ازاى اقدر ابعد عن شخصيه مش كويسه بس انا بحبها ومش عارفه ابعد عنها غير لما ابعد عن كل الناس لانى مش بعرف اخد موقف منها
هو الموضوع من التعليقات محتاج صوت وصورة مش كومنتات متلغبطه.. بصي حببتي بهداوه مع نفسك بس أولا وتقبلي الحلول متقفلهاش.. علاقه مؤذية بعتزلها يعني اقطعها علاقه ناقصه التقدير بنصارح الشخص بلطف وبوضوح ويا يقدر وتنصلح يا يكابر فخلاص أتجنبه مش اعتزله في فرق علاقه وارد أكون أنا أصلا فاهماها غلط ومحتاجه تقييم من جديد فإنتي اتعلمي إزاي تصارحي حد وإنتي آكتر شخص يبقي واعي آنتي أصلا حكمتي صح ولا أحاسيس ملهاش دليل ممكن نابعه من عدم تقديرك لذاتك أو اصلاً عدم حبك لذاتك فاكره فيلم أسف علي الازعاج.. إحنا ال بنقول للناس تعاملنا إزاي فإنتي اشتغلي علي نفسك بدل ما تلوميها وتفضلي زعلانه وصحبتي وحشه وأنا كلاون.. فكك من مصطلحات دي وخليكي فالحل لأن مش كل ناس وحشه وإن ده حصل يبقي العيب مش في كل الناس.. ومش عيب أصلح من نفسي
تم النشر الثلاثاء، ٢١ فبراير ٢٠٢٣
لو معندكيش الشجاعة الكافيه انك تنسحبي من الشخصية دى وتقطعى العلاقة ع طول... اسحبي نفسك واحده واحده خارجين ..اعتذرى مروحين سوا ...اتحججى باى مشوار من طريق تانى وامشى . قولى ان فى حد من اهلك دايما هيوصلك قولى ان ماما مشغولة معاها فى البيت وهكذا واحده واحده هتنسحبي منهم وابدأى اعملى علاقة بديلة قوية مع حد تانى كويس ...ده هيساعدك تعرفى تغيرى الوضع المؤذى ده ان شاءالله.
تم النشر السبت، ٤ مارس ٢٠٢٣
انك تفهمي ان الحب مش كل حاجة في الحياة، وان انتي ممكن تتأذي لو فضلتي مع الشخصية ديه. وانك تحبي نفسك كفاية، لانك لو بتحبي نفسك بجد مستحيل انك تعرضيها انها تكون في موقف مش كويس، او مع انسان مؤذي. ديه مفاهيم في الاول محتاجة تكوني مقتنعة بيها اما سلوكك ناحية الشخصية ديه .. بلوووكات من كل حتة .. سوشيال ميديا واتصالات ومن حياتها كلها، واختفي تمام عنها. اصدقائك يفتحوا مثلا سيرة الشخصية ديه .. لو سمحتوا مش عايزة اسمع عنها اي حاجة. مسدجات وصور وهدايا في صندوق كده ويختفي لحد ما تتعافي تماما من الشخصية ديه واشغلي وقتك بناس جديدة وايجابية .. ودخلي في حياتك نشاطات تانية واستفيدي من وقتك اللي كنتي بتقضيه مع الشخصية ديه
تم النشر الثلاثاء، ٢١ فبراير ٢٠٢٣
الشخص المؤذي ده اعملي بلوكات من كل حاجه ليه مبدايا واكتبي كل الحجات الوحشه الي عملهالك والي اتسببلك فيها متفتكريش اي موقف حلو افضلي افتكري الوحش بس لانه ع كلامك مش كويس ومؤذي ف اكيد الحلو الي كان بيعمله عشان يجذبك ليه وبصي ع باقي الناس شوفيهم هل هم وحشين زيه ولا نفعوكي وكانو سند ليكي وشوفي الناس الي كانت بتقف جنبك لما كان مش كويس معاكي وهو مش جمبك اكتبيهم وحطي مواقفهم الكويسه قدامك لان دول اهم حاجه دول الي لما تدايقي من فقدان حد او من اذيه حد هيخففوا عنك وهيساعدوكي تعدي اي موقف صعب
