في شخص في حياتي بنتعامل كل يوم عشان هو دكتوري في السكشن وشغاله معاه هو تعامله معايا حلو بس الطبيعي اللي هو مع الكل اصلا بس انا للاسف حبيته اوي وبفرح لما يبعتلي وبزعل لما يعدي يوم من غير ما يكلمني عاوزه طريقه تخليني ابطل احبه غير اني اسيبه عشان قعدت فتره وبرضو معرفتش ابطل احبه عاوزه مشاعري ناحيته تختفي يبقي عادي بالنسبالي او حاجه تحببه فيا ودي صعبه وهو صغير ٢٥ سنه مثلا ومش متجوز ولا خاطب حتي
هو مش بيبقى حب بمعنى الحب .. لان في الاساس علشان تحبي حد لازم يكون فيه علاقة بينك وبين الشخص ده، والعلاقة ديه تكون فترة طويلة فيها عشرة ومواقف. وده دكتورك ف الجامعة يعني المواقف اللي بينك وبينه لا تتعدي حدود السيكشن والتدريس، ممكن تعجبي او تتشدي وتنجذبي له .. وهذا شئ والحب شئ تاني. الحل انك تقتنعي اساسا ان ده مش حب. لانك لما تفرقي ما بين الحب والاعجاب او الانجذاب، هيفرق كتير ف تخطيك للموضوع.
تم النشر الثلاثاء، ٢٧ فبراير ٢٠٢٤
اتعاملي معاه برسميه اوووى وبطلي تركزي ف تفاصيل عشان متتعبيش
تم النشر الثلاثاء، ٢٧ فبراير ٢٠٢٤
احسن حاجه انك تشغلي نفسك بي أي حاجه انا عارفه الموضوع صعب بس الأصعب انك تحبي من طرف واحد
تم النشر الثلاثاء، ٢٧ فبراير ٢٠٢٤
ماتعلقش نفسك فالوهم ياصغيري عيب الحب والعلاقات غير الشرعية هذه
تم النشر الثلاثاء، ٢٧ فبراير ٢٠٢٤
ممكن يكون إعجاب لانه بيتعامل معاك حلو و متعودة تشوفيه او يكلمك وده هيروح مع الوقت إنما لو بتفكري فيه و صورته في خيالك طول الوقت فادعى ربنا يشيل حبه من جواك و تعدي الفتره دي و هتعدى
تم النشر الجمعة، ١ مارس ٢٠٢٤
بصي دي حاجه طبيعيه متزعليش نفسك لان الإعجاب اللي بييجي مره واحده ده بيمشي بردو مره واحده استهدي بالله وادعي وربنا هيشيله من قلبك
تم النشر الثلاثاء، ٢٧ فبراير ٢٠٢٤
ادعي ربنا كتير انه يشيل حبه من قلبك لو مش هيكون من نصيبك ف يوم من الأيام.. غير كده حاولي انك تبعدي يعني مثلا ع قد المحاضره وتطلعي.. لو احتجتي سؤال متساليهوش اسالي حد تاني.. لو محتاجه تسلمي شيت او اي حاجه ليه ممكن تديها لزميلتك تسلمهالك.. ووحده وحده مع الدعاء والصلاة والبعد هتنسيه وهيطلع من قلبك باذن الله.
تم النشر الثلاثاء، ٢٧ فبراير ٢٠٢٤
نفسي اعجابي بيه ده يروح بيعمل حاجات كتير تزعلني بس بفضل حباه مبقتش عارفه اركز في اي حاجه في حياتي بسببه 💔
تم النشر الأربعاء، ٢٨ فبراير ٢٠٢٤
لعرض السؤال في فدني اضغط هنا