السلام عليكم ورحمة الله وبركاته
محتاجة استشارة نفسية بعد اذنكم
في حالة كانت اجتماعية جدا وبتحب تتكلم وتسأل وتخرج وتكلم صحابها دلوقتي مبقتش تحب تقابل حد أو تخرج وتقعد معانا بالعافية وصعب جدا تروح كليتها بنوديها بالعافية الخروج بقى صعب جدا يعني
وبقت مهملة في كل حاجة في نفسها وفي دراستها ومذاكرتها
وساعات بتقول دماغها من ورا بتبقى منملة
وودناها عند كذا دكتور نفسي وكل واحد يقول تشخيص مختلف والعلاج اللي ماشية عليه اهو ليها اكتر من سنة ومش جايب نتيجة ومرجعتش لحالتها الطبيعية زي الاول
فده ممكن يكون عندها ايه فيدوني
وجزاكم الله خيرا
السلام عليكم ورحمة الله اهلا بيكي مفيش سلوك من غير سبب، و هنا هي كانت اجتماعيه و تخرج و فجأه بقت منعزله، إذا حدث شئ اما عضوي لغبطه في الهرمونات و أثرت عليها، لاما حدث شئ و مع تفسيرها للموقف بقي نفسي. تأكدي من الفحص الطبي علي الدماغ، و علي الغدد، و بعدين يجي الجزء النفسي الكلامي. لازم الاتنين يكونوا علي نفس الوتيره، الأدوية تعالج إذا كان موجود اي لخبطه في كيمياء المخ، و العلاج الكلامي يعالج الأفكار اللي بيكون ليها عامل كبير في هذا السلوك. و العلاج الكلامي أقل شئ يكون ٤٥ دقيقه علشان تقدر تستفاد و كمان الواجب المنزلي اللي بتاخده اسأليها بتعمله ولا لا، اسألي الأخصائي المتابع معاها هي بتساعده ولا لا؟ و المفروض تلاقي نتيجه، العلم مسابش حاجه ملهاش علاج المهم المتابعه المستمره. و الصبر و الصبر و الصبر، لأن مفيش حاجه بتتغير في يوم و ليله. و كونوا داعمين ليها، الدعم من الاسره بيفرق جدا معاها. تحياتي لكي.
تم النشر السبت، ٥ أبريل ٢٠٢٥
وعليكم السلام ورحمة الله وبركاته الافضل تروح لدكتور مخ واعصاب يتأكد انها عضويا مفيش سبب عصبى البنت غالبا فى حدث صادم حصل فى حياتها وهو اللى مأثر عليها بالشكل ده وهى ما اتكلمتش عنه ممكن يكون درجة امتحان او علاقة مع صحابها بمشكلة او حد احرجها او احبطها الاعراض اه اعراض اكتئاب بس مش علاجة الادوية بس
تم النشر الجمعة، ٤ أبريل ٢٠٢٥
عندها كام سنة؟ بتنجح في كليتها ولا لا الحالة دي بقالها فيها قد ايه كام شهر ولا كام سنة؟ التنميل بدأ قبل او بعد اخد الادوية؟ ولا كانت بتبقى زيارات لطبيب نفسية وعصبية ولا طبيب مخ واعصاب؟ كانت كل الجلسات في وجودكم ولا كان الدكتور بيقعد يتكلم معاها لوحدهم؟ كم مرة راحت لكل طبيب؟ الجلسة كانت كلامية ومناقشة ولا جلسة سريعة متكملش ال30 دقيقة؟ هل كانت في متابعة مع معالج نفسي/اخصائي نفسي؟ لمدة قد ايه؟ هل عملت اي تحاليل؟ تحاليل هرمونات وغدد و اشاعات على المخ؟ مش هقدر افيدك يكون عندها ايه غير بالكلام معاها هي شخصيا ومتابعتها فترة ، جلسة كل اسبوع ، لفترة متقلش عن 3 شهور متواصل بدون انقطاع ، وتزيد الفترة بحسب الحالة والاحتياج. اوقات العلاج الدوائي لوحده مبيكونش كفاية وبتحتاج معاه جلسات دعم نفسي بعلاج معرفي سلوكي او جدلي او غيرها من الادوات اللي بيختارها المعالج او الاخصائي بحسب حالة واحتياج العميل ..
