انا في تالته ثانوي واعصابي تعبانه وبغير مدرسين كتير ومعتش عارفه أذاكر ومجهودي بقى قليل وبقينا في شهر ١١ وبقالي تلت شهور بعاني وبخرج من مشكله يحصلي ليا مشكله تانيه وكرهت النصايح وزهقت ومن كتر ما اتفرجت علي نصايح بقيت بكره اسمع اي حاجه ومعتش غير لما اعد علي الكتاب غير اتوتر واعد ومعرفش ازاكر بردو
أنتِ بس موترة نفسك بزيادة وشايلة هم الثانوية العامة على ظهرك بطريقة تسببت في حالة شبيهة بالاحتراق النفسي فبقيتِ مش حابة تسمعي أي نصائح أو تفتحي كتاب. اللي لازم تعرفيه وتحطيه في دماغك وتصدقيه عشان تخرجي من الدائرة دي إن الثانوية العامة مش نهاية العالم ومش هي اللي هتحدد مصيرك. أيوه، هي بتحدد هتدخلي كلية إيه وناس كتير ملحقتش الكليات اللي كان نفسها فيها لكن ده مش معناه إن خلاص حياتهم انتهت بعد نتيجة الثانوية. الثانوية مجرد محطة في رحلة طويلة في حياة ربنا يعطيك طول العمر في طاعته إن شاء الله... فمش معقول عشان مجرد محطة أدمر باقي محطات حياتي. ابعدي شوية عن الجو ده... انسي خالص إن أنتِ في ثانوية وامتحانات وملكيش دعوة بأي كلام يتقال. ضروري جدًا تاخدي الفاصل ده وإلا مش هتقدري تكملي فعلًا. ابعدي الكتب وأي حاجة تفكرك بالدراسة واقعدي في مكان هادي وهاتي ورقة وقلم وسجلي كل الحاجات الحلوة اللي بتفرحك. لو عندك هواية بتحبيها زي الرسم أو الكروشيه أو القراءة أو الطبخ أو أي حاجة بتسعدك وبتفرغ طاقتك السلبية اكتبيها. مارسي الهواية دي وصفي ذهنك وغيري مودك ولما ترجعي ابدأي بعقلية مختلفة. ابدأي وأنتِ مدركة كويس قوي إن الثانوية مش نهاية العالم وإنك هتعملي اللي عليكِ في المحطة دي ومهما كانت النتيجة ومهما كان المكان اللي المحطة دي هتنزلك فيه فأنتِ في إيدك تخلي المحطة الجاية وكل محطة في رحلتك الطويلة ناجحة ومثمرة إن شاء الله. ونصيحة أخيرة، مهما حاول الأهل أو المدرسين الضغط عليكِ أو إنهم يحسسوكِ بالذنب ركزي على نفسك وعلى الطريقة اللي هتنجحي فيها لنفسك مش عشان تطلعات الغير أو ظنونهم فيكِ. بالتوفيق.
