مفروض اننا تيم في مشروع التخرج بس كل حاجة بتتم في سرية و انا بكره كده بس باقي الناس متأقلمين و عادي جدا كل حاجة علي الجروب عبارة عن أوامر و بس و بما ان المشروع كبير جدا انا معرفش غير جزئي حرفيا لان مفيش وقت كمان افهم جزء اللي حواليا و هما مبيقولوش كل حاجة بتتم من تحت لتحت
حاولت افهمهم الدنيا و بردو مفيش تعاون اللي مضايقني أكتر اني الوحيدة اللي بتخش تتعامل و تتكلم و مبتسكتش علي الموضوع و الباقي فاكرها حشرية و فضول و ده مشروع تخرج و انا اللي هتدبس فيه يعني ابسط مثال جابوا jetson nano غالية من بره و التيم ليدر قال انا اللي هسطبها و فالاخر وقع ال os و مفروض كلنا هنشتغل عليها الباقي ساكت مبيتكلمش و كان عايز يدهاني و قولتله لا تروح تقول لدكتور
اكتر حاجة متضايقه منها اني الوحيدة اللي بتنطق الباقي قاعد متفرج طالما هو في أمان و مش شايل حاجة هل الصح اني افضل ساكته و متخانقش معاه و اشد عشان مبانش اللي بتقف في الزور و لا اخش اتخانق معاهم و اقول الي انا عايزاه حتي لو هكون الوحيدة لان انا كده الي لبساها 😆
السلام عليكم ورحمه الله وبركاته. مشروع التخرج اول حاجه بتعلمنا ازاي نشتغل في تيم ازاي نشتغل فتيم في كذا طريقه بتكون متاحه للشغل في تيم في مشاريع كبيره المشاريع الكبيره دي ولتفاصيلها كثير بنقسم الشغل على التيم وبنكتفي بس ان احنا نقول انه الحته دي لفلان الحته دي لفلان الحته دي فلان بدون الدخول في تفاصيل هي الحته دي بتاعت كل واحد هيتعمل فيها ايه بالظبط بيكفي ان احنا نشوف السلسله انه فلان بعد ما يخلص شغله شغله ده يعتمد على اللي بعديه او فلان هيكمل بعديه وهكذا. التفاصيل مش محتاجه نعرفها عشان كده بيكون في شخص اسمه التيم ليدر، التيم ليدر ده بقى هو المسؤول عن التنسيق والمسؤول عن الدخول في التفاصيل نشوف ده عمل ايه وايه المشاكل اللي وقفت معاه ويحاول ان هو يساعده في حل المشاكل دي اه حل المشاكل دي ممكن تكون بان احنا نوزعها على افراد التيم عشان نحل المشكله او ان احنا نشوف مين الشخص اللي يقدر دلوقتي في حجم الجزء بتاعه يقدر ان هو يساعد معانا في حل المشكله دي وهكذا فممكن يكون في جزء مضايقك هو انه في تفاصيل مخفيه لان ممكن يكون عندك حس قيادي كنت تحبي تكوني التيم ليدر وده كان حيكون مكان مناسب لك وده يعني وارد جدا لانك كمان مش متقبله فكره الاوامر او انه في حد هو اللي بيقول يلا فلان اعمل كذا احنا عايزين نعمل كذا هنعمل كذا في الوقت الفلاني انه في حد هو اللي بيدير الموضوع ممكن نضايقك عشان انت عندك حس قيادي شويه. تقدري تعملي ايه انت تقدري انك تفضلي على نفس طبيعتك لما يكون في حاجه انت شايفاها طبعا اتكلمي فيها ملكيش دعوه بالباقيين اللي ممكن يكونوا حتى عندهم حاجه ما بيتكلموش لان هو وارد ما يكونش عندهم حاجه اصلا يعني والد يكون ما فيش حاجه عندهم يقولوها زي ما انت مركزه في تفاصيل وبتسألي فيها او تستعمليها بس انا انصحك بما ان انتوا كتيم التفاصيل بتاعه المشروع كثيره يعني بلاش تسالي في كل التفاصيل لانه ممكن تكوني انت بتعطلي بنفسك انت شخص يعني الا اذا كانت التفصيله دي هتفرق معاكي في شغلك أنتِ، دي نصيحتي لكِ، يا رب أكون أفدتك.
