انا داخلة علي طلاق مستنياه يطلقني رسمي بس بعد كام يوم عاوزة اعرف اتخطي ده ازاي واتعافي وانسي فعلا كل اللي حصلي
حاسة اني مش قادرة انسي دايما تفكير في كل حاجة وبلوم نفسي علي حاجات كتير برغم اني مقصرتش معاه خالص في أي حاجة من اول ما اتجوزنا
شوفت منه ضرب وإهانة وشتايم طول الوقت وحشيش وقلة ادب واكتشفت حاجات بيعملها وفضلت معاه كتير اوي علشان يبطل وبكذا طريقة وبهدوء وسياسة وحاولت كل المحاولات حرفيا ومافيش فايدة
وكل ده غير أنه ضحك علينا هو وأهله في الماديات والمستوي عموما مكنتش عايشة العيشة اللي عايشاها عند اهلي وضحك علينا للاسف ومكنتش فعلا باكل يعتبر برغم أن باباه اللي قايل انا عليا الأكل والشرب
وكل ده غير حوارات مامته وإخواته اكتشفت ف الآخر خااالص أنهم طلعو بيغيرو مكنتش فاهمه ده في الاول واقول هما بيخسنوه عليا ليه شوفت بينهم شات كتير اوي بيسخنوه عليا ومن غير والله ما اعمل حاجة سواء مامته أو اخواته وانا مكنتش بشكيلو ولا بقوله بيعملو كذا وكذا ولا بشتكي لاهلي ودايما كان يهددني مقولش اي حاجة لاهلي وفعلا مكنتش بحكي اي حاجة
دا غير أنه دايما دااايما كان بيوهمني بحاجات محصلتش مثلا ويقولي لا حصلت فقدلي ثقتي في نفسي جامد ودايما كداب ويحلف بالله عادي جدا والطلاق كمان
تعبت معاه جامد حاولت اصبر اكتر من كدا مقدرتش وفيه حاجات تانية اكيد بس للأمانة انا حاولت معاه كتير اوي وحاولت ارضي أهله وجيت ع كرامتي كتير علشانه وعشان اعدي لكن مطمرش فيهم حاجة اتهزقت واتشتمت منهم ومش عارفة انسي دا برضه
محتاجة حل محتاجة اتعافي محتاجة ارجع ثقتي بنفسي تاني محتاجة اتعالج بجد من جوايا محتاجة ارجع زي زمان كلي حماس وثقة بنفس وبضحك وبهزر وبتكلم
السلام عليكم ورحمه الله وبركاته طبعا يعني دي تجربه صعبه ومش سهل خالص القرار ده وانا عارفه انك واقفه قصاد القرار ده قدام اكبر حاجه حتى لو انت شايفه كل الاسباب بتقول انك ما ينفعش تكملي فعلا الا انك واقفه قدام فكره انا متجوزتش غير سنه ونصف انا هبقى مطلقه انا كنت بحاول احافظ على البيت انا كنت بحاول ان انا احسن انا كنت بحاول ان انا اصلح اا وكان نفسك انه النتيجه تكون احسن من اللي انت وصلتي له دلوقتي لكن خليني اقول لك ان ضروري تبداي من الفكره دي وضروري تبدئي تشوفي ان كل الكلام ده مش مهم قصاد انك لو الواحد قرر قرار غلط او لو دخل في تجربه غلط او مشي في طريق غلط فمش من الصح ابدا ان هو يكمل الطريقه عشان مستخسر اللي هو مشيت ويبقى في نهايه الطريق ده النار يكون هيرمي نفسه حرفيا في النار. لا هو يرجع الطريق اللي هو مشي. ويبدا طريق تاني غيره. بس يكون طريق نهايته هتوصله لحاجه كويسه فعلا مش توصله للنار.
