نا مدمن للعاده السريه ونا في تالته ثانوي وكنت ولد متفوق جدا وكنت الاول علي مدرستي في السنين السابقه وكنت مؤذن مسجد عندنا وشكلي الحمدلله جميل ومحترم بس بعد ما عرفت وبقيت مدمن ليها بدأت حياتي تدمر لاني كل مره بعصي ربنا بقول ازاي تعمل كده في ربنا ال بتحبه ازاي هو مديك كل النعم دي وانت بذنب ومش عارف اتغلب علي العاده وخايف علي نتيجتي اخر السنه من ال حصل دا بتمني اي شخص يشوف الرساله يساعدني بتعليق ليه يفدني بيه ويدعي ليا ولكل من ابتلي بهذه الكبيره
هقولك على حاجه خليها ديما قدام عينك وبإذن الله ربك يعينك وتتخلص منها في أسرع وقت اولا ربنا بيقول (وإن عدتم عدنا ) يعني إن عدتم للمعاصي عدنا للانتقام منكم ومش شرط يكون الانتقام في وقته ممكن يتأخر شوية بس لازم هيجي في يوم من الايام لو استمريت على كده ثانيا ( من خاف الله امنه من كل شيء ومن لم يخف الله خوفه من اي شيء ) يعني ديما هتلاقي نفسك خايف وانت بتعملها وخائف من اي حد يشوفك وخائف من الفضيحة وكل ما تتمادي هتلاقي نفسك ديما في قلق وتوتر دائم وخوف واضطراب نفسي ثالثا انت في حرب بينك وبين نفسك وخدها تحدي لازم تتغلب عليها وعلى شهوتك وصدقني لو تغلبت عليها هتحس بفارق كبير اوووي في شخصيتك هتقوى وشك هينور جسمك هيرجع احسن من الاول هتحس بإنجاز وانتصار عظيم في حياتك الأحسن من كل ده ربنا سبحانه هيحبك ويعوضك لأن من ترك شيئا لله عوضه الله خيرا منه انت اقوي من العادة انت تقدر قاوم ولا تيأس
تم النشر الأربعاء، ٢٧ مارس ٢٠٢٤
السلام عليكم ورحمه الله وبركاته, اولاً الحمد لله علي كونك علي درايه انك في مشكله يجب ان تتخلص منها, وعن رسول الله صلى الله عليه وسلم فيما يحكيه عن ربه تبارك وتعالى قال: " أذنب عبد ذنباً فقال: اللهم اغفر لي ذنبي، فقال الله تبارك وتعالى: أذنب عبدي ذنباً فعلم أن له رباً يغفر الذنب ويأخذ بالذنب، ثم عاد فأذنب، فقال: أي رب اغفر لي ذنبي، فقال تبارك وتعالى: أذنب عبدي ذنباً فعلم أن له رباً يغفر الذنب ويأخذ بالذنب، قد غفرت لعبدي فليفعل ما شاء " وهذا حديث متفق عليه وليس معني فليفعل ما شاء هو استباحه الذنوب ولكن المعني انه كل ما غلبتك نفسك عد الي الله وتب مره اخرى. فلا تقنط من رحمه الله ولا تدع نفسك للشيطان. وبالنسبه لخوفك علي نتيجتك, فاعلم ان الله لو كان يعاملنا بعدله لعجل لنا العذاب, ولكن يعاملنا برحمته و بحلمه ومغفرته. فا العلاقه بين العبد و بين الله ليست مثل العلاقات بين البشر وبعضهم. فاحسن الظن بالله ولا تتوقف عن الدعاء ولك في سيدنا سليمان عليه السلام اسوة حسنة "فقال اني احببت حب الخير عن ذكر ربي حتي توارت بالحجاب, ردوها علي فطفق مسحا بالسوق والاعناق" ترك صلاه العصر حتي غربت الشمس وبعد ذلك قال "قال رب اغفرلي وهب لي ملكاً لا ينبغي لأحد من بعدي انك انت الوهاب, فسخرنا له الريح تجري بأمره رخاءً حيثُ اصاب, والشياطين كل بناءٍ وغواص, واخرين مقرنين في الاصفاد, هذا عطاؤنا فامنن او أمسك بغير حساب, وان له عندنا لزلفى وحسن مَآب" و موسي عليه السلام "قال ربِ اني ظلمت نفسي فاغفر لي فغفر له انه هو الغفور الرحيم" قتل النفس التي لم يأمر بقتلها, ومع ذلك من الله عليه بما لم يمن علي أحد قبله انه اصطفاه برسالته علي الناس في زمانه وهي التكليم, فتب الي الله واحسن توبتك ولا تقنط من استجابه الله للدعاء, ورحمته وسعت كل شئ.
