انا عندي ٢٧سنه واكبر مشكله في حياتي هي الفلوس حياتي اتدمرت وكل حاجه راحت مني ومبقتيش قادره اوجه حد ولا اتكلم واققول اني تعبانه بقيت بهرب من كل حاجه انا نفسيا تعبانه بفكر وانا صاحيه وانا نايمه علي طول شايفه ان الموت هو الحل لكل مشاكل حتي عيالي مبقتش قادره اققف قدامهم وبقيت بعيدة جدا بس طول الوقت بفكر ولو جيت اخد خطوة بلاقي نصايب اكبر من اللى قبلها انا تعبانه اوى اوى مفيش حد عايز يفهم انا محتاجه ايه كل اللي حواليا بيقولولي اتصرفي اتصرفي وانا كبنت اتصرف ازاي في كل الديون دي مش ذنبي اني اتجوزت واحد ندل وفاشل وانا بقيت افشل من بعد موت امي وانا حياتي وقفت مبقتيش عارفة اعمل حاجه انا تعبانه جدا ومرهقة نفسيا ومش بنام من كتر الافكار وحاولت اكتر من مره انتحر ومفيش فايده مفيش حد جمبي ولا اهلي ولا حتي الناس محدش حاسس بوجعي واحتياجي
أولا اهلا بيكي.. ثانيا بصفتي اخصائية نفسية فا انا شايفة من وجه نظري ان مشكلتك مش في الفلوس اعتقد في سوء الإدارة او إتخاذ قرارت غير سلسة وكمان مشكلة في الرضا والتكيف مع الأمر الواقع أنا مش ضدك بالعكس معاكي لكن انصحك تتابعي مع متخصص نفسي يدربك علي تحمل الأزمات واتخاذ القرارات السليمة عشان تعرفي تديري شغلك وفلوسك وحياتك الأسرية بشكل سليم.. والموت كده كده جاي ما تستعجليش وكل من عليها فان.. كلنا هنموت مش مهم هنموت أمتي المهم ما نموتش وإحنا لسه عايشين الحياة فيها حاجات كتير حلوة رغم قسوتها متخافيش
تم النشر الثلاثاء، ٨ نوفمبر ٢٠٢٢
اهلا ومرحبا بك صدقيني الموت مش حل، وانتِ لو في ظروف احسن من كده عمرك ما كنتي فكرتي ابدا في الموت، علشان الحالة اللي انتِ فيها مجرد انك عايزة تنهي الالم فقط. أوقات كتير جدا، ممكن الواحد ميلاقيش حد معاه، أو يسنده، أوقات الحياة بتاخذ الناس، لأن كل واحد بيكون عنده مشاكله، وحياته الخاصة اللي أكيد فيها كتير. هل ده معناه أننا منعملش حاجه؟ هل ده معناه أننا نيأس؟ هل ده معناه أننا نفقد الأمل فينا وفي ربنا؟ هسألك سؤال! ليه محاولتيش تأخدي موقف وتشتغلي، وتصرفي على نفسك وعلى أولادك، ويكون فيه مصدر دخل للبيت تقدري منه تعملي اللي انتِ عايزاه! اعتمدي على نفسك وواجهي المشكلة، لأن أوقات كتيرة جدا، ممكن زي دلوقت محدش هيساعدك، ف ليه تبقي عاجزة وانتي بإيدك تنقذي نفسك وأولادك. أعملي كده علشان نفسك، أعملي كده علشان أولادك يكونوا فخورين بيكي. أتمنى ليكي التوفيق
تم النشر الأحد، ٦ نوفمبر ٢٠٢٢
بصي ياعمري في كل محنه منحه والابتلاء هو الي بيقوي عضمنا وكمان ياحبيبتي الدنيا مبتقفش علي حد اسالي نفسك في شغل وتطوير نفسك اقرئي وثقفي نفسك كتير ... المهم تزوري طبيب نفسي علشان يظبط معاكي شويه امور
تم النشر الأحد، ٢٠ نوفمبر ٢٠٢٢
صعوبات وابتلاءات ..اختيارات غلط او سقطات كل دول موجودين والحياة مكملة وربنا ليه حكمة فى وجودنا وسط كل ده ايوه الفترات الوحشة هتيجى وهنتوجع وهنزعل بس و راضيين الزعل مش هيطول. الفلوس والديون بتمثل ضغط كبير طبعا ...ربنا يكون فى عونك التخلص من الديون بيحتاج خطة جدولة على حسب الدخل بتاعك واتفاق مع اللى يخصهم الدين ( دى الحاجات اللى فى ايدينا كبشر ) ثانيا ( الدعاااااء سحر حقيقى ...دعاء بيقين وثقه فى الله ) محتاجينم نهدى عشان نتعامل بالعقل لان اكيد الضغط العصبى مش هيوصلنا لاى نتيجة ولا فكرة مناسبة لحل المشكلة . اسأل الله لكى سداد دينك
تم النشر الأحد، ٢٠ نوفمبر ٢٠٢٢
انا للاسف مش هقدر انصحك بخصوص ديونك لاني مش ملمة بالتفاصيل كاملة بس ارجوكي بلاش انتحار لانه مش هيكون هو الراحة ولا نهاية مشاكلك والاهم من دة هو اولادك لان كدة هيبقى لا فيه ام ولا اب وهيكبروا وهما عارفين انك سيبتيهم بارادتك الكاملة
تم النشر الثلاثاء، ٦ ديسمبر ٢٠٢٢
عايزه تنتحرى وتروحى النار واولادك من بعدك هيبقو ف الشارع هيتبهدلو .....دول امانه ف رقبتك ...اشحتى ولا تنتحرى واوعى تسيبى عيالك اشتغلى واشقى على ولادك وربنا هيعينك واصبرى حتى لو هتكلى عيش حاف انت واولادك....روحى اىجمعيات الخيريه يساعدوك ويشوفو لك شغل
تم النشر الأحد، ٢٠ نوفمبر ٢٠٢٢
لعرض السؤال في فدني اضغط هنا