تم النشر الثلاثاء، ٢٧ أغسطس ٢٠٢٤
عزيزتي، أولاً أود أن أعبر عن تعاطفي الشديد مع ما تمرين به. الطلاق تجربة مؤلمة وصعبة، ولكن يمكنك بالتأكيد تجاوز هذه المرحلة والشفاء مع الوقت. إليك بعض الخطوات التي قد تساعدك في ذلك: قبول المشاعر : من المهم أن تعترفي بمشاعرك وتسمحي لنفسك بالشعور بالحزن أو الغضب أو الخيبة. هذه المشاعر جزء طبيعي من عملية الشفاء. التحدث إلى شخص موثوق : لا تترددي في مشاركة مشاعرك وأفكارك مع صديقة مقربة أو أحد أفراد العائلة أو معالج نفسي. التحدث عن ما حدث يمكن أن يكون له تأثير كبير في تخفيف الحمل العاطفي. التركيز على الذات : خصصي وقتًا لنفسك لتعيدي اكتشاف اهتماماتك وهواياتك. قضاء الوقت في فعل ما تحبينه يمكن أن يساعدك في استعادة ثقتك بنفسك. تحدي الأفكار السلبية : احرصي على مواجهة الأفكار السلبية وبدليها بأفكار إيجابية. تذكري أنك قوية وقادرة على تجاوز هذه المحنة. صنع خطط جديدة : ابدئي في وضع أهداف جديدة لنفسك. هذا قد يكون مرحلة جديدة في حياتك، لذا اجعلي من هذا الوقت فرصة لبناء مستقبل أفضل لنفسك. ممارسة الرياضة والاهتمام بالصحة : النشاط البدني يمكن أن يساهم بشكل كبير في تحسين مزاجك. حاولي ممارسة بعض التمارين الرياضية بانتظام. الدعم الروحي : تواصلي مع الله من خلال الصلاة والدعاء، وذكري نفسك بأن الله معك في كل الأوقات. عدم الشعور بالذنب : تذكري أنك بذلتِ كل جهد ممكن، ولا تلومي نفسك على ما حدث. ليس عليك تحمل المسؤولية عن تصرفات الآخرين. اكتبي يومياتك، حاولي أن تعبري عن نفسك في الكتابة. مع مرور الوقت، ستلاحظين أن الأمور تتحسن وأنك تزدادين قوة وثقة. تذكري أن لديك القدرة على بدء فصل جديد في حياتك. بارك الله فيك ووفقك لما فيه الخير.
تم النشر الثلاثاء، ٢٧ أغسطس ٢٠٢٤
طيب، احمدي الله أنه لا أطفال بينكما ستدفع ثمن هذا المصير. الآن أنت بحاجة للكثير والكثير من الخطوات، ولكنني لن أناقش أية خطوات لما بعد الانفصال حتى أتأكد من إجابات عدة أسئلة: أولها أن تكوني واثقة من خطوة الطلاق، هل أنت من طلب ذلك أم هو من قرر؟ حددي بينك وبين نفسك ما سبب خوفك من الطلاق؟ قارني بين مميزات وعيوب الطلاق والبقاء معه. هل سيكون لديه قابلية للتحسين في حال عدتِ له؟ أود أن أنبهك لأمر، الزواج والأنس والتراحم والمودة كل هذه الأمر ليس لها إلا تعريف وحيد وهو: رزق. كل هذه الأمور أرزاق، لحد الآن تتفقين معي؟ طيب الآن، هل تدركين أننا خلقنا لأجل عبادة الله؟ بالطبع تدركين. هل تدركين أن الدنيا دار بلاء؟ وأن اشد الناس بلاءً هم الأنبياء ثم الأمثل فالأمثل؟ قد تتفقين معي في كل ما سبق لكنك تتساءلين عن الألم، عن ذوبان قلبك في صدرك حسرةً وقهرًا، عن هلعك ورعبك من كل ما هو قادم.. الله المستعان والله أشعر بك أكثر مما تظني، قلبك المتألم هذا علاجه في سجدة صادقة، في بكائك وتضرعك بين يدي الله. التعافي حله في سورة البقرة، والله ستشعري كأن الأمان والسكينة تُصبّ في قلبك صبًا. أقيمي الليل داعية، اطلبي من خزائن الله التي لا تنفد، لا تطلبي الرجوع له بل اطلبي من الله الخير لك والأنس لقلبك وروحك، اطلبي من الله أن يختار لك.
