السلام عليكم
انا طالبة في كلية حاسبات ومعلومات في سنه اولي بس معرفش اي حاجه في البرمجه بس حبيت مجال الأمن السيبراني وبدأت ١/٢/٢٠٢٥ اللي هو قبل أمس فبدأت أسعى لكن عندما اخبر احد يحبطني والاخر يقلل من شأني واخذ الكلام واتوتر ولا اعرف ماذا افعل
ارجو منكم الرد السلام عليكم
والسلام عليكم ورحمه الله وبركاته. انا حابه اقول لك ان انت بنوته مميزه جدا جدا جدا وطالبه مميزه المجال اللي انتي اهتميتي بيه مجال. مميز جدا ومش اي حد بيعرف يشتغل فيه بما انك اهتميتي بيا وانت لسه في سنه اولى فانت معاكي فرصه كبيره جدا انك تتعلمي فيه كثير وبتستغلي المده بتاعه الدراسه في انك تبقي محدده هدفك كويس قوي وده هيساعدك جدا جدا في انك ان شاء الله توصلي له اي حد بيحبطك خليني اقول لك هو بيحبطك ليه عشان بعد كده لما تسمعي له اييي تبتسمي وما تزعليش وما تاخديش كلامه اصلا اي حد بيحبطك بيكون شخص شايف الحاجه دائما اكبر منه وااا وممكن يكون فكر قبلك وكان عاوز يعمل حاجه شبه دي بس لان هو كسل او انه شاف انه ياه وانا هعرف اعمل كده وانا هعرف ابقى زي الناس دي جامده جدا اللي بتشتغل في المجال ده لا لا انا اكيد مش هعرف فلما بيشوفك هو بيرد عليك كل الردود اللي هو ردها على نفسه على قد ما هو مقلل من نفسه على قد ما هو شايف ان ما عندهوش قدرات فبيرد عليك انت كمان كانك ما عندكيش قدرات هو ما يعرفش عنك حاجه ما يعرفش قد ايه انت مهتمه. قد ايه انت عندك اراده واصرار اكثر منه ملكيش دعوه بيه خالص واشفقي عليه وقولي له معلش خليني انا اجرب لو انت شايف ان ما فيش فايده يمكن اكون انا الشخص اللي هيخليه في هنا امل ااا خليكي مع نفسك ومع طموحاتك انا بس عايزه اخليكي تبصي على نقطه مهمه جدا انه المجال ده متطور جدا والشغل فيه حلو جدا ولكن بره مصر. فاا اذا شفتي انه هيكون في عندك معضله او مشكله اجتماعيه او مش هيسمح لك بالسفر او اي حاجه بعد ما تكوني اخذتي يعني شوق من الكورسات او الدراسه في المجال ده واا هتحبي تشتغلي فيه بس الموضوع هيكون مش متاح فكري ثاني هتلاقيه له مجالات هنا او هتلاقي مجال للشغل ليه هنا بس مش هتكون بنفس التطور بتاع بره يعني لو احنا هنا شغالين في الامن السيبراني بس. بنسبه مثلا المرحله الاولى لو شغالين في المرحله فبرا شغالين في المرحله العشره في ال في الامن السيبراني فخلي بالك من النقطه دي بس انتبهي ليها او خلي بالك وانت بتشوفي مجالات الشغل اللي ممكن تكون متاحه علشان ما تضايقيش اعملي حسابها ولكن ما تخليهاش برده نقطه تحتك ربنا معاك.
تم النشر الثلاثاء، ٤ فبراير ٢٠٢٥
ابحثي في كلا المجالين اعملي قايمة مبمزات وعيوب الاتنين وقايمة بقدراتك وحددي أيهم يناسبك أكثر من الآخر ويتوافق مع قدراتك . . ولا تسمعي لكلام المحبطين وإنما خذي منهم ما يكون في صالحك فربما بين طيات كلامهم خوف عليك ونصح ولكن خانهم التعبير
تم النشر الاثنين، ٣ فبراير ٢٠٢٥
انت بتحكي للناس عشان يشجعوك و ده شيئ عادي كلنا بنعمله بس مينفعش تعتمد عليه اوي عشان اغلبنا دلوقت بقو ناس سفيهة بتحاول تقول نكتة على اي موضوع و انت هدفك اتحول لنكتة عندهم كدة، شوف انت عايز تبقى ليه في الامن السيبراني و هل الموضوع هينفعك مستقبلآ فعلا ولا هو موضوع مش هيجيب همه وانت عجبتك الفكرة بس. انا هقولك كلمة الكل قالهالك و كل اللي هيرد هنا هيقولهالك وانت بلفعل هتكون متوقع تقراها و معرفش هتريحك ولا لا بس ان شاء الله ربنا يرشدك للي فيه الخير (متسمعش كلام حد و ركز في حلمك)
تم النشر الاثنين، ٣ فبراير ٢٠٢٥
وعليكم السلام ورحمة الله وبركاته. أختي العزيزة، أود أن أقول لك أولاً أنه من الطبيعي أن تشعري بالإحباط أو التوتر عندما تواجهين تحديات جديدة، خاصة إذا كانت آراؤ الآخرين سلبية. من المهم أن تتذكري أن النجاح يحتاج إلى وقت وجهد، ولا تتركِ كلمات الآخرين تؤثر على طموحك. إليك بعض النصائح التي قد تساعدك: تحديد الأهداف : حاولي وضع أهداف واضحة ومحددة في مجال الأمن السيبراني. قسمي الأهداف الكبيرة إلى مهام صغيرة يمكنك العمل عليها تدريجيًا. البحث والتعلم : استخدمي الموارد المتاحة على الإنترنت لتعلم أساسيات البرمجة والأمن السيبراني. هناك العديد من المنصات التعليمية التي تقدم محتوى مجاني وجيد. التواصل مع إيجابيين : احرصي على محاطة نفسك بأشخاص يدعمونك ويشجعونك. ابحثي عن مجموعات أو منتديات في مجالك يلتقي فيها طلاب وطالبات لديهم نفس الاهتمامات. تجاهل النقد السلبي : بعض الناس قد لا يفهمون شغفك، لذا حاولي تجاهل التعليقات السلبية. بدلاً من ذلك، ركزي على مشاعر الإنجاز التي تأتي مع تعلم شيء جديد. المثابرة : تذكري أن الفشل جزء من عملية التعلم. إذا واجهت صعوبات، اعتبريها فرصة لتحسين مهاراتك بدلاً من أنها نهاية الطريق. بالأخير، كوني واثقة من نفسك وقدراتك، واعلمي أن الإصرار والعمل الجاد هما مفتاح النجاح. لا تتأثري بكلمات الآخرين، وثقي أنك على الطريق الصحيح. وفقك الله في مسيرتك الأكاديمية وفي مجال الأمن السيبراني.
تم النشر الاثنين، ٣ فبراير ٢٠٢٥
حاول تبدأ مع نفسك و هات كورسات من يوتيوب و اشتغل مع نفسك طبيعي الناس هتقلل منكم لأنهم مش حاولوا أو مش محتاجين تكون افضل منهم بس هنشوف النتيجة بعدين لما ربنا يكرمك إن شاء الله بالتوفيق
تم النشر الاثنين، ٣ فبراير ٢٠٢٥
لعرض السؤال في فدني اضغط هنا