دلوقتى انا في ابشع حالات ضيق الرزق
انا المفروض طالب في كليه في تالته عندي 22 سنه
ب المختصر مش لازم احكي الماضي نخلينا ف الحاضر
اشتغلت ف شركات وشتغلت في محلات ومش عايز اصدمكم بس احلى قبض وصلتله 2100 جنيه
طبعا تعبت وكمان مبقتش عارف اركز ف الكليه نهائيآ لأن الكليه بتاعتي في محافظه تانيه يعنى عشان ارحها لازم يعتبر سفر
وسقط سنه ف الكليه بسبب الشغل وسبته بسبب كدا
لان لقيت أن انا مش بستفاد حاجه بل ب العكس كمان اضرييت في دراستي
وقعدت فتره من غير شغل والحمدلله نجحت ودخلت تلته
وطبعا الظروف مش احسن حاجه ف كان لازم اشتغل نزلت في محل 12 ساعه شغل كاشير واقف على رجلي وشغل متعب جدا يعنى يدوبك كنت بروح اكل ونام وقوم انزل الشغل تاني وطبعا مفيش اجازات ول اي حاجه خالص وكمان اليوميه كانت 80 جنيه ف اشتغلت فتره بسيطه وسبته برضو
ليا واحد صحبي شغال على كمبيوتر وكان قيلي أنه بيكسب كويس منه فا حاولت اجيب كمبيوتر وطبعا اكتشفت أن اسعار الاجهزه ال ينفع اشتغل عليها غاليه
فا اختصارن للكلام طبعا الموضوع خد وقت كبير بس المهم خدت قرض ب 15 الف وجبت الجهاز ب الشاشه وكل حاجه وتفقت انا وولدي أن انا ادفع جزء وهو جزء ال هو القسط يعنى 1500 جنيه ف الشهر نقسمهم مع بعض
المهم جبت الجهاز وصحبي بدء يتهرب مني مع أن كنت قيله وواخد رئيه اجيب الكمبيوتر ول لا وهل هعرف اشتغل عليه ول لا
وقلي اه جيبو وهتشتغل وكدا
المهم ال حصل عكس كدا وبقا ميردش عليا ايام ويجبلي شغل قليل جدا ممكن ف الاسبوع الاقي نفسي عامل 200 جنيه ب الكتير جدا المهم طفشني ب الطريقه يعنى
طبعا انا بقيت بدور ف كل حاجه أن الاقي شغل ب الكمبيوتر ومش عايز اقلكم أن دورت في كل حاجه حرفيا وأغلب كل المواقع نصب
المهم ملقتش غير شغلانه واحده وهي عباره عن أن اخد لعبه واوصلها للڤل معين واسلمها لل اخدتها منه ويحاسبني
طب والشغلانه دى جبتلي كام ب الكتير اوي لو بموت نفسي على الكمبيوتر ليل ونهار مش بعمل اكتر من 1500 في الشهر اقسم بالله
وطبعا فضلت كمل فيها لان مكنش قدامي اي حاجه تانيه
مع العلم أن بقيت بتعصب كتير اوي بسبب الشغل دا وبيحرق دمي ل ابعد الحدود وبقيت بشتم وبقا يوصل لسب الدين كمان واتخنقت ومبقتش عارف اعمل اي
لدرجت أن وقفت شغل اخر عشر ايام في رمضان
وبقيت ملتزم ب صلات التهجد طول ال 10 ايام وكل يوم كنت بدعي أن ربنا يكرمني ب حاجه تانيه غير الشغل دا ويوسع رزقي وكان عندي يقين أن حالي هيتغير 180 درجه بعد رمضان
اقسم بالله كنت بدعي كل يوم في السجود في كل ركعه
المهم فضلت ادور كتييير وبرضو ملقتش شغل تاني
لدرجه ان كان عندي استعداد أن انزل شغل عادي بعيدآ عن الكمبيوتر وكدا قلت يعنى لو ربنا كرمني ب شغل ف اي حاجه حتي المهم يبقا مجزي وملقتش والله ول مجزي ول غير مجزي حتي
واطريت طبعا أن أرجع اشتغل نفس الشغلانه تاني ال على الكمبيوتر من بعد العيد على طول
