائك أو أساتذتك. الطموحات الكبيرة : رغبتك في تعلم لغات برمجة و5 لغات أخرى وقراءة 750 كتاب كلها طموحات عظيمة، بس تحتاج تنظيم. حدّد أولويتك: أي شيء منهم ضروري الآن وأي شيء ممكن تأجيله؟ التعلم المنهجي : لتعلم لغات البرمجة أو اللغات الأخرى، ابدأ بحاجة واحدة. مثلاً، اختار لغة برمجة واحدة تتعلمها خلال هذه السنة، ولغة أجنبية واحدة ترتكز عليها. قسّم السنة لفترات زمنية وحدد أهداف صغيرة. مثلاً، خلال الشهر ده، هتتعلم أساسيات لغة البرمجة. الشهر اللي بعده، هتركز على تحسين اللغة الأجنبية. الكتب : ممكن تحدد وقت معين يوميًا لقراءة كتاب واحد. خلّيها ساعة يوميًا مثلاً. مش ضروري تقرأ كل الـ750 كتاب في سنة. المهم الاستمرارية. القرب من الله والعلوم الشرعية : ممكن تبدأ بحفظ آيات بسيطة من القرآن كل يوم وجعل وقت محدد كل أسبوع لتعلم العلوم الشرعية. هذا بيعطيك توازن روحي وبيرفع من معنوياتك. نظام الجدولة : اعمل جدول يحتوي على كل شيء بطريقة مرتبة. مثلاً، الصبح للدراسة، العصر لتعلم البرمجة، والعشا لتعلم لغة أجنبية. حدد أيام محددة لقراءة الكتب وتعلم العلوم الشرعية. الثقة بالنفس والاسترخاء : أعط نفسك فرصة للراحة. مش لازم تكون مثالي في كل شيء فوراً. النجاح بيجي بالتدريج. خلي عندك إيمان بقدراتك وابدأ خطوة خطوة. التركيز على عدد قليل من الأهداف وتحقيقها سيعطيك الشعور بالإنجاز والتحفيز لاستكمال الباقي. أتمنى لك التوفيق، وأي شيء تحتاجه، أنا هنا عشان أساعدك! 🌸لتكون السنة دي نقطة انطلاق لطموحاتك الكبيرة.
تم النشر الخميس، ١٨ يوليو ٢٠٢٤
ما شاء الله الأصدقاء كفوا ووفوا، أنت تعرض مغالطة منطقية، وهي الرغبة في إحراز إنجازات كبرى، طبعًا في الوضع الطبيعي سيكون هذا أمر طبيعي. لكن هنا في حالتك فالدماغ يتهرب من ضغط الثانوية بالبحث عن خطط مستقبلية تشتته عن واجبه الحالي. الحل: الكتابة، اكتب كل الخطط التي تريد تنفيذها، وقل لنفسك أن ترتيب الأولويات مهارة وواجب، وأولوياتك الآن نقطتين على خطي توازٍ، وهما دراستك للمرحلة الثانوية وعلاقتك بالله. وقت فراغك يمكنك استغلاله بأداء روتين للتمارين الرياضية، واحرص قدر إمكانك على اتباع نظام طعام بعيد عن المواد المصنعة والسكريات وما شابه. أتمنى لك ولكل الطلبة التوفيق.
