انا رفيعة اوى بس اكلى زاد الفترة اللى فاتت وبقا عندى بطن مدايقانى وبحاول اقلل اكلى تانى بس مش عارفة اظبط كمية معينة لو حد عندو حل ياريت يفيدنى
شرب الماء بكميات كبيرة على فترات محدده مثلا كل ساعة بالظبط كوباية الاكل يتقسم على اكتر من ٣ وجبات...كميات صغيره ومع كل وجبة صغيرة كمية سلطة كبيرة
تم النشر السبت، ٢٤ ديسمبر ٢٠٢٢
الحالة ديه بيسموها اسكيني فات، يعني يبقى الشخص رفيع وعنده بطن، والبطن أيضًا من علامات أنه يكون فيه مقاومة انسولين .. وفيه علامات أخرى بيكون فيه غمقان في الرقبة. والزوائد الجلدية اللي في الرقبة. كمان بيبقى فيه غمقان في الصوابع. لو عايزة تعملي تحاليل طبعا يكون أفضل. لو عايزة كمان تختبري ده من البيت لو مش عايزة تعملي تحاليل، تقيسي البطن بمقاس الخياطة العادي من عند السرة .. وبعد كده تقسيمه على الطول بتاعك، لو طلع اكتر من النص يبقى فيه مقاومة انسولين. لو طلع أقل من النص يبقى مفيش مقاومة. ولكن لو عايزة تعملي دايت .. أنا مش بعترف حقيقي بنظام تقليل السعرات .. وكل اللي انت عايزه ولكن بنسب قليلة .. النظام ده اثبت فشله مع ناس كتير. لازم علشان البطن تنزل يبقى تقللي النشويات. ل أما تعملي لوكارب أو كيتو + الصيام المتقطع على أي حال. الصيام هيساعدك جدا في رحلتك .. طول ما انتي بتصومي .. جسمك هيحتاج لطاقة علشان يقدر أنه يعيش وياخد طاقة .. هيضطر ساعتها أنه يتجه للدهون المخزنة في الجسم. وهو ده المهم. في دكتورة على اليوتيوب اسمها د. وعد امين هي هتشرح ليكي الحاجات ديه بالتفصيل. وكمان هي بتابع في نظام مجموعات من خلال ابليكشن اسمه ولينس. برده هحط الرابط بتاعه هنا. https://www.youtube.com/@DrWaadAminFitnessNutritionist https://play.google.com/store/apps/details?id=com.welnes
تم النشر الأربعاء، ٢١ ديسمبر ٢٠٢٢
امنعي الفاست فود والحلويات وخليهم مره كل اسبوعين مثلا ومش بكمية كبيره. قللي النشويات في اكلك زي الرز والمكرونة والعيش والمخبوزات وزودي سلطه وخضار. لما تيجي تاكلي اشربي مايه وبعدها ب10 دقايق أو ربع ساعه ابدأي بالخضار وبعدين البروتين ثم باقي الاكل. اشربي مايه كتير طول اليوم. اتمشي 3 ايام ف الاسبوع على الاقل. متستنيش نتيجه فوريه .. اي تغيير بياخد وقت ف اصبري على نفسك ومتكرهيش نفسك في شكلك الحالي.
تم النشر الثلاثاء، ٢٠ ديسمبر ٢٠٢٢
مرحبا، أولاً دعيني أشجعك على تعزيز قدرتك على السيطرة على نمط حياتك و تحسين صحتك. بالنسبة لتنظيم وجباتك، يمكنك محاولة الحفاظ على توازن مضبوط في الوجبات الثلاث الرئيسية لتلبية احتياجات جسمك من الأطعمة الصحية. يمكنك أيضًا تقليل كمية السكريات والدهون المشبعة والتي توجد في العديد من الأطعمة المصنعة والوجبات السريعة. تجنبي الأطعمة المقلية والمالحة واستبدليها بالخيارات الصحية، مثل الفاكهة والخضروات والمكسرات والحبوب الكاملة. يشجع تنظيم وجباتك بشكل جيد على المدى البعيد على الحفاظ على وزن صحي ولياقة جيدة. و لا تنسى أن تضيف النشاط الرياضي إلى حياتك، حيث يساعد هذا على تحسين شكل الجسم والصحة النفسية وعلاوة على العديد من الفوائد الصحية الأخرى. اهتمي بنفسك واجعلي الصحة على رأس أولوياتك.
تم النشر الاثنين، ٢٠ مارس ٢٠٢٣
فيه فيديوهات ورياضات مخصوصة للبطن بس وهتلاقيها موجودة على اليوتيوب
تم النشر الأربعاء، ٢١ ديسمبر ٢٠٢٢
اعملي رياضة!
تم النشر الثلاثاء، ٢٠ ديسمبر ٢٠٢٢
متعاملين مع الموضوع انك عامله دايت لان لو اتعاملتي بكده هتخسي تمم بس بعدين هتزيدي تاني لازم اكلك كله يكون صحي ولا زيوت ولا دهون مشبعه ولا الكلام ده كله بروتين كتير مش لازم نظام محدد عشان تخسي اعتبرى الاكل الصحي اسلوب حياه هتمشي عليه علطول وطبعا نقلل كاربوهيدرات شويه
تم النشر الخميس، ٢٣ مارس ٢٠٢٣
لعرض السؤال في فدني اضغط هنا