تم النشر الجمعة، ٢٩ مارس ٢٠٢٤
خلى ربنا قدامك فى كل حاجه " والذين جاهدوا فينا لنهدينهم سبلنا وإن الله لمع المحسنين " الغض التام للبصر كيفية إدارة وقت فراغك وخلى دايمآ فى بالك انك بتروح للحاجه دى علشان انتا بتهرب من مشاكل او ضغوطات أو مشاعر انت مش عارف تتعامل معها وبدلها بعادات صحية تهرب بيها من الضغوط واجه مشاكلك ومشاعرك بالطريقه الصح اذكار الصباح والمساء خد تحدى مع نفسك انا راجع إلى الله وخد الموضوع حياة أو موت اكون او لا اكون اتعلم عادات صحيه مثل الرياضه قراءة الكتب واهم حاجه الصحاب لو ليهم تأثير سلبى غير صحابك فالصاحب ساحب لو هو انسان كويس انتا هتبقى كويس والعكس . أسأل الله سبحانه وتعالى لك التوفيق وان يمنحك الصبر والعزيمة على الأمر والمرشد والثبات
تم النشر الخميس، ٢٨ مارس ٢٠٢٤
اولا توب الي الله ثاني روح صلي ركعتين وادعي بكل خشوع وكل لم تحول انا الشيطان يوسوس انك تشوف لو حاجه بسيط روح صلي وشغل قران جنبك وانت بتذاكر احنا في شهر كريم والشيطان محبوس واللي بيوسوسلك كده هي النفسيه الامره ب سواه
تم النشر الخميس، ٢٨ مارس ٢٠٢٤
متخليش الفكره بتاعت ازاى هتقابل ربنا بعد اللى عملته ده ..لان دى فكرة شيطانيه ...انما التعامل مع الله اكثر يسرا من ذلك وضوء وركعتين توبه وتمام كده تاخد بكل الاسباب عشان تبعد عن الذنب ولو وقعت تقوم وترجع ولو مليون مره موضوع االعادة بالذات هتلاقى ليها اسئلة ونصائح كتير باذن الله
تم النشر الأربعاء، ٢٧ مارس ٢٠٢٤
تقرب الي الله فهو الصحب وهو القريب المجيب وتعال زي النبي ماقال.. الصوم... صدق رسول الله صلى الله عليه وسلم واذكر ربنا كتير وربنا ان شاء الله يتوب عليك من العدة دي.. وانت مشاء الله عليك عارف بردو
تم النشر الخميس، ٢٨ مارس ٢٠٢٤
ولا تنسوني من صالح دعائكم 😁🙂 ولا تنسو اخواننا في فلسطين 🙂
تم النشر الأربعاء، ٢٧ مارس ٢٠٢٤
احنا في أيام مفترجه ادعي ربنا قبل ما تفطر أنه يشفيك ويعافيك
تم النشر الأربعاء، ٢٧ مارس ٢٠٢٤
بص انا اصغر منك بسنه وكنت مدمن علي العاده ديه وحاجات تانيه وكنت كل ما اتوب برجع للأسوأ وكنت بعمل حجات أشد حرمانيه من العاده السريه والإباحيه انا قعت علي الحال ده ٨ سنين وأنا كنت بحفظ قرءان ولكني بطلته بسبب العاده وحاجات كتيره بطلتها بسبب العاده وانا ندمان علي ده لحد ما شوفت في علي اليوتيوب اسمه (اطروحه ابن القيم لعلاج المثليه الجنسيه) طبعا ابن القيم في كتابه الداء والدواء مكنش بيتكلم علي الشذوذ الجنسي لكنه كان