مساء الخير القرار الاول اللي اخدتيه ياريت تكملي عليه .. ومتفتحيش على نفسك موضوع ممكن تكون نهايته وحشة .. عاجبني جدا انك صريحة مع نفسك وكمان فاهمه ان ده مش حب، اه ممكن يكون اعجاب عادي .. اعجبتي مثلا بالشكل او بالاحترام بتاع العيلة، وهكذا .. لكن مش حب. نصيحتي ليكي بلاش حتى جوا نفسك تكبري الموضوع، يعني تفكري فيه .. لان ممكن بعد كده تكتشفي ان ده كله هيبقى ولا حاجه.!! بانك مثلا الولد ده يخطب .. او يتجوز او ايا ما كان! فالافضل تحفظي قلبك للانسان اللي هيبقى زوجك. وبتمنى ليكي التوفيق
تم النشر الأربعاء، ٢٨ فبراير ٢٠٢٤
ممكن مثلا تسافري تاني لبنت خالتك اسكندريه وتتعمدي انك تشوفيه كانها صدفه يعني وتقفي تسلمي عليه بحجه مثلا انك بتطمني على مامته او على حد من اهله انت شفتيه السفريه اللي فاتت فطبيعي يعني هو لو معجب بيكي زي ما انت معجبه بيه والاعجاب ده مش من طرف واحد اللي هو من ناحيتك بس هيسلم عليك واكيد هيبان اي حاجه عليه من طريق كلامه اما بقى لو سالك انت مين وانت طبعا فكرتيه بيكي فتاكدي ان هو ما كانش معجب بيكي زي ما انت معجبه بيه وبكده هتبقي ريحتي نفسك من غير ما تعترفي لي بمشاعرك وتجرحي نفسك جربي الموضوع ده وان شاء الله خير
تم النشر الخميس، ٢٩ فبراير ٢٠٢٤
بصي هو لو معجب بيكي فعلا بقدر اعجابك كان دور على اي موقع يتواصل معك بيه زي ما انت كده دورتي وممكن فعلا يكون عمل كده بس فضل ان هو يتفرج عليك من بعيد زيك برده فبصي بلاش فكره انك تعترفي له بمشاعرك دي ليه بقى لان انت ممكن تخشي تكتبي له ازيك انا كذا بصراحه انا كنت معجبه بيك فممكن رد فعله يضايقك ممكن مثلا يقول لك انت مين انا مش فاكرك فطبيعي ان هو فعلا لو مش فاكرك انت هتضايقي جدا وهياثر عليك الموضوع ده في المستقبل نفسيا فاحنا ممكن نشوف حل يبقى احسن من كده اولا مش هتجرحي بيه مشاعرك وفي نفس الوقت هتبقي ريحتي نفسك
تم النشر الخميس، ٢٩ فبراير ٢٠٢٤
أنت دلوقتي في السن اللي الأنثى المصرية المفروض تبقى قاعدة في بيتها معززة مكرمة والعرسان "تحارب" علشان توصل لها أحب أطمنك أنك لو في دماغ (علي مثلا) بالحلال كانت أسرة علي الكيوت هي اللي تواصلت معاك ووالدة علي فضلت على تواصل معاك وربما مع أسرتك علشان تخطبك لعلي لما علي يبقى جاهز .. وعموما هم قرايب بنت خالتك وهيعرفوا يوصلوا لك بسهولة لو الموضوع في دماغهم فاتقي الله في نفسك ولا تفتحي على نفسك وعلى (علي) مدخل للشيطان بالتواصل مع علي شخصيا!
تم النشر الأربعاء، ٢٨ فبراير ٢٠٢٤
لعرض السؤال في فدني اضغط هنا