انا كان اهلي بيعملوني بضرب وانا صغيره بس دلوقتي هما كويسين معايا وانا اتخطيت دا بس من فتره لما اطلب حاجه منهم وهما ميرضوش انا بتعب جدا وبسمع اصوات في دماغي منهم الي بهديني ومنهم الي بقولي خليكي لوحدك وانا بتكلم معاهم وبرد عليهم وبصحي تاني يوم مصدعه جدا وانا عارفه اني انا اللي بكلم نفسي واني قادره معلمش كدا وبحس اني دراميه بس بقيت اجرح ايدي وأحياناً نكتم نفسي وانا مش عارفه بعمل كدا ليه حد فاهمني حد يقولي اي دا
انتى كده متخطتيش الموضوع بشكل كامل ... لانك بشكل لا واعى متعوده على السلسلة بتاعت الضرب ولانها مش بتحصل بتحاولى تكمليها بس بشكل تانى ....عشان تحسي انك كده ماشيه فى نفس السكه اللى اتعودتى عليها اللى بتنتهى بالم ...فبتحققى الالم ده لنفسك... الحلقة دى محتاجة تتفصل فى النص ...لما ده يحصل باى شكل من الاشكال متقعديش لوحدك ابدا واطلبي من اى حد يقعد معاكى ... او هاتى سماعه وشغلى قرآن ...او اقعدى اشغلى ايدك باى حاجة .. او انزلى اتمشي فورا ...المهم تعيدى برمجة مخك فى نفس الوقت على سيستم جديد لما يترفضلك طلب من اهلك . الافضل تلجأى لمتخصص نفسي يساعدك فى ده ...بس لقيتك كاتبه فى تعليق انك مش هتقدرى ...فحاولى تعملى ده وتابعى معانا هنا وان شاءالله هتقدرى.
تم النشر الجمعة، ١٣ يناير ٢٠٢٣
اول حاجه لازم تحددي الاصوات دي انتي مقتنعه انها حقيقيه ولا انتي عارفه انها وهميه وجربي مره اهلك ميرضوش يعملولك حاجه ونقشيهم فيها واتكلمي معاهم وفرغي كل مشاعرك معاهم متحبسيهاس جوه نفسك ومتخافيش انتي قلتي زمان كانوا بيضربوكي بس دلوقتي هم كويسين معاكي يعني هيسمعوكي واحب اقولك حاجه انتي ممكن يكون جواكي غضب منهم او من نفسك بس مش من العدل انك تفرغي الغضب ده ف جسمك انك تعوريها انتي جميله وجسمك نعمه ربنا رزقك بيها كل علامه هتتساب من جرح هتشوه جماله حافظي عليه وطلعي طاقه الغضب بشكل صح س معاهم انك تكلميهم وتنقشيهم او في انك تلعبي رياضه بوكس مثلا هتحسي بألم وانتي بتلعبي بس الالم ده هيفيد جسمك ومش هيشوهه وهيحسسك براحه فظيعه او جيبي لوحه والوان وعلى حسب حالتك المزاجيه اختاري اللون الي بيعبر عن احساسك وشخبطي في اللوحه بألوان ميه او خشب او فلومستر اهم حاجه فرغي ألمك وغضبك ف لوحه بشكل عشوائي مش ضروري تكوني رسامه المهم تحسي ان طاقتك طلعت او انك تجيبي ورق كتير وقطعيه لأصغر قطع تقدري عليها تفرغي غضبك ف التقطيع بس ارجوكي حافظي على نفسك وجمالك ومتأذيش جسمك ده امانه ربنا عندك
تم النشر الجمعة، ١٣ يناير ٢٠٢٣
تحليل اللي بيحصل .. انك لسه مش عارفه تخرجي من الحالة اللي كانت معاكي وانتي صغيرة .. لدرجة ان اي موقف بيأثر فيكي وكأنه امبارح. لازم تروحي لاخصائي نفسي ... لانك محتاجة ل ده جدا في الوقت الحالي ومينفعش تتأخري.
تم النشر الخميس، ١٢ يناير ٢٠٢٣
هو دا مش بيحصل علطول يعني لما اشوف شخص قدامي الصوت دا بيروح وانا لو قولت لأهلي مش هيعملو حاجه لانهم مش بيقتنعو اني بتعب عادي زي الناس حتي لو انا مريضه مش بيردو يخلوني اروح للدكتور يعني بيتجاهلو تعبي+ الموضوع دا مش مع الأهل بس من اي حد يتصرف نفس التصرف مع ان كل الي يشوفني يقول عني اني شخصيه قويه بس انا من جوايا مش كدا وبستغرب هما شايفني كدا ازي 😂 كمان اهلي مفكرين اني قلبي انا الي قاسي واني انا الي غلطانه 😂
تم النشر الخميس، ١٢ يناير ٢٠٢٣
اللي يفيدك دكتور نفسي للأسف، اللي بتعملي ده اسمه في لغة الطب النفسي ( إيذاء النفس غير الانتحاري) و دا بيحصل بمختلف الأسباب منها اللي انتي ذكرتيها ، باختصار انتي حساسة و عانيتي معاهم بسبب اسلوب التربية القديم العقيم ده، و اضح ان حياتك في عزلة شوية او انتي انطوائية او مش بتفضفضي و مفيش جو صداقة بينك و بين أفراد الأسرة.. دا سبب لك انك لسه عايشة في الماضي، لازم تكبري و تسيبي اللي فات كله بالوحش و الحلو.. و تسامحي من قلبك مش علشانه لكن علشان ربنا، و خليكي احسن منهم و ان شاء الله لما يبقي عندك اطفال ربيهم بأسلوب التربية اللي كان نفسك تتعاملي بيها و جربي تشغلي نفسك بحاجات تسعدك، و ان شاء الله الحال يتغير.. خليكي فاكرة ان الانسان جسده أمانة و كل عضو بيسبح الله بطريقته فبلاش تؤذي نفسك.. اتمني لك صلاح الحال بأمر الله.
تم النشر الخميس، ١٢ يناير ٢٠٢٣
لعرض السؤال في فدني اضغط هنا