بيتكلم كيف يمكن للمرأ أن يتوب من المعاصي التي يدمنها العبد المهم انا نزلت الكتاب pdf طبعا من النت المهم ملخص أول فصل بيتكلم عن 1-اهميه الدعاء وان الدعاء هو سلاح المؤمن وعلي الإنسان أن لا يتعجل في جواب الدعاء وأن لا ييأس من الدعاء من الله لأن{ إِنَّهُ لا يَيأَسُ مِن رَوحِ اللَّهِ إِلَّا القَومُ الكافِرونَ }[ يوسف: ٨٧ ] 2-المعصيه تبدأ بوسوسه من النفس ثم تسترسل معها ثم تقوم بفعل المعصيه لذا عليك أن لا تسترسل مع تلك الأفكار لأن الإسترسال مع تلك الأفكار يصنع المنكرات فيجب أن تركز جهادك أن لا تسترسل مع الأفكار لا أن تمنع نفسه من الفعل لأن بعدم استرسالك مع تلك الأفكار تمنع نفسك من الوقوع في المعصيه ولازم تبقا عارف أن هيكون في زلات ولكن في فرق بين الإنكاسه والزله ممكن تخش علي قناه واعي في اليوتيوب وتعرف ايه الفرق بين الزله والإنتكاسه وممكن كمان تحمل الapp بتاعهم من البلاي ستور لكن يا ريت تسمع الفديو بتاع أطروحه ابن القيم. انا هبعتلك الفديو خلاص يا عم ولا تعب نفسك😁😊 بص انا مش مختص انا زيك كنت بعاني ولسه بحارب أسأل الله أن يعيننا ويشفينا ولا يُعن علينا اللهم إنا نعوذ بك من مكرك فاللهم أمكر لنا ولا تمكر علينا واستعملنا لنصره دينك ولا تستبدلنا
تم النشر الأربعاء، ٢٧ مارس ٢٠٢٤
و اسال الله لك ان يوفقك و يجبرك و يعينك علي مواجهة الفتن
تم النشر الأربعاء، ٢٧ مارس ٢٠٢٤
السلام عليكم و رحمة الله و بركاته بص هي بتأثر علي التركيز اووي و كمان ليها تاثير جسدي فخلي بالك الفترة دي علشان الدراسة دا قاعد حاولي شهرين علي الامتحانات المهم متقعدش لوحدك غير علشان المذاكرة و بس علشان متفكرش فيها كتير و كمان كل ما تشعر بانك محتاج الحاجه دي حاول تقوم بسرعة تتوضأ و تصلي ركعتين و تدعي ربنا فيهم انه يقويك و يربط علي قلبك في مواجهة الفتن دي
تم النشر الأربعاء، ٢٧ مارس ٢٠٢٤
اطلع ايضًا على هذا القسم المخصص للعادة السرية .. ف به اسئلة بالطبع تشبه لسؤالك، وايضًا عليها اجابات جيدة https://www.fedni.net/tag/masturbation
تم النشر الأربعاء، ٢٧ مارس ٢٠٢٤
https://youtu.be/IFOWmBNNVL8?si=yH7bHBxsgqy2T0HX
تم النشر الأربعاء، ٢٧ مارس ٢٠٢٤
https://www.fedni.net/q/61042885/أريد-علاج-لادمان-العادة-السرية-ومشاهدة هذا السؤال جيد، فله علاقة وثيقة بسؤالك، راجع الاجابات التي به ربما تستفيد منها لان بها خطوات عملية لكي تتخلص منها
تم النشر الأربعاء، ٢٧ مارس ٢٠٢٤
لعرض السؤال في فدني اضغط هنا