حياتي متلغبطه من وقت مخلصه ثانويه وحياتي ضغط كلها مستنيه النتيجه وحرفيا أنا هموت من كتر ال شوقته من ظلم ف الامتحان أنا تايهه واول مره اشوف نفسي كده ورغبتي في اني ابعد عن البشر مستمره حد يعرف حل
الحل انك تبقى راضيه عن نفسك وملكيش دعوه بحد انتى تعبتى ومحدش تعب مكانك نتيجتك اللى هتجبيها دي لنفسك هما مكنوش بيدفعولك دروس ولى ودوكى لدكتور نفسي بعد الامتحانات اللى دمرتكو وكان كل امتحان اللى تقولو عليه اكيد دا العوض يطلع أنيل من اللى قبلو والسنه اللى مرمتطكو حرفيا وعوزاكى تكونى راضيه بأى نتيجه هتجبيها لأن دا الخير ليكى حتى لو مش دا اللى نفسك فيه ولو علمتم الغيب لخترتم الواقع ابقى فخوره بنفسك وبمجهودك ومش لازم نتجتك تعجب حد دا نصيبك وانتى راضيه اللى مش راضي دي مشكلتو ومحدش طلب رأيو ربنا يفرحك ويوفقك ❤️
تم النشر الثلاثاء، ٢٥ يوليو ٢٠٢٣
ده طبيعي لكل فترة الضغط اللي مريتي بيها من امتحانات وسهر ومذاكرة .. ف حاول تهدي نفسك واللي يحصل في النتيجة يحصل .. الثانوية مش نهاية العالم .. تاني حاجه انتي ليه حاسه بانك عايزة تبعدي عن الناس؟ حصلت حاجه غير الثانوية اثرت عليكي؟
تم النشر الثلاثاء، ٢٥ يوليو ٢٠٢٣
اعتقد ان الحاله دي جتلنا كلنا بعد ثانويه فانت اصبر وشوف لما تخش الكليه وتبدا مرحله جديده هيفضل عندك نفس الشعور ولا لا لو لسه موجود وقتها ممكن تفهم ان المشكله مش ف الثانويه وساعتها تبتدي تدور علي حلول
تم النشر الثلاثاء، ٢٥ يوليو ٢٠٢٣
قل لن يصيبنا الا ما كتب الله لنا اللغبطة احنا اللى بنحس بيها من كتر الاحتمالات والافكار اللى بتنط فى مخنا سلمى امرك لله وهو كفيل يرتبلك حياتك احسن ترتيب والظلم من الناس لكن العدل من ربنا كل اللى انتى فيه فترة مؤقته بس عشان فكرة ان الحياة متوقفه على نتيجة الثانوية ..وكأنه حكم هيتحكم عليكى. الفكرة دى غلط ومهما كانت النتيجة ومهما كانت الكلية ...حياتك ملك ايدك هتقدرى تعملى اللى انتى عاوزاه فيها وقت ما تقررى بس.
تم النشر الثلاثاء، ٢٥ يوليو ٢٠٢٣
أولا كده الموضوع مش متلغبط ولا حاجه أنت بس متعوده إنك تذاكري و تدحي و تصحي بدري تبدأ يومك مع الكتاب، ده إحساس عادي جدآ بس يعني لازم تواجي الواقع لأن خلاص الثانوية خلصت لازم نجهز لدنيتنا و لجمعتنا أصل مش هتوقف على نتيجة أو ثانوية 😅 أقولك حاجه كمان مش بعيد أنت صاحيه دلوقتي علشان اتعودتي على المذاكرة الصبح 😂 بنسبة بقى لربغة إنك تبعدي عن البشر هل هيا جتلك من نفسها ولا مثلاً بسبب موقف ما حصل ولا بسبب ظلم الامتحانات ولا حاجه تاني ؟
تم النشر الثلاثاء، ٢٥ يوليو ٢٠٢٣
صدقيني قربك من ربنا هيكون حل ليكي احسن من اي حد تاني جربي مش تندمي
تم النشر الثلاثاء، ٢٥ يوليو ٢٠٢٣
مرحله طبيعيه جدا انتي بس محتاجه تتعايشي معاها خليكي بارده واشغلي وقتك بأي حاجه والاهم تدعي بالرضا ادعي كتير اوي ان ربنا يراضي قلبك ويفرحك ف يوم زي دا واعرفي انها مش نهايه الدنيا وان الحياه ابسط بكتير من اسم كليه هتدخليها .. انا فاهمه احساسك وتفكيرك وهبان سخيفه بس مش مسأله حياه او موت هي 🤷♀️ ودي نصيحه من واحده كانت مفكره ان الثانويه حياه وموت واكتشفت غباء الفكره اول م رجلها عدت بوابه الكليه .. ربنا يوفقك ويراضيكي ❤️
تم النشر الأربعاء، ٢٦ يوليو ٢٠٢٣
انعزل الفترة دى واهتم بالصلاة وقيام الليل وادعى كتير جدا وابعد عن مواقع التواصل الاجتماعي أو لو عندك صديق اكبر منك عدا بكل دا اتكلم معاه ومدام عملت اللى عليك وتعرضت لظلم ربنا هيراضيك اكيد وانت مسؤول عن السعى مش النتيجة وبعدين ما يمكن تبقى كويسة انت لسة ما تعرفش
تم النشر الثلاثاء، ٢٥ يوليو ٢٠٢٣
الاحساس دا مشترك تقريبا عند كل طالب ثانوية عامة بسبب الضغط اللي مر بيه خلال السنة والامتحانات واللي حصلنا فيها ولغاية دلوقتي ومستنين النتيجة ف الموضوع عند كله بما فيهم انا وصحاابي نفس الملام ف طبيعي جدا الاحساس دا اليومين دول بس احنا يبق عندنا يقين بربنا بس انو هيكرمنا ونرضي بالقدر ايا كان ف هوا خير لينا والخيرة فيما اختاره الله لك🤍❤️. رغبة البعد عن البشر دي بق حلها انك تحاولي تقربي من اهلك اكتر تقعدي مع امك وابوكي واخواتك لو ليكي اخوات وتقعدي كتير وتحكي معاهم فاي حاجة حتي لو ملهاش لازمة دي تحسسك بالامان ف هيمشي الاحساس دا وحده كدا وباذن الله ربنا يجبرنا كلنا🤍❤️
تم النشر الثلاثاء، ٢٥ يوليو ٢٠٢٣
هتعدي متقلقيش متتوتريش وسيبيها ع الله
تم النشر الثلاثاء، ٢٥ يوليو ٢٠٢٣
هو طبيعي يبقي فيه ضغط وخوف وتوتر قبل نتيجة الثانوية كلنا كنا كدا ،هى فترة تقيلة وصعبه وهتعدى والله وهتتسنى وهتقعدى تضحكي عليها كمان بعد سنين ،مفيش حل تتجاوزي بيها الفترة دى غير انك تحافظي على علاقتك بربنا وتدعى كتير وتقرأى قرآن دى الطريقة الوحيدة الي بتخفف الضغط عن الواحد شوية ،لن يصيبنا إلا ما كتب الله لنا ،كلها اقدار مش بإيدنا وزما ربنا ساعدنا نتجاوز حاجات كتير فى حياتنا هتتجاوزيها هى كمان بكل نتايجها ❤️
تم النشر الثلاثاء، ٢٥ يوليو ٢٠٢٣
لعرض السؤال في فدني اضغط هنا