هي مشكلتك مش واضحة، يعني مفهمتش أحكام إيه ومين راح قال لمين.. إن كان فيه ذنب واضح في حكايتك فهو ارتباطك بولد أو كلامك معاه. مش عارفة أنتم عندكم كم سنة، بس مفيش صحوبية بين ولد وبنت والعلاقات دي حرام، المفروض فيه حدود بين الولد والبنت. فده الذنب اللي أنا شايفاه في مشكلتك واللي محتاجة تتوبي عنه وتستغفري. إذا كنتِ لسه بتكلمي الولد ده فبلاش تكملي في ده، وخلي فيه حدود بينك وبين الشباب عمومًا. لو كنتِ ارتكبتِ غلط في حق حد فاعتذري له ولو حد مقبلش اعتذارك فهو حقه وانتِ استغفري ربنا عن غلطك في حقه. اعتبري اللي فات دروس لكِ واهتمي بنفسك وإنك تستغلي وقتك في حاجات تنفعك وتطورك أفضل.
تمام حاضر شكرا يا اختي💘
تم النشر الأربعاء، ١٩ مارس ٢٠٢٥
متفكريش في تفاصيل دلوقتي، معرفش ده ظلم ولا لأ، ممكن لو مش ظلم يكون تصرف ضايقهم أو زعلهم، اللي حصل حصل، لو فضلتِ تفكري في التفاصيل مش هتتخطي الموضوع وهيفضل الشيطان يوسوس لك. رد الحقوق إن لو حد سرق يرد مال لو حد اغتاب حد يعترف له ويستسمح منه، أنتِ رحتِ واعترفتِ وندمتِ، فخلاص كده... اعملي اللي قلت عليه واستغفري وادعي لهم وبس.
تم النشر الأربعاء، ١٩ مارس ٢٠٢٥
ايوا والله ندمت بس بصي انا خليت الولد يروح يقولهم انت بتحب البنت دي صح وزن عليهم هو كدا اسمو ظلم؟ ثانيا انا قولت ل الولد مين ال خسرتهم قالي فكك مش مفروض كدا حاجه ترجعو
تم النشر الأربعاء، ١٩ مارس ٢٠٢٥
بصي ما دام تبتِ وحاولتِ تردي حق اللي غلطتِ فيهم فخلاص انسي الموضوع زي ما قلت، يوم القيامة أصلا لو فيه حد رفض يتنازل عن حقه من التاني ربنا بيخيره إنه يعفو عن اللي ظلمه أو أساء له مقابل حاجة بالجنة ومحدش ساعة الحساب هيرفض يسامح وياخد حاجة بالجنة، بس المهم إن الشخص الأول يكون تاب بصدق وندم فعلا.
تم النشر الأربعاء، ١٩ مارس ٢٠٢٥
ايوا صح يعني كده بدل تبت لو زعلتهم مني أو انا السبب مش هبقا خصيمه حد يوم القيامه وفعلا انا تبت واتعلمت
تم النشر الأربعاء، ١٩ مارس ٢٠٢٥
الشيطان أصلا ميهموش مصلحتك ولا خايف عليكِ من الحساب عشان ينصحك، هو مهمته يضلك أصلا، هو كلامه وسوسة عشان يخليكِ تيأسي من نفسك ومن رحمة ربنا وتفكري إنك ضعتِ وإنك مش كويسة فمش مشكلة لما تكملي في طريق الغلط... احنا بشر وكلنا بنغلط بس المهم إننا نتوب على طول ومنرجعش للغلط ونحاول نصلح طول ما احنا ماشيين في طريقنا. ربنا معك.
تم النشر الأربعاء، ١٩ مارس ٢٠٢٥
فعلا والله الشيطان دائما يقولي يوم القيامه هتتحاسبي يعني هتتحاسبي ولو تبتي برضوا هتتحاسبي لان دي زي خصومه بين العبد واانتي غلطي وهتتحاسبي والله فعلا كل يوم بعيط بسبب ده وببقا خايفه اوي وقلبي بيوجعني من كتر الخوف لان بخاف من حكايه التسامح بين الناس دي جداا بس شكرا ليكي والله❤️
تم النشر الأربعاء، ١٩ مارس ٢٠٢٥
خلاص ما دام شرحتِ اللي حصل واعتذرتِ فانسي الموضوع، استغفري ربنا وادعي لهم، وأعتقد عامة إنه مع الوقت هينسوا الموضوع واللي مش مسامح أو شاكة إنه مش مسامح هينسى وهيلاقي إن الحياة فيها أكبر من المشاكل دي وهيسامح ويعدي... ما دام تبتِ وندمتِ وقررتِ تصلحي ومتكرريش الخطأ فخلاص ربنا بيغفر ما دام تبتِ بصدق وإذا كان الطرف اللي له الحق لسه رافض يسامح فربنا إن شاء الله مع صدق التوبة بيعين، يعني ممكن الشخص يسامح لوحده حتى لو انتِ معرفتيش وممكن يوم القيامة ربنا يخليه يعفو... المهم تكوني صادقة في ندمك وتوبتك وربنا هيساعدك. ومتسمعيش لكلام الشيطان أبدًا عشان هو بيحاول يخليكِ تشكي في غفران ربنا ورحمته. استغفري وقربي من ربنا وادعي للناس اللي شايفة إنك غلطتِ بحقهم وتابعي حياتك للأحسن. ربنا يوفقك.
تم النشر الأربعاء، ١٩ مارس ٢٠٢٥
بصي انا كنت بكلم ولد الولد ده ليه ولدين صحابه علي السوشيال حلوه نادين دول يعرفوا بنتين من صحابي فهم كانوا بيحبوا بعض فانا كنت بقول للولد ده في احكام بتيجي مش انا اللي بقولها تروح تقول لصحابك دول انت بتحب مريم يقولو لا يقولو لا بتحبها يقولو لا يقولو اعترف عادي ويزن عليهم في هما زهقو منو جامد مع اني شايفه انها كلمه مدايقش اوي يعني مشتمتش فيهم ولا حصل حاجه لدرجه فهماني في انا سبت كل الناس دي وانا دلوقتي 18 سنه الحوار من سنتين تقريبا او 3 في ضميري انبني روحت ل الولد قولتو انا ال كنت بعمل الاحكام سامحني قال دي خلتني اخسر ناس كتير قولتلو مين قالي فكك قولتلو لا لازم تقول لو علي الولد الاول في هو قال مش زعلان بس انا مش عارفه مسامح ولالا انتي فهماني في انا خايفه وقولتلو لو ع التاني في هو صعب في التعامل وبيشتم قالي لا فكك خلاص قولت خلاص مش هكتر معاه كلام بقا في انا حاسه اني وقعتهم ب بعض مع اني والله قولتلو قولي مين وانا اصلح مع اني مكنتش هعرف اصلح لاني انا بنت ثانيا والله انا ندمانه انا لي كنت بعمل كده دخلت نفسي في حورات انا اتعلمت بس خايفه اتحاسب يوم القيامه الولدين دول يكونو مدايقين منو والذنب يجي عليا عند الله تجتمع الخصوم هل انا عملت حاجه تستاهل كل ده
تم النشر الأربعاء، ١٩ مارس ٢٠٢٥
لعرض الإجابة في فدني اضغط هنا