ازي اكون عندي ثقه بالنفس مقولش علي نفسي اني فاشل وديما بحكم نفسي وبحاسها أنها فاشله ومش بتعرف تعمل حاجه نتيجه اني كل بسعي لحاجه ويجتهد مش بتظبط وعندي غير ثقه في شكلي ولا جسمي ولاي حاجه
ليه تقول على نفسك فاشل؟ الفاشل أصلا مابيسعاش يغير من نفسه بيخليه واقف مكانه، لكن انت بتحاول وبتسعى وكتبت وسألت الناس عشان تعدل من نفسك ، فانت بتحاول واللي بيحاول يبقى ناجح انت لازم ترضى عن نفسك الأول عشان تثق في نفسك، طالما مش راضي عن نفسك وعن جسمك يبقى عمرك ماهتثق في نفسك. أنا مش هقولك كلام دعم على الفاضي انا هقولك ازاي تغير من نفسك وترضى عنها عشان تثق فيها.. أول حاجة انت قولت انك فاشل، انا هكون صريحة معاك.. انت مش فاشل؛ مفيش فاشل بيحاول، اللي بيحاول دايما هو الناجح ومش لازم ينجح من أول مرة، هو مابيستسلمش لفكرة الفشل وبيخليه يحاول عشان ينجح أنا برده كل اما احاول اعمل حاجة مش بتظبط وبافضل اعملها الف مرة عشان تظبط وارضى عن نفسي مفيش حد فينا بتظبط معاه من اول مرة، فدا مش فشل دا اسمه جهاد وصبر وربنا بيدينا عليه حسنات شكلك، هل انت ليك دخل في شكلك؟ هل انت خلقت مناخيرك او عينك او ايدك كدا؟ يبقى مالكش دعوة بشكلك واللي هيتكلم عن شكلك يبقى جاهل ومش عارف حاجة لا في العلم ولا الدين ومش متربي وبيحاول يقلل منك وخلاص لإنه مش متربي، فكإنه مش موجود قوله على صوتك عشان مش شايفك جسمك، من حيث ايه؟ عضلات مثلا؟ عادي انت مش بطل كمال أجسام لو مصمم اوي نزل برنامج وفي خلال شهر هتبني عضلات وانا دارسة الكلام دا وعارفة بقولك ايه. رفيع اوي مثلا؟ برده مش مشكلة عادي حلو برده واللي بيحكم بالشكل جاهل فدا أقل من مستواك ماتحطوش في بالك، بس لو نحافة مفرطة روح لدكتور عشان صحتك. وزنك زايد مثلا؟ برده لغاية ٥ كيلو زيادة مش مشكلة اما لو اكتر روح لدكتور برده عشان صحتك وظبط من اكلك؛ النبي صلى الله عليه وسلم كان فيه حديث ليه بس انا مش فاكراه لو عاوزه قولي وهدورلك عليه المهم كان بيقول فيه ان كفاية ناكل لقيمات بس عشان نقدر نعمل شغل يومنا مش أكتر ولو جعانين اوي فثلث لطعامنا وثلث للشرب وثلث للنفس، فدي من السنة النبوية آخر حاجة لو مش راضى عن نفسك اعرف مش راضي عن نفسك ليه؟ بتعمل حاجة غلط؟ بطلها. مش بتصلي؟ صلي. مش قادر؟ حاول. بتزعل أهلك؟ ماتزعلهمش. المهم شوف انت مش راضي عن نفسك ليه وصلحه وصدقني لما ترضى عن نفسك مش هيهمك اي حاجة تانية لا الناس ولا كلامهم، وأقرأ قرآن لو صفحة واحدة كل يوم عشان رينا يكون معاك، وهاتلك كتاب اقرأ فيه عشان تثقف نفسك وتشوف العالم وتطور من نفسك واذكر ربنا كتير جدا دي نصيحة عن تجرية
