مشكلتي اني انسان انطوائي جدا وعاطفي جدا يعني ممكن اشوف مشهد في انمي أو مسلسل دراما دموعي تنزل كنت بحب قربتي من وهي طفله وهي متعرفش وفضل حبي ليها معلق لغايه ما بقى عندي 30سنه بس متقدمتش ليها وكان بيجلها عرسان كتير واتخطبت سنه وكنت بتعذب والحمد لله فشكلت
السبب اني متقدمتش اني مكنتش بشتغل وكانت اموري مش مستقره خالص لكن تفكيري فيها كان قوي جدا لدرجه اني ابص بصورتها واحضنها والحمد لله اشتغلت واستقريت ورحت اتقدملها اتصدمت من رد فعلها وأنها رفضتني بطريقه صعبه وكل ما اكلمها عن مشاعري تقولي مش حاسه من ناحيتك بحاجه وكل شيء قسمه ونصيب ومش عارف أتخطى الموضوع كلمتها كتير كل يوم إنها تديني فرصه
وكلت خالتي واتحايلت عليها قالت لي انا مليش ذنب وهي اللي رافضه وانا حاليا ولا باكل وبشرب ومش عارف اشتغل وحالتي النفسيه وحشه ومش شايف غيرها حاجه كده زي الافلام بس هي دي الحقيقه الفراق مش قادر عليه نفسي قولتلها ممكن استناكي سنين رفضت بردو
و اتعتقد ان الذي خلقها لم يخلق غيرها؟! اعلم شعورك بأنها ربما خذلتك لكن فكر معي اذا وجدت شخص لا تحبه لكن هو يحبك هل ستقوم بقبول الزواج منه بالطبع لا يجب ان تحترم انها كانت صريحه معك من البدايه، فهي ليست من نصيبك ولكن الله سبحانه وتعالى يكتب لك رزقك انتظره وتقبل امرك لربما يوجد خير في رفضها لك لا يمكنك رؤيته، رزقك الله الزوجة الصالحه والذرية الصالحه واعطاك خير الدنيا..
تم النشر الأحد، ٢٦ يناير ٢٠٢٥
السلام عليكم ورحمه الله وبركاته. مش مشكله انك تكون انسان عاطفي ولكن المشكله لما اكون مخلي العاطفه بتاعتي ممشياني بدون ما يكون في جزء عقلاني وهو ده سبب اللي حصل معاك انت قعدت سنين عمرك كلها. مع في القبول بتاع الزوج انتوا قرايب او انت شايفاك شخص محترم وكل حاجه لكن مش موجود بالدرجه بتاعه انك تكون زوجها فاا.لق حياتك على نقطه عاطفيه من غير ما تحط الاسباب العقلانيه في بالك انك وارد جدا كان ممكن خطوبه من اللي هي اتخطبتهم كانت تكمل وكانت تتجوز طب انت كنت هتعمل ايه في الجزء العاطفي اللي انت كنت ماشي بيه كان في احتمال ان انت اتصدمت منه واتصدمت منه لانك ما كنتش عامل حسابه لانه ما كانش في جزء عقلاني انت سامعه خالص انه هي ممكن ترفض ان هي ممكن ما تكونش عندها نفس الاحاسيس اللي عندك خالص حتى لو امورك مستقره لانه الموضوع موضوع قبول واحنا ما نقدرش نقول ان هي عندها مشكله في حاجه. هي مش شايفه انك بالنسبه لها. النقطه دي هي هنا المشكله واحنا بنحتاج ان احنا ندرب نفسنا ان احنا نعمل توازن ما بين العاطفه وما بين العقل يعني لو انا بتفرج على مشهد في فيلم مفيش مشكله لو انا تاثرت بالمشهد في لحظتها ونزلت مني دموع هنا تمام لحد دلوقتي انا عارف وانا بتفرج انه دافل انا عارف وانا بتفرج ان ده تمثيل انا عارف ان ده شيء مؤلف لكن لو بدا المشهد ده يدخل جوه عقلي وابني عليه مثلا مبادئي او ابني عليه طريقتي في التعامل مع الناس. ده هيبقى هنا مفيش توازن وانا كده ما شغلتش الجزء العقلاني وعملت غلطه ما ينفعش انها تتكرر ثاني. هنرجع كده نعمل التوازن لان كل حاجه نحس بيها عاطفيا نبدا نحط لها جزء عقلاني قدامها وده مهم جدا جدا جدا عشان تحل المشكله اللي عندك دي وما تتعرضش لصدمات تانيه في حياتك.
تم النشر الجمعة، ٢٤ يناير ٢٠٢٥
أخي العزيز، أشعر بمدى الألم الذي تعاني منه بسبب هذه المشاعر العميقة التي تواجهها. الحب من طرف واحد يمكن أن يكون تجربة مؤلمة وصعبة، ويبدو أنك قد أعطيت نفسك الكثير من الأمل، لكن من المهم أن ندرك أن الحياة ليست كلها كما نتمنى. أولاً، أود أن أذكرك أن التقدّم في الحياة يعتمد على تحسين نفسك وعلى رفاهيتك الشخصية. على الرغم من أن رفضها كان صعباً، إلا أن هناك العديد من الفرص في الحياة لا تزال أمامك. التركيز على نفسك، سواء من حيث العمل أو تطوير مهارات جديدة أو الانخراط في الأنشطة الاجتماعية، يمكن أن يكون له تأثير إيجابي كبير على صحتك النفسية. تعلم أن تعبر عن مشاعرك بطرق صحية، مثل الكتابة في يومياتك أو مناقشة مشاعرك مع أصدقائك أو أفراد عائلتك الذين تثق بهم، يمكن أن يساعد في تخفيف العبء النفسي. كما أن ممارسة الأنشطة التي تستمتع بها، حتى وإن كانت صغيرة، يمكن أن تساعدك في التغلب على الأوقات الصعبة. تذكر أن الله سبحانه وتعالى لديه خطة لكل واحد منا، وفهم أن القبول والرفض هما جزء من الحياة يمكن أن يساعدك على المضي قدماً. الدعاء والتقرب إلى الله سبحانه وتعالى أيضاً قد يمنحك السكينة التي تحتاجها في هذه الأوقات الصعبة. في حالة استمرار مشاعرك السلبية وتدهور حالتك النفسية، قد يكون من المفيد استشارة متخصص نفسي يساعدك على التعامل مع مشاعرك بطريقة صحية. أتمنى لك كل الخير والتوفيق في تجاوز هذه المرحلة من حياتك.
تم النشر الجمعة، ٢٤ يناير ٢٠٢٥
لا عمري ما فكرت فيها زاي اختي شايفها نصي التاني انا نفسي احاول تاني معاها يمكن يحصل نصيب
تم النشر الجمعة، ٣١ يناير ٢٠٢٥
طيب مفكرتش حبك ده مش اللي هو حب الزواج وأن حبك لها كأخ وأخته الصغرى التي ظلت تكبر أمام عينيه وكنت دائمآ داعما لها. هنا هي تحبك من هذا المنظور لا تكن أنانيا هنا وعاملها بالمثل واعلم أن الخير بيد الله فكما أصبحت الآن تعمل وتجتهد أكثر بعد أن كنت عاطلا فالله تعالى واسع الرزق سيرزقك بمن تحبك وتكون لك خير زوجة 💛🤲
تم النشر الجمعة، ٢٤ يناير ٢٠٢٥
لعرض السؤال في فدني اضغط هنا