وطبعا رجعت اتعصب وشتم تاني
ومش فاهم بجد ازاي أوسع رزقي وهل انا اكتب عليا أن انا لازم اعيش كدا ومينفعش احسن من نفسي يعنى خلاص لازم استسلم للواقع ؟
طب وهل الواقع دا عايز مني اي هل المطلوب أن ابقا انسان فاشل وزباله هل دا قدري ومقدرش اغيره ؟
اتمني حد يديني حل
حل بجد من غير كلام مسكنات وأمل ف الحياه على الفاضي
لان انا بقيت في اسوء حالاتي بجد
قال رسول الله ﷺ : ما من عبدٍ يدعو الله بدعوة ليس فيها إثم ولا قطيعة رحم إلا أعطاه الله بها إحدى ثلاث: إما أن تعجل دعوته في الدنيا، وإما أن تدخر له في الآخرة، وإما أن يصرف عنه من الشر مثل ذلك. قالوا: يا رسول الله إذًا نكثر؟ قال: الله أكثر) يعني ربنا ممكن يأخر الإجابه عن دعائك للآخرة و ممكن ميعجلهاش في الدنيا لحكمه كبيرة و أكيد دا الأصلح ليك و ممكن بالدعوة دي يصرف عنك شر كبير لازم يكون عندك حسن ظن بالله و تستمر في الدعاء و لازم تركز في دراستك إنت بتقول عيدت سنه بسبب الشغل ولأن الكلية في محافظة تانية .. طب ليه متدورش على سكن طلاب قريب من الجامعه ( بيكون سعر السرير في شقه طلاب رمزي ) و تدور على وظيفة في غير مواعيد الكلية تكون في نفس محافظة الكلية وإن شاء الله هتلاقي وبص للموضوع من أبعاد مختلفه ليه متؤمنش بإن اللي كنت بتسعى ليه مش خير ليك، أو مش مناسب يجيلك في الوقت الحالي، وممكن تجيلك فى وقت تاني أفضل تكون فيه مستعد للوظيفه تخيل تجيلك وظيفه مثالية ليك .. لكن مش معاك مؤهلاتها حاليا .. يمكن دعائك للوظيفة المناسبة ليك هتتحقق بعد ما تاخد شهادتك مثلا أو في وقت تكون طورت من مهاراتك للوظيفه اللي بتحلم بيها. يمكن خذلان صديقك ليك وكونه خلاك تجيب الكومبيوتر حاليا يكون منفعه ليك في المستقبل لما تتعلم مهارة تقدر تشتغل شغل مثالي .. زي إنك تتعلم البرمجة أو تتعلم إستخدام برامج معينه (زي: Word، Excel، PowerPoint، Photoshop، Illustrator، AutoCAD،...) أو تتعلم مهارات تصميم المواقع الإلكترونية أو تحليل البيانات أو التسويق نصيحتي ليك : 1- إتقبل الفشل : لأنه بيحصل للكل و مش معناه إنك فاشل بشكل عام .. إنت فشلت مره وهتنج اللي بعدها عادي 2- حاول تفهم الأسباب اللي أدت لفشلك : إنت وفرت الكومبيوتر لكن موفرتش المهارات اللازمه اللي هتدور بيها على وظيفه 2-إتعلم من فشلك : زي إنك متعتمدش بشكل كامل على شخص زي ما اعتمدت على صديقك إنه يوفرلك شغل بقيت حياتك .. بل كان لازم تبحث بنفسك عن الوظايف المحتمله اللي هتقدر تقدم فيها قبل ما تجيب الكومبيوتر ( مع ان خطوه الكومبيوتر كويسه ومش وحشه نهائي وهتفيدك ) 3- حاول تاني : حط خطه جديدة ( زي انك تقرر تدور على شغل في محيط جامعتك و تدور على سكن طلابي و تحاول تلتزم بالحضور في الجامعه قبل الوظيفه و تتعلم مهارات تفيدك في المستقبل على الكومبيوتر ) 4- أهم نصيحة خليك واثق في أقدار ربنا ومتبطلش دعاء وإعرف إن ربنا مقدرلنا الخير دايما وربنا يوفقك
