ازاي معيطش وازعل من اقل حاجه انا اتعايرت بعياطي وان دا الحاجه الوحيده اللي بعملها لما حد يزعلني مش قادره اتخطي ان الشخص الوحيد اللي حبيته وبينتلو ضعفي وعيطت قدامه يعايرني ويقولي كدا واهون عليه بالدرجه دي
اتعلمى تعبرى بطرق اخرى انتى دلوقتى معندكيش غير العياط تعبرى بيه عن كل حاجة وكل المشاعر اللى جواكى . لكن تقدرى تعبرى وتتعودى على انك تتكلمى او تنفعلى او تغضبي او تسكتى او تواجهى او تمشي . ومتسمحيش لا بنى ادم انه يعايرك ..لان العياط مش عيب ولا عله ...واللى يقولك انتى ع طول بتعيطى ...قوليله ع الاقل انا حقيقية مش سوسة وده مش حاجة تعيبنى .
تم النشر الأربعاء، ٢٤ مايو ٢٠٢٣
الشخص اللي يقولك مينفعش تعيطي ده (فاقد لأي مشاعر انسانية) هو مين قال ان العياط ده غلط او مينفعش ..! بالعكس عيطي وخرجي كل اللي جواكي .. يستحسن تعملي ده لوحدك .. متحاوليش تبيني ضعفك قدام حد، علشان اللي حصل ده ميحصلش تاني .. وعموما كويس اللي حصل ده حصل .. ده يخليكي ترجعي تفكري في علاقتك بالشخص ده هل فعلا تستاهل ولا لا انها تكمل.
تم النشر الاثنين، ٢٢ مايو ٢٠٢٣
فيه كتاب أسمه فن اللامبالاه لو قرأتيه ممكن تعالجي الموضوع دا ولما تكوني هتعيطي ارفعي لسانك لسقف حلقك وبصي ف حتة تانيه هتلاقي نفسك مش عايزه تعيطي
تم النشر الاثنين، ٢٢ مايو ٢٠٢٣
العياط مش حاجه وحشه اطلاقا ولا حاجه تعيبك ولا هو ضعف ولا قلت حيله ده طريقه الجسم بيخرج بيها المشاعر السلبية كل اللى هقولهولك اختارى الناس اللى تعيطي قدمهم عيطى قدام اللى متعشمه في اهلك صحابك اللى واثقه أنهم هيطبطبوا هيخدوكي فى حضنهم هيوسوكي بكلام حتي واى حد يعمل غير كده مش يستاهل تعيطي قدامها ومش هقولك مش تعرفي اللى دمعتك تهون عليه لا بس حدديلوا قيمه عندك ومش يعلي عنها احنا اللى بنحدد قيمه الناس عندنا مش هما وبالنسبة أنه عايرك احب اعرفك وعن ثقه أن الشخص ده غلط فى حققك جامد وحاسس بتأنيب الضمير فيحول يقنع نفسه انك مش عملك حاجه وان العيب فيكي وانك اللى حساسه واللى بتعيطي على طول عشان يداري على الحساس اللى جواه ده والله اعلم
تم النشر الثلاثاء، ٦ يونيو ٢٠٢٣
ولا اكن حاجه حصلت ولا اكنو دخل حياتك اصلا عادي عيشي حياتك انزلي واخرجي اصل مش كل الناس كويسه لازم تقبلي الحلو والوحش ولما تقبلي الوحش هيبقي قدامك حاجه من الاتنين ياما تتعلمي من الحصل وتكملي حياتك وتبقي احسن ياما تفضلي واقفه بتعيطي عليه وتفكري فيه
تم النشر الاثنين، ٢٢ مايو ٢٠٢٣
ولو مفيش بابا وماما والشخص دا كنت فكراه سندي بعدهم ومتخيلتش كل دا منه واني اهون للدرجه دي
تم النشر الاثنين، ٢٢ مايو ٢٠٢٣
كل الناس بتعيط اه في ناس مش بتبين ده بس مفيش انسان مبيعيطش بس هي الفكره ان الصح منبينش ضعفنا قدام اي حد حتي لو مين طلاما مش بابا او ماما او اخواتنا لان هما بس العمرهم مهيقولولك ان انتي بتعيطي كتير
تم النشر الاثنين، ٢٢ مايو ٢٠٢٣
لعرض السؤال في فدني اضغط هنا