بقالي سنه مرتبطه بشخص ومش بيقدملي اي دعم
ومش بيفهمني بس انا للاسف بحبه ومش عارفه اسيبه حاولت كذا مره اني ابعد بس مش بعرف وبرجعلوا تاني انا حاليا تعبانه نفسيا لاني ولا عارفه ابعد ولا عارفه اكمل واهلي مش بيساعدوني لما ببعد بيضغطوا عليا بطريقه وحشه بيقولولي انتي كبيره"٢٣" ومحدش هيجيلك تاني وبيفضلوا يقولوا كلام بيأذيني .. احنا هنتخطب الشهر الجاي فهل ممكن يكون هيتغير بعدين!
لسه شايف السؤال ده دلوقتي ومعرفش طبيعت حياتك عامله ازاي ومنعرفش بعض حته لكن يابنت الناس من وجهت نظرك انتي الراجل ده هيعيشك زي ماكنتي عايشه ف بيت اهلك ولا هيبهدلك وبعدين حضرتك الجواز مش بالسن أصغر منك ومتجوزين واكبر منك ولسه متجوزوش ف حضرتك يعني لو متأثره او مأذيه ف العلاقه دي يبقى بلاه وجع دماغ اصل الى هتعيشه دلوقتي هيفضل كدا بقيت حياتك وبردو انا معرفش طبيعت الراجل الي معاكي ايه لكن ده طبع لو مش هيقدر انه يفرحك حتى يبقى سكت السلامه وده نصيب وممكن نصيبك يبقى مع حد تاني ويمكن يكون ده نصيبك والله اعلم لكن شوفو هو بيحترمك ولا قليل الادب مهو لو كدا ف المستقبل البعيد هيتماده ف الموضوع مهو اصل انتي اتعودتي بقى وهو هيتعود بردو ان طبيعي ان يزعق يتخانق وخليكي عارفه بردو ان الزوجه ماموره بطاعه زوجه ف لو فيها بهدله يابنت الناس انتي يعني مش معلقين ليكي حبل المشنقه عشان تبقى متطره على جوازه هتخدي فيها تابيده وبردو عشان متتسرعيش تقعدين معاه مره واتنين واديله فرصه مره واتنين وتتكلمي معاه ولو ليكي الموضوع بيبوظ ومفيش منه أي ايجابيه ليكي او احترام ابدا اتشرطي عليه ده يحصل وده ميحصلش لو عايز يكمل هو يستحمل ولو كده لوحده هيتوكل على الله وسعته بقى هتقولي لأهلك هو الي مشي اعمل اي يعني اتمنى تستفادي م الكلام ده لو 10 ف الميه حتى وربنا يوفقكم لو ليكم خير ف بعض (خلي في شويه من الي الأحمر شويه) مايمكن يكون هو الي عايز يخلع ومش عارف وممكن بردو يكون ابن اصل وعايزك ف الحلال والله اعلم وبعدين عادي لو عيزاه هو بالتحديد انتو البنات ليكم طرق كتتير تخليه هو الي يجري وراكي وكله بالطريقه يا حلوه
تم النشر الثلاثاء، ٢٨ فبراير ٢٠٢٣
سنة نقدر نقول عليها كافية انك تقدري تحكمي على العلاقة اللي انتي فيها اذا كانت هتكمل ولا لا اولا انتي صغيرة جدا .. متسمعيش كلام غير اللي نفسك واللي مقتنعة بيه. ثانيا اديني عقلك .. واحدة عندها 23 سنة كبيرة ازاي؟ الخطوبة اتعملت علشان تعرفي هل الشخص ده مناسب وينفع تتجوزيه ولا لا. وبعدين هو قعد سنة بشخصيته ديه وطبعا كده طول عمره ... هتغيريه ازاي بعدين؟ محدش بيقدر يغير حد. الحب مش كل حاجة علشان الحب هيقل بعد كده لو مفيش دعم للحب ده. يعني ايه؟ الجواز مش محتاج حب فقط علشان تكوني راضية عن العلاقة اللي انتي فيها .. فيه حاجات كتير اهم من الحب، فيه تفاهم، فيه احترام، فيه تقدير ... فيه حاجات كتيرة جدا اهم من الحب. لانك لو بقيتي معاه في بيت واحد ازاي هتتفاهمي معاه؟ ازاي هيقدر ويفهم احتياجاتك؟ هل هيفهم بالحب؟ اكيد لا الحب وحده لا يكفي لازم علشان تكوني في علاقة ناجحة تقيسي كل حاجة من كل الجوانب .. لازم العقل والقلب يكونوا على وافق مع بعض هتتعبي شوية في بعدك عنه ...بس على ما اعتقد تتعبي دلوقت مرة .. احسن ما تتعبي بعد ما تتجوزيه عشر مرات ولا ايه رأيك؟ فكري جيدا.. اتمنى ليكي كل التوفيق
تم النشر الخميس، ٢ فبراير ٢٠٢٣
مش كل الصفات ينفع تتغير ومحدش بيتغير فالصفات الاساسيه والمهمه جايز تفكيره يتغير ويبدا يتعامل بطريقه افضل بس دا مش فكله حته التعلق دا طبيعي بس نفسيا اهم من اي شي لما تتعبي نفسيا مش هتبصي لكل دا فكري ثم فكري فعيوبه قبل مميزاته هل متقبلاها عالوضع دا ولا لا دا الي هيكمل معاك عمر وحياه فكك من كلام اهلك انتي حره فقرارك بس تدافعي عنه عشان متندميش بعدين صلي وادعي ربنا يرشدك وهتعرفي تقيمي العلاقه كويس وكل شي هيبان قدامك تكملي ولا لا
تم النشر الأربعاء، ١ فبراير ٢٠٢٣
ممكن يكون دى حاجة هو معندوش بيها وعى كافى ...انتظرى الخطوبة واتعاملى بشكل اقرب و قيمى المميزات والعيوب كويس .. لان محدش فيه كل حاجة. طبعا فكرة انه يكون هيتغير دى متعمليش حسابك عليها ...لانك لما توافقى تكملى باعتبار الشخصية الحالية فقط.
تم النشر الأربعاء، ١ فبراير ٢٠٢٣
بصي انتي صغيره جدا بس ركزي كده ع احتياجاتك من اي علاقه انتي محتاجه من العلاقه ايه حب اهتمام احتواء مسانده ودعم وتقدير مثلا ف لو مش لاقياهم هتكملي ازاي ف علاقه وممكن ميكنش مش قادره تبعدي عنه عشان بتحبيه قوي بقدر منتي متعوده ع وجوده بس ف حياتك ف صلي استخاره وادعي ربنا كتير واتكلمي معاه ف احتياجاتك من العلاقه لو متغيرش حاجه معاه منصحكيش ابدا تكملي مهما كان عمرك
تم النشر الأربعاء، ١ فبراير ٢٠٢٣
لعرض السؤال في فدني اضغط هنا