ازاي اتخلص من التفكير الزايد والمستمر
علطول دماغي شغال بفكر في أي حاجة
حاجة حصلت من زمان بفضل اقول أنا لو كنت عملت كذا مكنش ده حصل بفكر في حاجات كتير اوي ببقي قاعده عادي والاقي نفسي سرحانه دماغي بتجيب وتودي حتي في الصلاه دماغي شغال بردوا بستعيذ وأنا في الصلاة وقبل ما أصلي بردوا مفيش فايده
دماغي شغال سواء أكانت حاجة تافهة أو مهمه حاجة لسه في المستقبل مش بعرف أنام من كتر التفكير مش بعرف أركز في حاجة أنا بعملها بنسي كتير بسرح ومش بحس بنفسي عايزه اتخلص منه بس مش عارفة ممكن تساعدوني
قلل الحاجات اللى بتستقبلها من الخارج بشكل كبير ...وخصوصا اللى بتشوفها ...افلام او فيديوهات او صور واخبار .....المدخلات كده عندك كتيره اوى وشاغله تفكيرك بزيادة....وبتاخد مساحة من مخك بدون ما تحس.
تم النشر الأربعاء، ٨ فبراير ٢٠٢٣
الافكار الكتير انتي محتاجه انك تريحي نفسك من ضغطها وده هيكون عن طريق انك بشكل مستمر تحكي لحد من صحابك المقربين ويكون ليه سعه صدر بس بشرط تحكي الموقف الواحد مره واحده لشخص واحد عشان تفرغي الفكره صح ومتسمحيلهاش تسيطر عليكي كمان ممكن تسجليها وبعد متسجليها قطعيها ومتسمحيلهاش تتكتب تاني النهارده كمان طالما فرغتيها مره كتابه او انك تحكيها لشخص اول متجيلك تاني شتتيها بأفكار تانيه زي انك تدندني اغنيه او تستغفري او ترددي فكره معاكسه ليها تريحك او انك تلعبي رياضه متستسلميش للفكره ابدا انها تاخد حيز كبير من يومك
تم النشر الاثنين، ٦ فبراير ٢٠٢٣
شكرا لحضرتك
تم النشر الثلاثاء، ٢٨ فبراير ٢٠٢٣
اولا : تسامح مع نفسك و مع اخطائك لان اصلا اصلا الانبياء نفسهم كان كل واحد ليه خطا معين و استغفر ربنا و تاب منه ، ثانيا : قاعدة فى حياتك كده ان اللى فات مات خلاص بحلوه. بمره اصله خلتص حصل و. راح ، ثالثا : اكتب المواقف اللى حصلت زمان و ضايقتك و اكتب ان دلوقتى لو حصلتلك انت هترد ازاى و هتتصرف ازاى ، رابعا : بتفكر فى بكره ليه ياعم ما يمكن مفيش بكره اصلا ( مش نظرة تشائمية و. الله بس سبحان الله كأم حد مات و حياته انتهت و هو كان راسم خطط و احداث و حاجات ) توكل على الله على طول و ادعى ربنا بالكلام اللى انت كاتبه ده و ادعيى بالعامية عادى اللى هو يارب ابطل تفكير زيادة و هو هيستجيب و الله و دايما قول اللهم انك الاعلم بحالى و الغنى عن سؤالى فأرح قلبى و عقلى و بالى ،،، ربنا يسعدك و يوفقك و يصلح حالك
تم النشر الاثنين، ٢٧ فبراير ٢٠٢٣
لعرض السؤال في فدني اضغط هنا