ولدت في بلد غير بلدي الأم وتربيت فيها بعيدا عن كل من أعرف إلا أهل بيتي.. لكن مع ضغط الحياة والغربة لم يكن والداي يهتمان بي وبإخوتي الذين يقاربونني في العمر جدا إذ لم يكن لدي أخ أكبر ينوب عن أبي وليس لدي أخت حتى الآن ولن يكون
مشكلتي بدأت عندما تعرضت للاغتصاب والتحرش الجنسي من شاب اكبر مني بعشر سنين وكنت وقتها لا أعرف ما هذا ولا أفقه شيئا إذ لم يكن لدي وقتها أي خبرة بالحياة على اعتبار عمري الذي كان وقتها ٧ سنوات فقط والغربة التي لم تسمح لي بتعلم أي شيء لأنني محبوس في البيت معظم الوقت ولا اعرف من يشاركني في أي حديث
وقتها أيضا لم أجد والدي حولي ليساعداني أو أشعر أنهما مهتمان بأمري فأشكو لهما
كتمت الأمر عن الجميع بلا استثناء حتى اليوم لكن للأسف حولني هذا الموقف إلى ولد شاذ جنسيا وهذا افظع كابوس في حياتي وترتبت عليه مصائب كدت بسببها أن أنتحر من شدة ما أجد من ألمي
جربت جميع الطرق المعروفة لكنني لم أتخلص منها نهائيا فهي تطاردني حتى الان بعد ١٠ سنوات
هتتخلص منه لما تتخلص من احساسك بانك مجبر وكأن اللى حصل معاك ده شهادة ميلاد انت مجبر على تاريخها يوم ما تحس ان القرار فى ايدك وان الفطرة الطبيعية هى اللى بتغلب دايما وهى اصلا اللى عماله بتحارب جواك انها تسود افكارك ...اليوم ده اللى هتاخد فيه خطوات حقيقية ان شاء الله بلا رجعة هقولك على حاجة جربها من باب تربية النفس كل ما تفكر او تعمل حاجة تحت بند الشذوذ افرض على نفسك جهد بدنى كبير او اى حاجة تعملها انت عارف انها فى العادى تقيله عليك لو الفلوس صرفها تقيل يبقى افرض على نفسك مبلغ تطلعه لله او تصرفه على حد من اهلك كل ما تعمل الغلط ( الالتزام مع نفسك هنا هو اللى هينجح الموضوع ) الطريقة دى هتخلى مخك يقولك بلاش ده
تم النشر الأحد، ٢٢ سبتمبر ٢٠٢٤
اولا اتكلم مع نفسك وتصارح ان اللي حصل ده ملكش ذنب فيه ومش بارادتك ولا باختيارك تاني حاجة اقنعها انك راجل طبيعي مفيش حاجة اسمها شاذ ده فعل محرم وفطرة غير سوية ومتحكيش مع حد في القصة دي ولازم تلتزم الصلاة وتقرب من ربنا وتطلب منه يساعدك ويعينك انا مش عارف انت سنك كام بس روح لاخصائي عشان لو فيه اي مرض او تعب ياقر عليك وتعافى واطلب من ربنا يرزقك زوجة صالحة متفكرش في الموضوع كتير مع نفسك وقول لنفسك انا كويس وطبيعي واقنعها بكدة ربنا يعفو عنك ويشفيك يارب
تم النشر الأحد، ٢٢ سبتمبر ٢٠٢٤
لازم تاخد قرار انك تصلح من نفسك وتكون شخص جديد صالح لدين وحياه وتابع مع دكتور نفساني عشان مترجعش من تاني لشخص سئ وصلاه عحسب دينك و ابعد عن صحابك السيئين وعن الطريق الوحش اللي انت كنت فيه ربنا يسامحك ويغفر لك
تم النشر الأحد، ٢٢ سبتمبر ٢٠٢٤
قرب من ربنا واستغفر كتير
تم النشر الاثنين، ٢٣ سبتمبر ٢٠٢٤
ثانيا محتاج تتقبل وتهون علي نفسك انك مش السبب في اللي حصل وانك بالرغم انك مش المسؤل عن اللي حصل بس انت مسؤل عن تعافيك من الاساءه اللي حصلتلك سواء من اهلك او الاساءه الجنسيه وانت صغير
تم النشر الاثنين، ٢٣ سبتمبر ٢٠٢٤
اولا انت محتاج تروح لمعالج نفس عشان تتعافي من اللي حصل وكمان يساعدك في التخلص من المشاكل النفسيه اللي اهلك سببوهالك بسبب عدم تواجدهم واهمالهم
تم النشر الاثنين، ٢٣ سبتمبر ٢٠٢٤
لا حول ولا قوه الا بالله العلي العظيم صلي وتقرب من الله واسال الله عزّ وجل أن يغفر لك وتوب توبه نصوحا الحل في الصلاة والتقرب من الله وبر الوالدين
تم النشر السبت، ٢١ سبتمبر ٢٠٢٤
لعرض السؤال في فدني اضغط هنا