تم النشر الثلاثاء، ٢١ فبراير ٢٠٢٣
لا هى صاحبتى مش زميله بس هى مش بتحبينى زى منا انا بحبها فاهم انا لما عملت معاها كده خليتها زميله طلعتنى وحشه وان هى بتحبينى وانا مش مقدره ده بس بالعكس هى اللى مش مقدرانى عشان ضمنه وجودى ده انا كلاون ع كده🤡
تم النشر الثلاثاء، ٢١ فبراير ٢٠٢٣
انا مبكذبش مش حوار مش عايزه انا فعلا مش عارفه ابعد عنها عشان انا بحبها دروسنا كلها مع بعض ومشاويرنا انا كل يوم بشوفها هى مش بتحبنى زى م انا بحبها ف هى بالنسبه ليها عادى امشي افضل مش فارقه معاها 🤡
تم النشر الثلاثاء، ٢١ فبراير ٢٠٢٣
مفيش حاجه اسمها ( مش عارفة - مش قادرة ) .. فيه حاجه اسمها (مش عايزة) أسالي نفسك ليه .. ليه مش عايزة تبعدي . ممكن تكذبي عليا .. احنا منعرفش بعض .. عادي .. لكن مش هتكذبي علي نفسك .. انا بقرأ الناس صح و طول ما هو قريب منك مش لظروف جمعاكم سوا او عافية ..يبقي بمزاجك . ولا في شيء ممكن يوضح سبب سماحك بقربه منك وانتي مقولتيهوش..! و ملحوظة .. اللي بيحب مستحيل يؤذي
تم النشر الثلاثاء، ٢١ فبراير ٢٠٢٣
مهو بيأذينى فعلا بس انا مش عارفه اعمل حاجه 🤡
تم النشر الثلاثاء، ٢١ فبراير ٢٠٢٣
تمام يعني مش اصدقاء ، و لكن مجرد زميلة بالنسبة لك ، يبقي خلاص اهتمي بنفسك و ركزي في حياتك و بس و متربطيش نفسك بحد بعينه ، بعض الناس مش ممكن تحس بقيمتك الا لما تعامليهم زي ما بيعاملوكي ، ساعتها هببقوا مستغربين .. الصداقة شيء و زميل الدراسة شيء تاني .. لما اكون مقرب من الحد و الاقي الحد ده انا مش فارق معاه او سبب لي اذي نفسي او غيره ، خلاص بشيله من خانة الصديق و بيرجع مجرد معرفة زميل دراسة او عمل الخ .. يبقاله حدود و يبقي هو كمان مش فارق معانا . علشان يحس انه نزل من مىتبة صديق و بقي مجرد حد معرفة مش اكتر .
تم النشر الثلاثاء، ٢١ فبراير ٢٠٢٣
من اكتر السموم اللي الناس مش بتقدر تبعد عنها برغم انهم عارفين الأضرار بتاعتهم السكر .. و كتره وحش و القرب منه باستمرار مُضر جدا .. محدش بيبطل السكر الا لما بيتعب صحيا .. بس في نفس الوقت متقدريش ترغمي حد انه يبطله او يخف منه بالعافية .. عارفه ليه ..؟! علشان السكر بالذات بيخلي الجسم يفرز مادة اسمها الدوبامين بطريقة over قوي .. عارفه ايه هو الدوبامين ..!! نفس المادة اللي بتخلي الانسان يشعر بالسعادة .. اعتقد كده فهمتي .. الصراع دايما بيبقي بين اللي بنحبه بس ممكن يؤذينا و بين صوت العقل . الامر في ايدك ..
تم النشر الثلاثاء، ٢١ فبراير ٢٠٢٣
لعرض السؤال في فدني اضغط هنا