ايه الحل في إهمال الشخص البتحبيه ليكي و لا بيسال عليكي ولا بيتصل و لا حتي بيبعتلك رسالة غير لما بتقلقي اوي و تتعبي و لما بتعاتبيه بيقول مش بحب العتاب و انا نفسيتي تعبت جدا و بقت تحت الصفر .. هي مشكلته الوحيدة الإهمال المستمر غير كده هو كويس جدا و لما فكرت أنه مضغوط من الشغل للاسف هو بيعمل معايا ده سواء في شغله أو في اجازته
بكل بساطة الحل إنك تشغلي نفسك عنه...... الأنثى لازم هي الي تُطارد مش العكس... لازم يكون عندك حياة مشغولة بيها أصدقاء بتخرجي معاهم و عائلة بتقضي وقتك معاهم و هوايات بتحبي تعمليها و مهارات بتتعلميها و بتركزي على نفسك و دايما بتحاولي تطوري من نفسك وقتها هو هيستغرب إنك مش مهتمه لما بيغيب بالساعات و الايام عنك و هيبدأ هو الي يطاردك... ببساطة الرجالة مش بتحب الحاجة تيجي بسهولة و لما بتديهم الاهتمام و الحب بكل سهولة بيبدأوا يزهقوا لكن لما بيشوفوا إن الواحدة مشغولة بحياتها و عندها حياة غيرهم و أشغال و مركزة على نفسها بيبدأوا يطاردوها و عموما مش الرجالة بس إلي كده الموضوع ده بيستخدمه الأشخاص النرجسيين عن طريق انهم يتجاهلوكي عشان يضمنوا وجودك و دايما تلاقيهم بيحاولوا يخلوكي تغيري و هكذا و برضو الاهتمام الزائد عن حده بينفر الشخص من الطرف التاني فإهتمي بتوازن و خلي بالك من إنك تتعلقي بيه لأن التعلق هيخليه لا اراديا يكرهك و يبعد عنك و من تعلق بغير الله هيختبر في الي تعلق بيه يعني هيكون تجربة سيئة جدا للأسف لو اتعلقتي بحد أو بحاجه غير ربنا عشان كده ركزي على نفسك ده المفتاح و هتلاقيه بيسأل لوحده عليكي و بيجري وراكي من غير ما تعملي حاجه
تم النشر الأحد، ١٦ يونيو ٢٠٢٤
أنا في رأيي والله أعلم الرجل ذا لا يريد أن يكمل معك في العلاقة وبيعمل هيك لتفهمي نفسك وتبعدي بدون ما يجي هو ويقوله لك ويحرجك
تم النشر السبت، ١٥ يونيو ٢٠٢٤
فهمتك والله، الموقف ده بيكون صعب جدًا، و طبيعي تحسي بالإحباط و التعب النفسي خاصة لو الشخص اللي بتحبيه مش بيديكي الإهتمام اللي تستحقيه. خلينا نتناقش في كذا نقطة ممكن تساعدك: الصراحة والشفافية: الكلمة اللي مش بيحبها–العتاب–لازم تكون موجودة بشكل معين. جربي تحكي معاه بس بشوية هدوء وصراحة. حاولي توصلي له مشاعرك من غير ما تحسيه باللوم كليًا. قولي له إنك فعلاً محتاجة لإهتمامه ودعمه. الحوار البناء: بدل من استخدام كلمة "إهمال" بصراحة ممكن تستخدمي عبارات تعبر عن احتياجاتك، مثلا "أنا بحس إني مبسوطة لما نكون على تواصل أكتر" أو "بحس إن اهتمامك بيا مهم لي". تقييم العلاقة: فكري إذا كان في نية الاستمرار في العلاقة لو الوضع ما اتغيرش. عاطفتك مهمة، وأنتي تستحقي حد يقدرك ويهتم بيكي. الاهتمام بالنفس: ما تنسي تهتمي بنفسك وبصحتك النفسية، قضي وقت مع أصحابك وعائلتك، اعملي حاجات بتحبيها وممكن تساعدك لتحسين مزاجك. الاستشارة: لو الموضوع مؤثر على حياتك بشكل كبير، ممكن دايماً تستشيري متخصص نفسي يساعدك في فهم مشاعرك وإيجاد حلول فعالة. أنا هنا عشان أسمعك وأساعدك في أي وقت تحتاجي. خدي وقتك في التفكير وردي بهدوء، وربنا يطمنك ويسعد قلبك.
تم النشر السبت، ١٥ يونيو ٢٠٢٤
الحب اساسة الاهتمام من غيرة يبقى الحياة بينكم حتتهد زى اى عمارة من غير اساس
تم النشر الأربعاء، ١٩ يونيو ٢٠٢٤
لعرض السؤال في فدني اضغط هنا