تم النشر الأربعاء، ٢٤ أبريل ٢٠٢٤
كان الله في عونك ادعي وقل روى البخاري وغيره، عن أنس بن مالك رضي الله عنه، وهو في صحيح البخاري بلفظ: قال أنس : فكنت أسمعه يكثر أن يقول: اللهم إني أعوذ بك من الهم والحزن، والعجز والكسل، والبخل والجبن، وضلع الدين وغلبة الرجال. قال الله تعالى: (فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا. يُرْسِلِ السَّمَاءَ عَلَيْكُمْ مِدْرَارًا. وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا) جاء في الحديث الذي رواه الترمذي في "السنن"، والبيهقي في "شعب الإيمان": أن أُبيَّ بن كعبٍ قال للنبي صلى الله عليه وسلم: يا رسول الله، إني أُكثِر الصلاةَ عليك، فكم أجعل لك من صلاتي؟ فقال: ما شئت. قال: قلت: الربع؟ قال: ما شئت، فإن زدت فهو خير لك. قلت: النصف؟ قال: ما شئت، فإن زدت فهو خير لك. قال: قلت: فالثلثين؟ قال: ما شئت، فإن زدت فهو خير لك. قلت: أجعل لك صلاتي كلها؟ قال: إذن تُكفى همك، ويغفر لك ذنبك. حسنه الترمذي. ومما جعل الله به البركة في الرزق: كثرة الصدقة، وترك التعامل بالربا فإن في الربا محقَ البركة، وفي التصدق على الفقراء بركةً ونماءً في خيرَي الدنيا والآخرة، قال تعالى: يَمْحَقُ اللَّهُ الرِّبَا وَيُرْبِي الصَّدَقَاتِ {البقرة:276}. ..... جرب اشتغل في التجارة جرب مشروع لوحات فنية عن طريق جلب الصور بالذكاء الصناعي و طباعتها وبيعها ولكن احذر ان تغضب الله و تجعل فيها صور فيها روح اقرا و ابحث عن تجنب الصور المحرمة جرب اشتري فواكة أو خضرة و حطهم على عرباية وبعهم بس اتعلم عنهم لتخسر فيهم زي مثلا انو الفراولة بتعيش يوم او يومين بس أو انو الموز و بعض الفواكة الثانية لازم تنحط بعيد عن الفواكة الثانية بسبب خروج غاز النضوج فبتخلي الفاكهة تنضج بسرعة فتدبل بسرعة و تخرب عشان كدة في محلات الخضرا بتكون متعلقة في الهوا بعيد عن باقي البضاعة و اخر شيء ما بنصحك تخرج من الجامعة اذا كان تخصصك كويس لاني انا وناس ثانية لما اجلنا فصل دراسي اول مرة عدناها بعدها أكثر من مرة و قررت أخرج من الجامعة في النهاية
تم النشر الثلاثاء، ٢٣ أبريل ٢٠٢٤
فى اول المشوار لازم تلاقى صعوبة مفيش حد بينجح او يكبر فى يوم وليلة او من غير مايقابل مشاكل مش معنى بقا اننا بنواجهة مشاكل نستسلم ونقول قدرنا كدا لا ربنا مش كاتب قدر وحش لحد يمكن بيعملنا اختبار يختبر فيه ايمنا بيه وصبرنا واول طريق النجاح هو الفشل لازم نتعب ونجيب أخرنا علشان ساعت النجاح نحس بطعمة صدقنى هاتفتكر الايام دى وتضحك وواظب على صلاتك وادعى ربنا ومتيأس ربنا بيكافئ كل واحد على قد سعية وبعد العسر يسر ربنا يوفقك
تم النشر الثلاثاء، ٢٣ أبريل ٢٠٢٤
لعرض السؤال في فدني اضغط هنا