تم النشر الخميس، ٧ نوفمبر ٢٠٢٤
اختي العزيزه متقلقش من الثانويه لانك لو قلتي من الامتحانات هتتعبي وهتاثري علي صحتك حكايه تغير المدرسين وبيكون احباط انك مش عارفه تفهمي الشرح بس ممكن تكون نفسيتك اهلك صحابك شخص مزعلك ومتقلقش من نهايه الوقت ياحبيبتي لازم تشغلي قران وتغير روتينك غير من نفسك غير ادواتك حاولي تكوني متفائله ومفيش اكتئاب مش كل مره بيكون الشخص حزين او بينسي كتير هو يكون عنده اكتئاب لاء وكمان ياحبيبتي انتي بنت ويكون في تغيرات هرمونيه متخليش حد يزعلك أو يخليكي تنزلي دمعه لانك في الفترات دي النفسية مش كويسه فحفظي علي نفسك واهتمي بصحتك بالتوفيق يا دكتوره
تم النشر الخميس، ٧ نوفمبر ٢٠٢٤
بالنسبة للثانوية العامه ..أنا نقدر كمية الضغظ وتأثير المشاكل بيبقي للضعف علي نفسيتك .. لكن أنا أقترح عليكي أنا تاخدي راحه انهارده وبكره مثلا من كل حاجه وتعملي اي حاجه تفصلي بيها تكوني بتحبها .. بالنسبة للمدرسين .. انصحك بانك تبداي تستقري مع مدرس لكل مادة وتتجنبي كثرة الدروس وده هيفيدك جدا ... تاني حاجه صدقيني انصحك بانك تصحي بدري ع قدر ما تقدر وتقضي لنفسك مساحه بين اول حصه وبين ميعاد صحيانك .. وهتقدرى تشتغلي الفتره دى بشكل كويس هيساعدك لان الكل هيبقي نايم وهتبقي ف صفاء ذهني بعيد عن دوشة اليوم وده هيساعدك جدا واحسن ليكي من السهر .. وفكره أنه بتزهقيوالقاعده والكتاب .. ساعتها هتبقي صاحيه مخصوص للمذاكرة فهتنبقي نشيطة جدا ..وتقدر تفكرى فطار بسيط وتصلي الصبح وتبداي وربنا يعينك ويوفقك ..جربيها مش هتندمي ممكن تبقي فيها صعوبة اول كام يوم بس لكن بعد اول اسبوع صدقيني هتتفاجئي من نفسك
تم النشر الأربعاء، ٦ نوفمبر ٢٠٢٤
عزيزتي، أنا آسفة جدًا لسماع ما تمرين به. في هذه المرحلة، من المهم أن تدركي أن مشاعر الضغوط والقلق أمر طبيعي يمر به العديد من الطلاب، خصوصًا في مرحلة الثانوية العامة. إليك بعض الخطوات التي يمكن أن تساعدك: تحديد الأولويات : حاولي ترتيب المواضيع التي تحتاجين إلى مراجعتها حسب أهميتها وموعد امتحاناتها. التركيز على الموضوعات الأكثر أهمية في الوقت الحالي قد يساعدك على استعادة الثقة. وضع جدول زمني : من المهم أن يكون لديك جدول زمني محدد للمذاكرة. خصصي وقتًا محددًا لكل مادة، واعملي على الالتزام به. هذا يمكن أن يجعلك تشعرين بالنظام أكثر. التقليل من الضغوط : حاولي تقليل الأمور التي تسبب لك التوتر. إذا شعرتِ أن مشاهدة النصائح أصبحت مرهقة، فمن الممكن أن تبتعدي عنها لبعض الوقت. التواصل مع الآخرين : إذا كنت تعانين من مشكلة معينة في الدراسة، لا تترددي في طلب المساعدة من أصدقائك أو معلميك. أحيانًا، الحديث عن مشاعرك ومشاكلك يمكن أن يسهل عليك الأمور. التوازن : لا تنسي أهمية الراحة والاعتناء بنفسك. من الضروري منح نفسك فترات قصيرة من الراحة أثناء الدراسة. استشارة مختص : إذا استمرت مشاعر القلق والاكتئاب، قد يكون من المفيد استشارة مختص نفسي يساعدك في التعامل مع هذه المشاعر. تذكري أن هذه المشاعر ليست دائمة، وأن العمل على تحسينها خطوة بخطوة يمكن أن يؤدي إلى نتائج إيجابية في النهاية. أنا هنا لدعمك.
تم النشر الثلاثاء، ٥ نوفمبر ٢٠٢٤
كنت زيك السنة اللي فاتت و بكلمك وانا لسه فيها ، التوتر ده كله مش هينفعك في الآخر و الوقت بيعدي بسرعة جدا ف ابداي او كملي و حاولي تقربي من ربنا اكتر و ادعي كتير
تم النشر الأربعاء، ٦ نوفمبر ٢٠٢٤
لعرض السؤال في فدني اضغط هنا