ازاي اقد أثق في نفسي واحبني
انا اتربيت في بيئه خلتني اكرهني والخوف حاجز كبير عندي كنت بضرب وعشان ده مش بقدر ادافع عن نفسي عايزه اكون قويه وانسي الماضي وتخطي الفشل اللي حاصل في حياتي حاليا
اول حاجه اسفه لأي مشاعر وحشه حسيتي بيها وخوف او فقدان ثقه ف نفسك اكيد انتي بنت جميله لان ربنا خلقنا ع احسن صوره اقفي قدام مرايتك وبصي لملامحك الحلوه وانها نعمه من عند ربنا مهما كان شكلها وهديه ربنا ليكي ... واتنفسي بعمق واتأكدي انه زي منتي حلوه وجميله ومفيش اي عيب يعيبك شكلا ف انتي من جواكي مفيش اي حاجه تعيبك لان كلنا عندنا اخطاء وبنخطأ بس بنفضل زي محنا حلوين والماضي مؤذي وبيأثر حقيقي ع حاضرك ومستقبلك بس مش دايما تأثيره بيبقا سلبي اوقات كتير بيعمل منك انسانه رقيقه ولطيفه وحنينه جدا وبتساعدي الي حوليكي لانك اكتر حد هتحسي بالي حوليكي من معاناتك اقرأي كتير وفرغي مشاعر الماضي السلبيه اول متفتكريها بالكتابه واكتبيها ف نقط وبعد متكتبي السلبي او المشاعر المخيفه شوهيها بالقلم شخبطي عليها كلها وبعد كده قطعيها عشان تمحيها من جواكي واكتبي الذكريات الحلوه حاولي تفتكريها والاوقات الي كنتي مبسوطه فيها وخليهم قدامك عشان تعرفي انه زي مكان في ايام صعبه عليكي ومؤذيه كان في ايام جميله دي الي لازم تفتكريها عشان تساعدك تتخطي وتبني نفسك من جديد واعملي انشطه كنتي بتتجنبيها زمان والعبي رياضه وكل يوم اول متصحي افتكري قرارك انك تبقي انسانه جديده وهتبني نفسك من جديد بطريقه جميله جدا وسويه وقوه وثبات وثقه ان شاء الله
تم النشر الأربعاء، ٢٥ يناير ٢٠٢٣
لعرض السؤال في فدني اضغط هنا