تم النشر الثلاثاء، ٢٧ أغسطس ٢٠٢٤
انا فهماكي جدا .. بصي انتي بتحبي بس استحاله العيشه معاه مرتاحه مدام في زكريات خلته ناقص في عينك و بهدلك .. و المشكله انك عارفه قيمتك و هو و اهله كمان عرفين بس الاحداث اللي حسه معاكي هو اللي خرج اسوء ما فيهم .. ناصحتي كل شي بيتنسي الحلو و الوحش بس كله بيخد وقته .. و بدل ما تضيعي وقتك اللي فات في الحزن و الوقت اللي انت فيه ده كمان في الحزن .. اتولدي من جديد .. بس انثي عندها نضوج من التجربه الصعبه و اثبتي لنفسك و لكل اللي حولكي انك بقيتي اقوي .، اسمعي اغنية اديني سبته .. و فوقي من اللي كنتي فيه .. و اشغلي نفسك في كل اللي يخليكي مبسوطه و لو حسيتي الموضوع صعب استشيري دكتور نفسي اجتماعي و صدقيني .. الضربة اللي مش بتموت بتقوي . متنهريش علي حياة متستهلش و بكره ربنا هيكرمك بلاحسن صدقيني .. بس هقولك من الاخر الطلاق حريه لما تكون الحياه قاسية بشكل اللي بتقوله ده
تم النشر الثلاثاء، ٢٧ أغسطس ٢٠٢٤
اه الحمدلله ان مفيش اولاد وانتي بعدك عروسه بصي اعملي خلع لو مش راضي واقعدي مع نفسك بعباده في العده وبعدها عيشي وتمتعي ومري بكل الي نفسك فيه متهتميش لحد روقي ع نفسك اخرجي الحياه بتتعاش من غيرو وحيجيكي الأحسن ان شالله
تم النشر الثلاثاء، ٢٧ أغسطس ٢٠٢٤
بقالي سنة ونص متجوزة ومعنديش اولاد الحمدلله
تم النشر الثلاثاء، ٢٧ أغسطس ٢٠٢٤
كل ما افتكر يوم الطلاق ده وأنه هيطلقني ويقولهالي بنهار حرفيا ومش بكون عاوزة كده لا وبرفض ده وساعتها بقول لا مش عاوزة اتطلق برغم أنه مينفعنيش خلاص وكارهاه بس مش حابة يحصل كده مش عارفة اعمل ايه المشكلة اني عاوزة أخرج نفسي من الموود دا واعمل كل الحاجات دي بس مش قادرة فاقدة الشغف بكل حاجة ولا قادرة اعمل حاجة يوم اكون تمام والعشرة لا
تم النشر الثلاثاء، ٢٧ أغسطس ٢٠٢٤
وان كان كده عادي مش تهتمي فكري بحاجه تفرحك حاولي تنسي حاولي تعملي رياضه حاولي مكونش همك بس هو انتي عندك اولاد ؟بقالك كم سنه متجوره
تم النشر الثلاثاء، ٢٧ أغسطس ٢٠٢٤
حتنسيه هو مش كل حاجه ف حياتك هو مش اول ولا اخر انتي الف شب بيتمناكي لا تحني ولا تترددي ولا حاجه ممكن تروحي على دكتوره نفسيه وتقدر تساعدك وتقلك تعملي ايه انتي تقربي من ربك وكل حاجه تكون تمام
تم النشر الثلاثاء، ٢٧ أغسطس ٢٠٢٤
ممكن تشغلي نفسك بحفظ القرآن ممكن تشغلي نفسك بمواهبك القديمه اة تخترع مشروع جديد ممكن أشغال يدويه ممكن رسم ممكن لو مش مكمله تعليم تتعلمي بأقل الحجات مش شرط يكون احسن حاجه حاولي وحتنجي
تم النشر الثلاثاء، ٢٧ أغسطس ٢٠٢٤
بصي برغم كل الي حصل معاكي هو اذكي هو اهانك وضربك و عذبك ودا حرام عشان كده انتي اهتمي بنفسك انسيه وانسي كل حاجه كانت معاه يوم طلاقك انبسطي وبس تقعدي العده وتطلعي منها اخرجي وفسحي نفسك روحي مع اختك أو صحبتك مع الناس الي بتحبيهم متهتميش لشخص عشان الحياه مش بتوقف اليه والحياه اهو جميله وماشيه اه مش علطول بتكون زي الفل بس هي حلوه انسي كلامهم وعيشي لنفسك وفرغي كل طاقتك السلبيه بلحظات الي تحبيها
تم النشر الثلاثاء، ٢٧ أغسطس ٢٠٢٤
لعرض السؤال في فدني اضغط هنا