تم النشر الأحد، ٢٣ فبراير ٢٠٢٥
عزيزتي رضوى، أولاً، من الجيد أنك تشعرين بالقلق حيال الديناميكية داخل فريقك، فهذا يمكن أن يؤثر على نجاح مشروع التخرج بشكل عام. أود أن أشاركك بعض الأفكار التي قد تساعدك في التعامل مع الوضع الحالي بطريقة فعّالة ومُنتجة. التواصل الواضح : حاولي أن تتحدثي مع زملاء الفريق بشكل صريح عن مشاعرك. أعطيهم فكرة عن أهمية التعاون وكيف يمكن أن يؤثر إيجابًا على نتائج المشروع. قولي لهم إنك ترغب في أن تكون المشاركة أكثر فعالية وأن العمل الجماعي يمكن أن يجلب نتائج أفضل. اختيار الوقت المناسب للمناقشة : من المفيد أن تبحثي عن لحظة مناسبة لمناقشة الأمور، بعيدًا عن الضغوط أو التوترات. يمكن أن يكون ذلك في اجتماع رسمي أو جلسة غير رسمية. التأكيد على أهمية دور كل شخص : حاولي أن توضحي لهم أن كل فرد في الفريق له دور مهم وأن النجاح يعتمد على تعاون الجميع. تقديم الاقتراحات بدلاً من الأوامر : بدلًا من تقديم طلبات أو أوامر، يمكنك أن تقترحي طرقًا تطويرية للعمل كفريق، مثل تقسيم المهام بصورة عادل. تحملي جزءًا من المسؤولية : إذا كان هناك حالة من الفوضى في توزيع المهام، فقد يكون من المفيد أن تقترحي آلية لتنظيم العمل وتعزيز التواصل، مثل استخدام أدوات إدارة المشاريع. تجنب المواجهة السلبية : من المهم أن تظلّي هادئة ومتحمّلة. المواجهة قد تجعل الأمور أسوأ، لذلك استكشفي الطرق لإيصال آرائك دون خلق توتر إضافي. إذا استمر الوضع على ما هو عليه، يمكنك التفكير في التحدث إلى مستشار أكاديمي أو مشرف المشروع بشأن الوضع لتحصلوا جميعًا على الدعم والتوجيه اللازم. تذكري أن النجاح في العمل الجماعي يتطلب صبرًا وتفاهمًا، وبتطبيق هذه الأفكار، آمل أن تتيسر الأمور أكثر. وفقك الله في مشروعك ونتمنى لك كل النجاح.
تم النشر الأحد، ٢٣ فبراير ٢٠٢٥
هل مفيش امكانيه انك تشوفي الplan اللي متقدمه للدوكتر مثلا او تتكلمي مع الدوكتر انهم مش بيتناقشوا ف الsteps اللي بتتعمل او اللي ناويين عليها لانه ده اسلوب غلط اصلا امال هو اسمه team work ليه؟؟ لو مفيش امكانيه للاتنين دول. اتفاهمي معاهم براحه وياريت لو على الجروب وقدام الكل. انه ياجماعه ليه مفيش كل حاجه باينه عشان نبقى كلنا عارفيين الصوره الكبيره ونشتغل صح. لان لو ده مبيحصلش يبقى ايه المانع؟؟. طبعا حقك تتكلمي بس بااسلوب كويس يبان انك عايزه تحلي موقف مش انك عايزه تعملي شو وان ازاي الكل ساكت. وبإذن الله ربنا يهديهم
تم النشر الأحد، ٢٣ فبراير ٢٠٢٥
ده شغل مدام عنيات في الدور السابع مش اسلوب team work ده. مالكيش اي أصحاب فيهم طيب؟ عشان اي حد يدعم موقفك. ثانيا عشان لو حصل اي لبس تبقى اتكلمتي وطلبتي وبقيت التيم شاف ده.
تم النشر الأحد، ٢٣ فبراير ٢٠٢٥
انا شديت معاه عشان رفض يدفع فلوس لحاجة تخص جزئي و هو اللي طالبها في حين اجزاءهم مش بيقولولنا هما عملوا ايه بيبعتوا ريست الفلوس يقولولنا هنجيب كذه و كذه من غير ما نسأل ده ليه
تم النشر الأحد، ٢٣ فبراير ٢٠٢٥
و عارفة بردو اللي فيه خصلة و طبع عمره ما بيبطله يعني هو بيهدي الدنيا عليه دلوقتي بس مش معني كده انه هيبطل
تم النشر الأحد، ٢٣ فبراير ٢٠٢٥
طيب وانتي تتصالحي ليه هو مش موضوع شخصي عشان نتصالح ونشد؟ خرجي نفسك من الزون دي قوليله بأدب بما انه دخل يتكلم بلطف انك محتاجه تعرفي اللي بيحصل لانه حقك وحقهم.
تم النشر الأحد، ٢٣ فبراير ٢٠٢٥
لو اتكلمت هيبان اني انا اللي عملت مشكلة و هتكره اكتر فانا مش عايزة كده انا لما شديت معاه في الكلام آخر مرة حاول يسايسني و دخل يصالحني عشان عارف انه غلطان فانا مش عارفة الصح ايه دلوقتي
تم النشر الأحد، ٢٣ فبراير ٢٠٢٥
لعرض السؤال في فدني اضغط هنا