انا من حوالي سنتين كنت بكلم ولد في هو كان مصاحب ولدين علي السوشيال اكبر منو بكتير فكنت بقولو في حكم روح اعمل كذا وكذا كانت حاجات بتعصب صحابو الاتنين دي جدا صحبو الاول ده كان بيحب بنت صحبتي فسبب أن صحبو اتعصب منو كنت بخلي يروح يقول انو بيحبها وكنت بخليه يحبها اكتر يعني مغلطناش فيهم والتاني نفس المشكله ونفس الكلام كان بيتقال ل ده بيتقال ل ده وهما كانو بيدايقوا بقا
بعدها بفتره ضميري انبني قلت انا وقعتهم في بعض لان هما مبقوش يكلمو بعض سبب ده في انا روحت كلمت الولد ال كنت بقولو روح قول لصحابك قولتو الأحكام دي انا ال كنت بقولها قالي اه دي خلتني اخسر ناس كتير قولتو مين قولي وانا اصلح بينكو قالي لا خلاص قولتو لا لازم تقول لو علي فلان ف هو قال مش زعلان ولو علي التاني في هو واحد بتاع مشاكل ف لو كلمناه ممكن يشتم قال خلاص لا مش عايز فكك في خلاص انا قفلت معاه كلام وقولت برحتو بقا ملحوظه انا الولد الاول قال مش زعلان مش عارفه مسامح ولالا والتاني صعب جدا ف التعامل هل كده عليا ذنب انا قولتلو قولي مين وانا اصلح هو قالي فكك
انا خايفه جدا من الحوار ده محتاجه حد يريح بالي ويفهمني
هي مشكلتك مش واضحة، يعني مفهمتش أحكام إيه ومين راح قال لمين.. إن كان فيه ذنب واضح في حكايتك فهو ارتباطك بولد أو كلامك معاه. مش عارفة أنتم عندكم كم سنة، بس مفيش صحوبية بين ولد وبنت والعلاقات دي حرام، المفروض فيه حدود بين الولد والبنت. فده الذنب اللي أنا شايفاه في مشكلتك واللي محتاجة تتوبي عنه وتستغفري. إذا كنتِ لسه بتكلمي الولد ده فبلاش تكملي في ده، وخلي فيه حدود بينك وبين الشباب عمومًا. لو كنتِ ارتكبتِ غلط في حق حد فاعتذري له ولو حد مقبلش اعتذارك فهو حقه وانتِ استغفري ربنا عن غلطك في حقه. اعتبري اللي فات دروس لكِ واهتمي بنفسك وإنك تستغلي وقتك في حاجات تنفعك وتطورك أفضل.
تم النشر الثلاثاء، ١٨ مارس ٢٠٢٥
لعرض السؤال في فدني اضغط هنا