ازاي انهي علاقتي بأصدقاء ثانوي؟.... أنا خلصت تالته ثانوي و داخله اولى جامعه السنادي و عندي 3 زملاء يعتبروا أقرب زملاء ليا من زملاء ثانوي كلهم و كنت بخرج معاهم و بروح الحصص معاهم بس بعد كده أدركت إنهم مش مناسبين ليا أصدقاء و مش عاوزة استمر في علاقتي معاهم بس مش عارفة ازاي انهي علاقتي بيهم بأسلوب بسيط و محترم من غير ما اضايق حد فيهم أو اضايق نفسي فأتمنى حد يساعدني يقولي أعمل أيه
كدا كدا كل واحد بينشغل في كليته مظنش كلكوا دخلتوا كليه واحدة بس حاولي تاخدي جمب وتشغلي نفسك واحدة واحدة ابعدي في هدوء يعني متعمليش مشكله عشان تبعدي ولا تكسريهم بكلام وكده كده هتتعرفي على ناس جديده وكل واحد فيكوا بقا هيبدأ ينشغب
تم النشر الخميس، ١٩ سبتمبر ٢٠٢٤
أعتقد إن مع انشغالكم في الدراسة الجامعية هيقل التواصل تدريجيًا لكن حاولي ألا تنقطعي فجأة وبلاش تصارحيهم إنك شايفاهم أصدقاء غير مناسبيين لكِ، وإذا كنتم أصدقاء على الفيسبوك ممكن تقتصري الصداقة وقتها عليه وتطمئنوا على بعض كل فترة وفترة. أنا كان لي زملاء عزيزين وصحاب في الثانوية العامة لكن للأسف لما دخلنا الكليات كلنا انشغلنا وواحدة واحدة قل تواصلنا وحتى زملاء الكلية رغم وجود درجة ما من القرب والصحبة افترقنا بعد التخرج والعمل. وعامة هي مراحل في حياتنا وكل مرحلة لازم بيمر علينا أشخاص نتعلق بهم ونرتبط فترة ونترك أثر في بعض بالسلب أو الإيجاب وبعد كده بتفترق الطرق.
تم النشر الأربعاء، ١٨ سبتمبر ٢٠٢٤
أفهَم تمامًا مشاعركِ، وإنهاء علاقة مع أصدقاء قدامى قد يكون قرارًا صعبًا. من المهم أن تتبعي خطوات تجعل هذه العملية أكثر سلاسة وتحافظ على مشاعركِ ومشاعرهم. إليكِ بعض النصائح التي يمكن أن تساعدك: كوني صادقة : حاولي إيجاد فرصة للحديث مع كل منهم بشكل فردي، وعبّري عن مشاعركِ بصراحة. يمكنكِ أن تقولي شيئًا مثل: "لقد شعرت أننا قد نكون مختلفين قليلاً في اهتماماتنا وطموحاتنا، وأشعر أنه من الأفضل لكل منا أن نتوجه في اتجاهات مختلفة." تجنب الانقطاع المفاجئ : بدلاً من قطع العلاقة بشكل مفاجئ، يمكنك تقليل التواصل تدريجيًا. ابدأي بتقليل عدد الخروج معهم أو الرد على الرسائل. احترمي ذكرياتكم : تذكري اللحظات الجميلة التي قضيتماها معًا، وعبّري عن امتنانكِ لتلك اللحظات، فهذا يساعد على تخفيف الضغط أثناء المحادثة. انتظري ردود أفعالهم : قد يكون لديهم مشاعر مختلطة أيضًا. كوني مستعدة للاستماع إليهم وفهم وجهات نظرهم. احتفظي بالود : حتى إذا كنتِ تقررين الابتعاد عنهم، حاولي الحفاظ على تواصل واعد في المستقبل، لأنه لا يزال هناك احتمال أن تلتقوا مجددًا في الحياة. توجهي لدوائر جديدة : في الجامعة، ستحصلين على فرص جديدة للتعرف على أصدقاء جدد يناسبون اهتماماتك وطموحاتك. أخيرًا، تذكري أن لديكِ كل الحق في اختيار الأشخاص الذين تحيطين بهم في حياتك، وأنه من الطبيعي أن تتغير العلاقات مع الزمن. وفقك الله في خطواتك القادمة.
تم النشر الأربعاء، ١٨ سبتمبر ٢٠٢٤
بصي هو اولا كدا مفيش صداقه بتدوم غير نادرا ده كدا كدا ثانيا هل هما اتعاملوا معاكي بطريقه وحشه مثلا او عموما لو في حاجه مضيقاكي فيهم روحي وواجهيهم الاول بس عشان مش عاؤفه تفاصيل فا مش هعرف افسر كويس بس عموما لو خلاص عاوزه تسبيهم ابعدي عنهم من غير اي حاجه وخلاص
تم النشر الخميس، ١٩ سبتمبر ٢٠٢٤
أولا ملهاش علاقة نهائي بموضوع كلية أعلى أو مش أعلى ملهاش علاقة.... ثانيا السبب هو إني مبقتش مرتاحه معاهم في حاجات بتتلاخظ كده في الكلام أو في الهزار أو في النظرات حاجات بتخليني مش مرتاحه معاهم في اني اتكلم و احكي و اهزر معاهم خصوصا لو هتكلم عن حاجات حلوة بتحصل في حياتي أو حاجات وحشة عموما يعني و دايما صوتهم عالي في الشارع مهما اتكلم معاهم في الموضوع برضو صوتهم بيفضل عالي و بيتكلموا كلام مينفعش يتقال بصوت عالي في الشارع و بيبقى صوتهم أعلى من صوت الولاد حتى و لما قولتلهم على الموضوع ده اضايقوا و اتكلموا عني من ورايا إن مش عاوزين يكملوا الخروجه عشان أنا كل شوية اقولهم وطوا صوتكم و ده قفلني منهم إن هم إلي غلطانين في الأول رغم كده قلبوها عليا أنا و دايما بيتكلموا في مواضيع الحب و الجواز و الحاجات دي و ده ميشبهنيش خالص في أفكاري و لا شخصيتي و لما بنتفق نخرج ببقى مبسوطه إن هخرج خصوصا إني مش بخرج كتير و بعد ما اخرج معاهم برجع حرفيا أقعد يومين مضايقة و زعلانه كده من غير سبب عكس لما ببقى قاعدة في البيت أو لما ينزل مع واحدة صحبتي غيرهم فده إلي خلاني أقرر إني أبعد عنهم
تم النشر الاثنين، ٢٣ سبتمبر ٢٠٢٤
مش مناسبين من ناحية ايه ؟ عاوز اقولك ان اوقات بيكون دول احسن اصحاب ومش شرط عشان دخلتي كلية تانية وجايز تكون كلية اعلى منهم بقوا وحشين بس لازم تحددي ايه السلبيات اللي ظهرت عليهم فجاة من بعد ٣ ثانوي ؟
تم النشر الخميس، ١٩ سبتمبر ٢٠٢٤
لعرض السؤال في فدني اضغط هنا