كنت بحب واحد وكنت فِ تالتة إعدادي وكان عندي 15 سَ، فِ أجازة تانية إعدادي الكبيرة تعرفنا علي بعض وكملنا لحد أخر الإجازة يعني علاقتنا دامت شهور بس حرفياً تعلقت بيه وحبيته بغباء كنت ومازلت للأسف بطبق مثل "فاقد الشئ أحن من يعطيه" أنفصلنا برسالتين عشان قولتله بتكلم وحدة تاني وكدة والموضوع كنت بكرره كتير أحياناً بس بالله إزاي تلاقي الشخص اللي بتحبه في الحساب اللي عامله بعيد ومحدش يعرفه غيرك وعامله علشانك يبقا حاطط يوزر وحدة تاني وكاتب نصي التاني؟؟. المهم تخانقنا وأضطريت أقفل مجبرة عشان كان عندي دروس تاني يوم الصبح رجعت لقيته كان باعتلي رسالتين وعاملي بلوك، خدت صدمة وأنا باكل حرفياً كل ما بفتكرها بفضل مصدومة لوقت، اللِي هو قدر يعملي كدة إزاي دا أحنا كنا دايماً مهما إتخانقنا بنرجع عادي وأبداً ما عملنا بلوك لبعض، المهم إتهمني بالتمثيل لما حاولت أتواصل معاه، الكل كان بيقولي إنو شخص توكسيك بس أنا مكنتش مصدقة خدت صدمة وللأن قفلاني من الدراسة كأنها هي السبب، أنا حالياً تانية ثانوي تخطيته مبقتش بحس بأي حاجة تجاهه من بعد معاناة سنتين فِ تخطيه، بس الفكرة إنو كمل عليا وخلا ثقتي بنفسي تقل أكتر ما هي قليلة وكنت بحاول أنتحر من قبله، فهو كان وسيلة لوقف إكتئابي مؤقتاً بس سابني بطريقة بفضل أفتكرها وأقول هو أنا هونت عليه؟؟. وبيفضل في دماغي دايماً إني ههون علي أي حد ومِش مهمة عند أي شخص ولا مميزة وخاصة لما بلاقي الشخص اللي أعرفه مصاحب كتير، فهل في حل لفقدان شغفي وإنطفائي وعدم دراستي وثقتي اللِي راحت؟. لأني حاولت كتير بس ملقتش حل... وأسفة عارفة إني طولت أوي
الحل انك تدركى ان دى قصة مؤقته وده اخرها انتى مش فاقدة الشغف انتى فاقدة الادراك بالحقيقة مرحلة عمرية مفيهاش اى تحمل مسئولية و بتعيشوا نفسكم معانى فى اهم منها فى المرحلة دى بالمعنى الحرفى انتى دلوقتى فى مرحلة تربية ...فاختارى يا اما تتعلمى وتربى ذاتك ونفسك عشان تستقيمى وتكون نفسك سليمة وعلى خط صح يا اما سيبى نفسك للحاجات الطيارى دى وهتبقى ملكيش ارض واقفة عليها وضياع النفس يا بنتى منتهى الهلاك قومى اتحملى القدر القليل من المسئولية اللى عندك وذاكرى وبرى اهلك وقوى علاقتك بربنا والا هتلاقى خبطة ورا خبطة وهتبقى الحياة بتربيكى بس التمن هيبقى غالى
تم النشر الثلاثاء، ٢٦ ديسمبر ٢٠٢٣
انتي قولتي انك اخدتي وقت لحد ما تتخطي موضوع انفصالك عنه، بس انتي للاسف مشكلتك اكبر منه هو اساسا. انتي متخيلة يعني ايه بنت وولد عندهم 15 ولا 16 سنة يكونوا مع بعض في علاقة ؟ يعني وانتي معاه ف العلاقة ديه كنتي متخيلة ايه اخرتها يعني؟ يعني ايه توقعك عن شخص مراهق؟ متوقعة منه ايه مثلا؟ يكون مسؤول؟ يكون بيحب اصلا؟ ما هو الا مراهق .. لا يعني اي شئ سوى انه يدخل في علاقات مع بنات ويتسلى شوية .. انتي محتاجه تاخدي وقفة مع نفسك وتفوقي، تفوقي لنفسك وتعرفي كل ده كان مجرد قصة عابرة ومراهقة .. وخلاص انتهت. وبعدين انتي هتاخدي قيمتك من علاقة؟ مش شخص زي ده؟ قيمتك انتي تاخديها من شخص ليه؟ احنا بناخد قيمتنا من نفسنا .. اعرفي قيمتك الحقيقية من نفسك مش من حد ...
تم النشر الثلاثاء، ٢٦ ديسمبر ٢٠٢٣
مع الوقت هتحسي ان كل دا كان وهم
تم النشر الأربعاء، ٢٧ ديسمبر ٢٠٢٣
لعرض السؤال في فدني اضغط هنا