تم النشر الجمعة، ١٩ يوليو ٢٠٢٤
حابب اقولك حاجه بس بمناسبه الخوف قال تعالى " انما ذالكم الشيطان يخوف أولياءه فلا تخافوهم وخافوني ان كنتم مؤمنين " مفيش حاجه اسمها ضعيف دا وهم في دماغك وافكار سلبيه دورك انك تعالجها بقربك من ربنا وتيقن ان اللي هتغلط فيه رحمه من ربنا انك تتعلمه وطول ما انت ماشي وبتتعلم هو ده المكسب انت بتطور ملكش دعوه بحد لانك بصمتك تدل انك مميز مانتاش عربيه حد يعدل عليها عشان تبقى زي عربيات الناس التانيه انت انسان تقدر تطور من نفسك وخد الاساسيات سواء عربي او كيمياء او فيزياء واساسيات الاحياء اللي هتحتاجها تعرف شكل الانسجه النباتيه وكرات الدم فالموضوع في كتاب التفوق شرح كدا كدا ما تقلق واي جزئيه تقف معاك نظم الموضوع ودور عليها يوتيوب او اسأل وخلي بالك حسين بيك بس الافضل ليك تتجنب اخطاء غيرك وما تخاف
تم النشر الجمعة، ١٩ يوليو ٢٠٢٤
دفعة 2024 أشعر وانك تجسدني وتمثل شخصيتي بدايه العام ما فارق بسيط انني اريد تعلم لغتين فقط ولا اشغل بالي بعلوم الدين حينها لكن الان الله فتح لي طريقا في حبها بس حابب اقولك ان كلامك ده مجرد وهم والوحيد اللي هيكون خسران في الاخر انتي والله ربنا شاهد على كلامي كنت عايز اكون برفكت في حاجات جانب الثانويه العامه بس ده مش منطقي مستحيل انسان يوصل للي بتقول عليه ده خلال سنه كل اللي فيدماغك ده من الشيطان ونفسك اللي ما عندها البصيره اخويا في شيء اسمه مهم وفي شيء اهم الثانوي العام اولا ثم الباقي لو موجود وقت لكن ما تيجي تقولي عايز اعمل حاجات كتيره كدا والله انت لو بتقرأ نص ساعه في اليوم ومحافظ عليها احسن ألف مره من انسان مش بيقرأ اصلا واحسن ألف مره من الانسان اللي بتتخيله في عقلك لان الانسان اللي فاكرها كم يبقى ولا كأنه عمل حاجه وهو بيقرأ وبيسرح في حاجات تانيه وضغوطات فحابب اقولك انك هتعمل كل حاجه بس في وقتها ولو نفذت اللي في دماغك ده هبشرك هتسوف كتيير دراسه ظنا منك انك بترضي ضميرا في تعلم وابشرك بردو لو ما زهقت وبقيت بضيع وقت على التلفون يبقى بحق.... انا اهوت بلغت باللي هيحصل كنت حاولت اعمل اللي بتقول عليه ده في شهر 1 وكانت بداية وقعتي فتره طويله لحد ما ربنا نجاني فخد بالك الذكاء هو انك ما تكرر اخطاء غيرك مش انك تضغط على نفسك بشكل عكسي غير منطقي زي ما بتقول كدا
تم النشر الجمعة، ١٩ يوليو ٢٠٢٤
بص انا دفعه 2024انت طبيعي تحس بلتشتت مس متفضلش من اول السنه تقول انك ضعيف وكدا متديش طاقه سلبيه لنفسك كدا وانت لسه هتبداء مش هكدب عليك انا كدا بس كان في النهايه ايام الامتحانات وانا اقسم بالله انا مش بفهم انجليزي خالص ولا حتي بعرف اترجم ودي كانت اصعب ليله امتحان حرفيا انهرت فيها بس بعديها حسيت اني حبيت حلو وكدا بص متخفش انت كل الي عاوزه انك تروح دروس وبعد ما تيجي تذاكر الي اخدتو مش بقولك تقعد 24علي الكتاب انت لسه في الاول ذاكر بس كويس تبقي عارف المعلومه وكدا وفي الاخر في المراجعات وفي الاخر خالص ذاكر وحل كتير اوي اوي وهتلاقي الدنيا سهله وبالنسبه للكتب الي عندك وكل دا سيبها بعد متخلص اعمل كل الي نفسك فيه متشتتش نفسك بحاجه ممكن مثلا في وقت فراغك تقري الكتب
