دلوقتي انا اتربيت في بيت كله سلبيه وأجواء نكد ونرجسية بابا كان بيضربني وانا صغيره على اتفه شيء وضرب فيه غل مش طبيعي وما شاء الله بكل الوسائل والادوات مخلاش حاجه ربنا يباركله علاقته بماما زوج نرجسي بحت مفيش حاجه بترضيه مهما عملت تشتغل وتصرف تلت تربع مصروف البيت طالع منها وهو الربع ومع ذلك مش عاجب يهينها ويتريق عليها وعلى اكلها ويغلط فيها...مصاريفي انا واخواتي من الالف للياء ماما بس اللى بتدفعها كتب مدارس جامعات هدوم حتي العلاج والمستشفيات بيهرب ومش بيطلع معانا عشان ميدفعش تمن الكشف اغم عليا من التعب ف المستشفي وهو جمبي ولا سندني ولا شالني وصحيت الدكتور اللى قد جدي شايلني هو وامي يتريق علي مجموعي الدراسي وادائي عامة ويحبط فيا مع ان اتخرجت والتراكمي بتاعي ف الكليه جيد جدا طب بيطري جابلي انهيار اكتر من مره من كتر مناقشاته اللى دايما بتحسسني اني اقل من اي حد لدرجه اني بقيت اعور نفسي من كتر الاحساس المقرف اللى حسيته تجاه نفسي واني بحاول الهي نفسي عن الاحاسيس البشعه اللي دماغي بتكون هتتجنن منها عمر ما طولت معايا صداقات وطول عمري ببقي خايفه ان اي واحده اعرفها تسيبني حتي من غير سبب وده خلاني اضحي كتير وابذل كل جهدي عشان يحبوني...انا فعلا بابا ماظهرش ليا اي حب وانا صغيره وبسببه عايشه بدفع تمن ده ف نفسي وف شخصيتي و دلوقتي اي شعور سلبي مش قادره استحمله بلجأ اني اعور نفسي عشان الهي نفسي عن التفكير فيه...الصوت العالي مبقتش قادره استحمله وللاسف جسمي بيترعش لما حد يتعصب عليا وبيهيألي انه ممكن يمد ايده عليا بخاف منه بجد وبسببه بقيت خايفه اتعامل مع الناس..مش عارفه اخد خطوه الطبيب النفسي عشان هو مش فاهم ولا عارف ولا مدرك للموضوع من اساسه بس انا مش عاجبني نفسي ولا حالي مش عايزه اكون ضحيته عايزه اكمل
اصحي تكرهي نفسك عشانه كده حياتك هتدمر من بدري وما تقريش وراء الناس تدوري رضاهم اوعي تبقي زي ش....عبد..... اي انسان نرجسي من داخله ضعيف وهش. اجمدي بقه وخليك قوية ماحدش هيرحمك ولا يوقف معاك ولا طبيب نفسي ولا غيره كلهم بيقولوا اي كلام بس ماحدش هيحس بيك خليكي قوية وبيني القوة في عينك وفي قلبك اللي يدمر حياتك وقفيه عند حده
تم النشر الثلاثاء، ١٣ أغسطس ٢٠٢٤
اسمعي ...مفيش غير حل واحد ادعي الله والصبر ثانيا القوة ثم القوة ثم القوة كل ما يشفكوا بتخافوا منه هو بيزيد علميه أن حياتك انتي ومامتك وأخواتك اهم من غير ما تنطقي بكلمة تعاملوا معه ببرود وابتسمي وكأنه مش موجود هو يتلذذ وهو بيأذي فحاولوا تداروا الالم كلها كم سنه وهيكبر وهيضعف مع الاسف وهتنتهي المعاناة وكأنه ما حصلش اي حاجه عشان كده عيشي حياتك بالطول والعرض اوعي تخليه عقبه في طريقك ولو زودها قولي ليه اعمل حساب لبعدين هتكبر وهتحتاج للي يرعاك لكن مش هعمل معك زي ماتعمل معانا هراعيك وهأهتم بيك مصيرك ترجع لنا هتكبر وهتضعف وهترجع طبعا انتي تعرفي طبعه لوكان بيضرب ومابيرحمش ما تقوليش له الكلام ده ابتسمي في وجهه واضحكي سيبيه يلف على نفسه ما تديلهوش الانفعال اللي هو عايزة اي حاجه يقولها تطنيش
تم النشر الثلاثاء، ١٣ أغسطس ٢٠٢٤
أنا آسفة جدًا إنك متعرضة لكل ده، و بجد بوشك ناس زي كده ممكن تدمر الشخصية والثقة بالنفس. بس أول حاجة لازم تعرفيها هي إن اللي حصل معاك مش غلطك وأنك مش لوحدك. أول خطوة ممكن تعمليها هي أنك تحاولي تتعلمي كيف تفرقي بين شخصيتك وبين تأثير أبوكي. كتير مننا ممكن يحسوا بالدونية بسبب اللي عشنه، بس مهم إنك تتعرفي على نفسك وتقدري قيمتك. شويه شوية حاولي تكتبي أفكارك أو مشاعرك في ورقة. ممكن تلاقي ده يساعدك تعبرين عن نفسك بطريقة صحية. كمان حاولي تكوني مع نفسك إنسانة لطيفة بدل ما تنقدي نفسك. جربي اليوغا أو التأمل، ده ممكن يساعدك تهدي من أعصابك. لو حابّة، فكّري في زيارة طبيب نفسي موثوق. الأطباء بيفهموا المواقف الصعبة وعندهم طرق علشان يساعدوك تتغلبي على مخاوفك وأفكارك السلبية. وأخر حاجة، حاولي تبني صداقات جديدة مع ناس إيجابية، اللي يشجعوك ويخلوكي تحسّين بالقيمة. الحياة مش سهلة، بس بقدرتك تكملي وتحصلي على السلام الداخلي. إنتي قوية، وثقي بنفسك!
تم النشر الثلاثاء، ١٣ أغسطس ٢٠٢٤
حاولي تجنبي كل دا وركزي ع نفسك اه احيانا الأهل بيبقي مؤذين نفسيا بنسبه كبير لاي طفل بس تجنبك لاي نقاش بينهم وتركيزك ع نفسك وتقبلك للواقع دا هيحسن من مدي تأثرك بكدا
تم النشر الأربعاء، ١٤ أغسطس ٢٠٢٤
فكك وعيش حياتك
تم النشر الأربعاء، ١٤ أغسطس ٢٠٢٤
ده انا كده مازوخيه وش 😂😂لا مش كاري معرفش اعمل كده طبعا ده انا كده ابقي مريضه وبعدين مش بيضربني دلوقتي بحكم سنه و بينكر انه كان بيضربنا اصلا وبعدين شبشب ايه بس الشبشب ده غلبان وبريء جمبه ده بتاع الامهات ، ده الليڤل بتاعه كان اعلي يلا ربنا يسامحه و يعيني على نفسي
تم النشر الثلاثاء، ١٣ أغسطس ٢٠٢٤
اهم تكون راضية عن اللي بتعمليه ومن ناحيه الضرب قولي لوبي اضرب زي ما انت عايز انت حبيبي قلبي وهو يبطل عن تجربة حتي لوسمحت انك تدليه الشبشب يضربك وهو غضب عنه هيحس انه مفتري وظالم
تم النشر الثلاثاء، ١٣ أغسطس ٢٠٢٤
فكك من اللي يزعلك
تم النشر الثلاثاء، ١٣ أغسطس ٢٠٢٤
لعرض السؤال في فدني اضغط هنا