تم النشر الجمعة، ٤ أبريل ٢٠٢٥
السلام عليكم ورحمه الله وبركاته وارد يكون نفس يا افندم ووارد ان يكون روحي بس عشان نفهم ان روحي عين حسد الحاجات دي يعني لازم اسئله كتير يعني لازم حاجات كتير تتسألها يعني زي إنها بتحسب تنميل في في كفوف ايديها او مثلا ثقل على اكتافها صداع مثلا نصفي بتحس بالقيء عاوزه ترجع يعني بتشوف أحلام ايه نوع الاحلام بتشوف خيالات كل ده الحاجات دي لو موجوده يبقى ده مش نفسي، يبقى ده تعب روحاني محتاج راقي كويس يمشي معها لأن كتير من الحالات دي بتكون يا إما نفسي حصل لها صدمة فأخدت الطريق ده يا إما شيء روحي فمحتاجة راقي فأعراض الروح اسأليها وشوفي بالنسبه لنفسي ممكن حد يرد نفسي يقول العوده النفسيه يعني لان هو ممكن حد يرد من الصفحه يعني او فدني يقول رد نفسيا فتسأليها يعني اعراض الروحيه يعني اسأليها هل عندها صداع وهل يعني كامل ولا نصفي هل في خنقه متواصله معاها هل بتبكي والسبب هل لما بتبكي ترتاح هل في مثلا ثقل على كتافها هل في احلام؟ هل في خيالات؟ هل في احساس بالقيء يعني كل دي اعراض روحيه مش نفسيه يعني حاجه بتحكي عليه يا اما نفسي يا اما روحي نفسي يعني روحي انا بذكر لك الاعراض اللي بتساليها لو لقيتي الاعراض دي فيها يبقى ده روحي مش نفسي يعني لو نفسي بقى يبقى حد ثاني يتكلم عن نفسي يعني من على فدني ممكن يفيد حضرتك يعني ان شاء الله باذن الله.
تم النشر الخميس، ٣ أبريل ٢٠٢٥
وعليكم السلام ورحمة الله وبركاته، أختي الكريمة. أفهم أن الحالة التي تمر بها صديقتك تؤثر على حياتها بشكل كبير، وهذا يمكن أن يكون مصدر قلق لكم جميعًا. من الواضح أن هناك تغيرًا كبيرًا في سلوكها ونمط حياتها، مما يستدعي اهتمامًا جادًا وحنانًا من الأهل والأصدقاء. قد تشير الأعراض التي تصفها، مثل الانسحاب الاجتماعي، والإهمال في المظهر والدراسة، والشعور بالخدر أو التنميل في الرأس، إلى وجود حالة نفسية تحتاج إلى تقييم دقيق. من الممكن أن تكون هذه الأعراض مرتبطة بحالات مثل الاكتئاب أو القلق النفسي، ولكن من الصعب تشخيص ذلك دون استشارة طبيب نفسي مؤهل يقوم بإجراء تقييم شامل. إذا كانت الأدوية والعلاج الذي تتبعه غير فعّال، فقد يكون من المفيد البحث عن متخصص نفسي معتمد يمكنه إجراء تقييم شامل. ربما تحتاج صديقتك إلى نوع مختلف من العلاج، مثل العلاج السلوكي المعرفي أو مجموعة دعم نفسية، والتي يمكن أن تكون أكثر فعالية في حالتها. من المهم أيضًا أن تُشَجَّعوها على التحدث عن مشاعرها والتعبير عن احتياجاتها، فقد يُساعد ذلك في تحسين وضعها. الدعم النفسي والاجتماعي يلعبان دورًا كبيرًا في التعافي. إن شاء الله، ستحصل على المساعدة اللازمة لتعود إلى حالتها الطبيعية. نسأل الله أن يرزقها الشفاء والعافية. دمتِ بخير.
تم النشر الخميس، ٣ أبريل ٢٠٢٥
دوري فى صندوق الصدمات حتى لو قليلة اكيد فى سبب حتى لو مش مهم حاجات من الاحباط حصل بسببها الاحباط دة والعزلة دوري فى كلام غير مقصود وجعك
تم النشر الجمعة، ٤ أبريل ٢٠٢٥
الحالة بحاجه الى طبيب
تم النشر السبت، ٥ أبريل ٢٠٢٥
لعرض السؤال في فدني اضغط هنا