كتير مننا بيستخدم سوشيال ميديا، باوقات مختلفه للحصول على مواضيع مختلفه وكل دا نسبي وأحيانا بنستخدمها مجرد رفع دوبامين من خلال متعه التصفح والايكات واللي اعرف انه هي دي الاكثر ضرر.
لكن اليوم المشكله عندي تختلف، انا بستخدمها غالبا في محتويات معينه زي الاخبار التاريخية وقنوات بتعرض قصص باسلوب جميل عن التاريخ يعني احاول اعمل مسح للاميه من خلال السياسه والتاريخ.
واحيانا بستخدمها لاني اشوف حاجه مفيده واحيانا كوميديا بس بشكل يتفق مع معايير الدين الاسلامي
لكن بقيت كل همي الجديد يعني لما بينزل فيديو ويعدي عليه يوم احس انه قصته قديمه معرفش اي الوسواس ده المفترض اني اشوف ولو من 50 سنه زي مشاهد حرب اكتوبر
بس بالنسبه لحاجه تفيدني غالبا ما بيحصلش اني احب اشوف قديم لو عد عليه يوم اتنين بحس انه خلاص مش عارف ليه دماغي اتعلقت بكل اللي بينزل جديد بس ودا 100 % غلط لاني المفروض افهم الماضي عشان اشوف الحاضر غير كدا بحس انه وسواس من الشيطان ونفسي انك متسمعش القديم اتعلقت بالجديد لدرجه اني بنزل فيديوهات كتيير مش بلحق اسمعها وبسيبها في الموبيل على امل اني اسمعها في المستقبل.... اتمنى حد فعلا يفيدني لاني عارف اللي بعمله دا غلط والخوارزميات اثرت فيا للجديد
السلام عليكم. اللي حاصل معك ده كده بتبقى حاجه محتاجه ان احنا نعمل ايه بقى ريستارت اصلا لمخنا عشان مخنا كده بدا يدخل له افكار غلط. فرسترد اكيد ما بيجيش واحنا سايبين الجهاز مفتوح وشغال وكل حاجه شغاله ضروري جدا نقفل لازم نقفل وندي فرصه لعقلنا ان هو يرجع تاني للسيستم الصح. ايه هو السيستم الصح انه ما فيش حاجه اسمها ان كل يوم في شيء جديد لا كل يوم بيكون فيه اشياء ثابته واشياء بنراجع فيها اللي فات واشياء جديده. وانا اللي بقدر احدد نسبه كل حاجه من دول. زي ما احنا كده من المفترض ان احنا عندنا فروض زي فروض الصلاه دي اساسيه كل يوم هل دي كل يوم هستنى فيها حاجه جديده لا والله انا ممكن في النوافل بقى ازود يعني اعمل نافله جديده كل يوم انا حر لكن في ثوابت. فاحنا هنا ضروري نعمل ريستارت للفكره دي هتبدا اولا توقف فرجه وتبدا تعمل لنفسك سوابت ايه هي السوابت هنقول مثلا انه انا بحب التاريخ فانا كل يوم هاخد معلومه تاريخيه بس هاخدها من المكان ده بس يعني مش من اكتر من مكان وهاخد قد ايه هاخد المعلومه التاريخيه دي مثلا في فيديو لا يتعدى النص ساعه لازم تكون محدد تثبت الحاجه الاساسيه اهو تبقى زي الايه زي ما اتكلمنا على الفروض الاساسيه في العباده. بعد كده بعد ما خلصت سبت دي تنقل بقى على اللي بعد كده. اللي بعد كده الحاجات اللي لها علاقه بالايه باللي فات اللي فات بقى اللي هو ايه طب ما انا عندي فيديوهات انا يعني كنت مهتم ان انا اشوفها بس ما شفتهاش هاخدها واحده كل يوم هاخد منهم واحد وبعد ما اتفرج عليها امسحها. وهكذا. بعد ما تخلص المرحلتين دول تسمح لنفسك انك تشوف الجديد. لانك اذا ما خلصتش الاساسي والمتراكم يبقى مش من حقك تشوف الجديد. تمام كده.
تم النشر الثلاثاء، ٢٥ يونيو ٢٠٢٤
ربما أنت في حاجة لأن تكون أكثر حزمًا مع نفسك وتحدد أولوياتك وأهدافك من مشاهدة فيديو أو قراءة محتوى بغض النظر عن تاريخه والمدة التي مرت على وجوده. ما دام لاحظت إن بدأ يكون فيه تأثير سلبي لتواجدك على السوشيال ميديا وبدأت الخوارزميات تتلاعب بعقلك فأعتقد إن فترة ابتعاد تام عنها قد تفيدك في إعادة برمجة عقلك. ابحث عن ديتوكس السوشيال ميديا وطبق النصائح الخاصة به، وضع خطة حازمة لنفسك لتبدأ في التخلص من هذه الآثار السلبية قبل أن تزداد سوءًا. بالتوفيق.
تم النشر الاثنين، ٢٤ يونيو ٢٠٢٤
شوف، يا صديقي، الموضوع ده فعلاً مهم وبحس بمعاناتك لأنني كمان بواجه صعوبة مع الوسواس أحياناً. يبدو أنك بتواجه تناقض بين رغبتك في تعلم التاريخ والمعلومات الجديدة وبين ضغط المجتمع والسوشيال ميديا اللي بتحببك في كل حاجة جديدة. أول حاجة محتاج تهدي وتدي نفسك فرصة إنك تستمتع بالمحتوى اللي بيهمك فعلاً، سواء كان قديم أو جديد. الخوارزميات بتاعت السوشيال ميديا مبرمجة علشان تجذب انتباهك للمحتوى الجديد وتخليك تبقى على اتصال دايماً، لكن إنك تبقى واعي بالنقطة دي هيساعدك على التحكم في عاداتك. نصائح بسيطة ممكن تفيدك: جداول زمنية : اعمل جدول زمني بتحدد فيه وقت محدد يومياً للإطلاع على المحتويات الجديدة ووقت تاني للمحتويات التاريخية أو القديمة اللي بتحبها، وجرب تلتزم بيه. قوائم تشغيل : اعمل قوائم تشغيل للمحتويات التاريخية اللي عايز تتفرج عليها، وحاول تخصص وقت أسبوعي ليها. التوازن : مش شرط تشوف المحتوى أول ما ينزل، ممكن تفكر إن الهدف هو الاستفادة مش التوقيت. استعمال ميزات السوشيال ميديا بحذر : زي الـ "Watch Later" أو "Save"، دي ممكن تساعدك تحفظ الفيديوهات اللي عايز تشوفها بس مش بضرورة تتفرج عليها في نفس اللحظة. التعامل مع الوسواس: لو حسيت إن الوسواس مسيطر عليك بشكل كبير ومأثر على حياتك، متترددش تطلب مساعدة من مختص نفسي، أحيانا الكلام مع حد ممكن يساعدك تشوف الأمور بزاوية مختلفة. فاكر دايما إن التعلم هو رحلة مش سباق، وخليك دايماً مركز على الهدف الأكبر وهو الفهم العميق للمحتوى اللي بتسمعه أو بتقراه. أتمنى تكون النصايح دي مفيدة ليك وتقدر تلاقي التوازن بين الجديد والقديم بشكل مريح ليك! 🌸
تم النشر السبت، ٢٢ يونيو ٢٠٢٤
لعرض السؤال في فدني اضغط هنا