عندها كام سنة؟ بتنجح في كليتها ولا لا الحالة دي بقالها فيها قد ايه كام شهر ولا كام سنة؟ التنميل بدأ قبل او بعد اخد الادوية؟ ولا كانت بتبقى زيارات لطبيب نفسية وعصبية ولا طبيب مخ واعصاب؟ كانت كل الجلسات في وجودكم ولا كان الدكتور بيقعد يتكلم معاها لوحدهم؟ كم مرة راحت لكل طبيب؟ الجلسة كانت كلامية ومناقشة ولا جلسة سريعة متكملش ال30 دقيقة؟ هل كانت في متابعة مع معالج نفسي/اخصائي نفسي؟ لمدة قد ايه؟ هل عملت اي تحاليل؟ تحاليل هرمونات وغدد و اشاعات على المخ؟ مش هقدر افيدك يكون عندها ايه غير بالكلام معاها هي شخصيا ومتابعتها فترة ، جلسة كل اسبوع ، لفترة متقلش عن 3 شهور متواصل بدون انقطاع ، وتزيد الفترة بحسب الحالة والاحتياج. اوقات العلاج الدوائي لوحده مبيكونش كفاية وبتحتاج معاه جلسات دعم نفسي بعلاج معرفي سلوكي او جدلي او غيرها من الادوات اللي بيختارها المعالج او الاخصائي بحسب حالة واحتياج العميل ..
تمام شكرا لحضرتك جدا جزاكِ الله كل خير يا رب
تم النشر الجمعة، ٤ أبريل ٢٠٢٥
مقدرش احدد غير لو سمعت منها ، وكمان انا مشوفتش تحاليلها، و اغلب اطباء النفسية بيكونو دارسين اعصاب كمان ، لو كانو شافو انها محتاجة تتحول لتخصص مخ واعصاب كانو قالو
تم النشر الجمعة، ٤ أبريل ٢٠٢٥
طيب هو كده التنميل والطقطقة اللي في دماغها دي كده محتاجة دكتور مخ واعصاب بردوا ولا هو النفسي بس
تم النشر الجمعة، ٤ أبريل ٢٠٢٥
تمام
تم النشر الجمعة، ٤ أبريل ٢٠٢٥
10 دقايق للكلام في وجود ماما ، مش كافي خالص انها تتكلم عشان نعرف سبب الاعراض .. اكيد الطبيب النفسي بيكون عنده خبرة كويسة يشخص بيها ، واداها علاج بناء على تشخيصه ، لكن هي محتاجة كمان علاج بالكلام ، جلسات 40 دقيقة على الاقل ، وتكون لوحدها (يفضل تروح لمعالج او اخصائي سيدة مش راجل) ، اخصائية او معالجة شاطرة تقدر تتكلم معاها وتساعدها تتحسن ، لان ممكن الدوا يجيب نتيجة بس محتاج فترة طويلة .. في اساليب علاجية تانية غير الدوا ممكن تساعدها جنب الدوا بامر الله
تم النشر الجمعة، ٤ أبريل ٢٠٢٥
هو دكتور نفسي اللي بتابع معاه
تم النشر الجمعة، ٤ أبريل ٢٠٢٥
والتنميل والطقطقة في دماغها من قبل ما تروح عند اي دكتور او تبدأ تاخد العلاج وعملت تحليل غدة وفيتامينات وتمام الحمد لله واما بتروح عند الدكتور مش بيكمل ١٠ دقائق في الكلام معاهم وماما بتكون موجودة وأما نسأله عندها ايه يقول شوية اكتئاب وأما تروحله تاني تقوله مفيش تحسن يقولها معلش ويقرر العلاج هو هو وأوقات يزود الجرعات
تم النشر الجمعة، ٤ أبريل ٢٠٢٥
ومبقتش تقعد مع أي ضيف أما يجيلنا وتنزل تسلم عليهم بالعافية رغم أنها كانت هي اللي بتسال عنهم
تم النشر الجمعة، ٤ أبريل ٢٠٢٥
بقالها كده من سنتين من اول ما بدأت تالتة ثانوي كانت كل ما تمسك الكتاب تنام ومستواها قل جدا وانعزلت عنا حتى وقت الامتحانات مكنتش بتذاكر بس الحمد لله نجحت وعدت ودخلت الكلية اللي جاتلها نفس الحاجة بردوا لا بتذاكر ولا بتحب تقعد معانا زي الاول ونزلت في مادة في الترم الاول
تم النشر الجمعة، ٤ أبريل ٢٠٢٥
لعرض الإجابة في فدني اضغط هنا