تم النشر الاثنين، ١٠ يونيو ٢٠٢٤
السلام عليكم ورحمه الله اهلا بيك لا تلوم نفسك كثيرا ، فما هو الفشل بالنسبه لك ؟ هل من موقف أو اتنين أو تلاته تحكم علي نفسك بالفشل ؟؟ كل خطوه غير مكتملة هي خبره ليك هتساعدك في أمر تاني ، زي مقوله محدش بيحاول و بيجيب صفر. الاهم أن انت تشوف الغلط فين و تبدأ تصلحه ، و هي دي الدنيا بنتعلم من الأخطاء، محدش فينا معصوم من الخطأ غير الانبياء و احنا بشر عاديين ف طبيعي نغلط. و الثقه بتيجي لما بتعرف حقوقك المشروعه و تدافع عنها و ترفض كل ما هو غير مشروع ، من هنا هتتولد عندك تقدير الذات. و كمان لعب الرياضه بيساعد في تحسين تقدير الذات و رؤيتك لنفسك. و شكلك و جسمك بإيديك تبقي جسم رياضي و الشكل المظهر مبيفرقش ١٠٠٪ علي اد الاخلاق و العلم و اسلوبك هو دا مصدر الجاذبيه الحقيقيه. تحياتي لك 💐
تم النشر الاثنين، ١٠ يونيو ٢٠٢٤
تعرف على صديق صالح هيشجعك وهيختصر عليك حاجات كتير جدا, وحاول تبدأ تتعلم رياضة، وحبذا لو كانت رياضة قتالية، وطبعا الدعاء الدعاء الدعاء
تم النشر الاثنين، ١٠ يونيو ٢٠٢٤
تم النشر الاثنين، ١٠ يونيو ٢٠٢٤
طيب يا صديقي، خليني أبدأ بأقولك إن أول خطوة علشان تبدأ تبني ثقتك في نفسك هي إنك تعترف إن مفيش حد في الدنيا كلها مثالي. كلنا بنغلط وكلنا بنتعلم من غلطاتنا. مش لازم تكون الحاجة اللي بتعملها مظبوطة من أول مرة. تعرف على نقاط قوتك : اكتب في ورقة الحاجات اللي بتحبها في نفسك والحاجات اللي بتعتبرها نقاط قوة. دي هتساعدك تتذكر إنك عندك صفات إيجابية كتير. اهتم بنفسك : حاول تهتم بصحتك الجسدية والعقلية. العب رياضة، كل أكل صحي، وحاول ترتاح وتنام كويس. ده هيخليك تحس إنك أقوى. حدد أهداف صغيرة : حط أهداف صغيرة ويمكنك تحققها كل يوم. كل ما تحقق هدف صغير، ثق بنفسك هتزيد شوية بشوية. تعلم من الفشل : الفشل ده جزء من النجاح. فكر فيه كدرس مش نهاية العالم. اسأل نفسك إيه اللي ممكن تتعلمه وتطبقه في المرة الجاية. ابتعد عن المقارنة : بلاش تقارن نفسك بالآخرين. كل واحد ليه رحلته وظروفه. عبر عن نفسك بإيجابية : حاول تتكلم عن نفسك بإيجابية. لما تلاقي نفسك بتحبط نفسك بكلام سلبي، اشتغل على تغيير ده لكلام إيجابي. اطلب الدعم : لو حاسس إنك محتاج حد يساعدك تتخطى أفكارك السلبية، ما تترددش تطلب دعم من أصدقاء موثوق فيهم أو مستشار نفسي. افتكر إن الثقة بالنفس مش بتيجي في يوم وليلة، دي حاجة بنبنيها بشوية صبر ومجهود. أنا مؤمنة إنك قادر تحققها، ودي حاجة هتغير حياتك للأفضل. 💪🌟
تم النشر الاثنين، ١٠ يونيو ٢٠٢٤
لعرض السؤال في فدني اضغط هنا