تم النشر الخميس، ١٨ يوليو ٢٠٢٤
انت محتاج يكون عندك طموح
تم النشر الجمعة، ١٩ يوليو ٢٠٢٤
بس الاولويه دلوقتي للمذاكرة
تم النشر الجمعة، ١٩ يوليو ٢٠٢٤
رتب أمورك الاول و مش لازم تبدأ كله مع بعضه ممكن تبدأ بتعلم الحاجات الأساسية الاول و بعدين الحاجات الفرعية ...يعني مثلا انت عندك مادة برمجه و مادة تانية انت عاوز تتعلمها ..هتعمل ايه ..بص متشتتشت نفسك ..ابدأ بأي حاجه انت عايزها و لما تخلصها ابدأ في التانية أنا بعمل كده مع نفسي
تم النشر الجمعة، ١٩ يوليو ٢٠٢٤
رتب حياتك أولوياتك مش كل حاجه هتيجي مره واحده .هسألك سؤال ينفع تتطلع السلم كله مره واحد لا هتتعب ومش تقدر تكمل اصلا كذالك الأمر هنا حاول انك تعمل حاجه حاجه . يعني مثلا ركز في السنه دي كويس ركز علي لغاتك والقرب من الله . بعد ما تعدي السنه دي اتعلم برمجه واشتغل وسافر .وكمل حاايتك بالنمط دا
تم النشر الجمعة، ١٩ يوليو ٢٠٢٤
مش وحش انك تكون عندك طموح وكل حاجه انت قولت حابب تتعلمها حاجه مفيده وجميله جدا بس اسمحلي اوضحلك فكره الضغط اللي أنت حاسس بيه أولا انت داخل ثانويه عامه ودي سنه مش عاديه ضغطها وتوترها لوحده بجد صعب اووي بقولك كدا لان انا لسه مخلصه ثانويه ومش عاوزا اخوفك بس انت مينفعش تدخلها بكم التوتر والخوف والضغط دا لان هي ضغطها لوحده مش مستحمل اي ضغط تاني ثانيا ودا الاهم انك تكون عاوزا تحقق كم كبير اووي زي دا من الحاجات اللي سبق وقولتها فدا لوحده بيحطك تحت ضغط كبير لان من الطبيعي ان انت تتعلم خمس لغات مع علوم شرعيه مع اكتر من حاجه بجانب دا كله ثانويه عامه فدا طبيعي انه يأثر عليك بالسلب لان في حاجه اسمه ضغط نفسي وانت بكدا بتضغط علي نفسك بالتالي شيطانك هيقولك انك مستحيل تعمل حاجه وهتلاقي نفسك عاجز حتا عن التفكير بس النصيحه اللي حابه اواجهالك هي انك تهتم بثانوية عامه اووي لان بالنظام الجديد ووضع الامتحانات اللي احنا مرينا بيها فهيا محتاجها انك متشغلش تفكيرك بحاجه تانيه معاها انك تركز علي دراستك وتكمل السنه وبإذن الله تحصل علي المجموع اللي بتتمناه مش وحش انك تكون عندك طموح انك تطلع الاول بس دا مش لازم يكون بس كلام منك وعشان كدا لازم تفكر كويس ازاي هتنظم السنه من مذاكره ووقت وهكذا وانصحك انك تبدأ في تعلم البرمجه والواللغات بعد مع تخلص ثانويه هيكون عندك نضوج اكتر وخبره من ثانويه اكتر بجد ودا هيساعدك وكمان هتكون خففت من توترك بأنك انجزت شى وهو الثانويه وبعدها او ممكن تبدأ بيها لو حابب انك تتعلم العلوم الشرعيه وكمان نصيحه خلي علاقتك بربنا طول فتره الثانويه ٣ويه اوووي اووي مش بس في ثانويه بس قصدت اقول كدا لان في ناس بتقصر مع ربنا في مرحلة الثانويه بسس المذاكره وكدا بس بجد اللي هيخلصك من ضغطها هو قرقك من ربنا وبس بتمنا اكون قدرت اساعدك او افيدك بشى بتمنالك التوفيق
تم النشر الجمعة، ١٩ يوليو ٢٠٢٤
لعرض السؤال في فدني اضغط هنا