ذنب ايه؟ ذنب العلاقة نفسها؟ ولا ذنبه هو؟ طيب احنا نبتدي بأول جزء. حبيبتي احنا مش بندخل في علاقات علشان الشخص ده صعبان علينا .. صعبان عليكي ومتأثرة بحالته يبقى ترشحيه يروح لدكتور مختص في حالته. ثم انتي ازاي عايزاه يجي يتجوزك وهو اساسا زي ما بتقولي على حافة الانتحار وعنده مشاكل نفسية .. هو اساسا مش سوي .. ازاي عايزاه يكون في علاقة معاكي بشكل صحي؟ اللي بيصعب علينا مش بندخل معاه في علاقة .. ده بيتعالج. وعموما الحمد لله انك عفتي انه مكانش حب .. وان العلاقة ديه انتهت .. وده كويس جدا ليكي. انتي مش عليكي اي حاجة دلوقت .. من ناحيته ولا تحسي بالذنب ولا اي حاجة. انتي كنتي تحسي بالذنب صحيح لو كنتي قعدتي معاه وكملتي. اما بالنسبة للجزء الديني .. خلاص انت استغفرتي ربنا وعرفتي انك كنتي على خطأ . وربنا غفور رحيم يا حبيبتي .. متأنبيش ومتجلديش نفسك اكتر من كده. خلاص كأنه راح ومجاش وتخطي الموضوع وصفحة وقلبتيها.
تم النشر الأربعاء، ٢٨ ديسمبر ٢٠٢٢
لعرض السؤال في فدني اضغط هنا