انا دلوقتي مرتبطه بواحد من محافطه تانيه بعيده عليا بس هو كويس جدا جدا معايا ومحترم وبيحبني و قريب من ربنا وكلو بس احنا صغيرين دلوقتي علي انو يتقدم وانا كمان بحبه و واثقه فيه جدا واهلي عرفو قبل كده و قطعوا عن بعض بس احنا رجعنا نتكلم واحنا متعلقين ببعض جدا تنصحوني اكمل ولا لا؟
سؤالك حلو و أنا هحاول اجبلك كل الاجابات الممكنه بنتيجتها كمان 1 وافقي و كملي معاه لكن ده هيخلي عندك حزن شديد و مشاعر كتير حزينه لانو بعيد عنك و مش بعيد تحصل مشاكل كتير بسبب أنو مرنش فى الميعاد أو الكلام بينكوا بيقل ....ده بجانب إنك هنا هتكوني بتخوني ثقة أهلك و بتعصي و بتغضبي ربك و أنا آسف فى اللفظ بس هتكوني بترخصي نفسك و السلعة الرخيصة مش محبوبة فى أى سوق حتى و لو عليها كل زينه ممكنه 2 هترفضي تكملي معاه و هتسمعي كلام أهلك و تصراحيهم بإنك عملتي كذه و كذه لكن أنت نهيتي العلاقة معاه خلاص ده هيخلي ربك قبل أهلك راضي عنك و أهلك هيثقوا فيكي و هتغلي من سعرك و قيمتك وسط الناس و هترجعي جوهره كما كنتي كما و كأنها لم يلطخها شئ 3 هترفضي لكن هتقوليلوا لو فعلا بيحبك يسعى و يخلص تعليم و يلاقي شغل يجبلوا دخل كويس و شقة محترمه و يجي يتقدم و تتفقي معاه على مده معينه تستنيه فيها (ده بجانب إنك برضوا هتقطعي علاقتك بيه برضوا فى الاتفاق) و لو أتأخر أنتي أي عريس هيجيلك بعدها و أنا قبلاه هتقبليه و تقطعي علاقتك بيه و ده هيخليكي مستنيه و فرحانه إن جوزك المستقبلي بيسعى علشانك و هتصلي و هتدعيلوا و هتفتكريه دايما بالخير قبل ما تختاري هفكرك السلعة الرخيصة و اللي قيمتها فى الأرض محدش بيشتريها ففكري كويس و بتأسف لو قولت لفظ وحش بس.
تم النشر الأربعاء، ١٢ يوليو ٢٠٢٣
وإذا كان التعلق ده لا يرضي الله ولا يرضي أهلك حبيبتي قريب من ربنا لنفسه والمفروض ترجمه قربه من ربنا أن علاقته بيكي لا تجوز وإن يتقي الله في نفسه وفيكي ولا ربنا هيبارك في اي حاجه بينكم
تم النشر الأربعاء، ١٢ يوليو ٢٠٢٣
انصحك تكملوا بس وقت ما يكون مستعد يدخل البيت وبس
تم النشر الأربعاء، ١٢ يوليو ٢٠٢٣
أما والله قد طلبتِ منا النصيحة: فنصحتنا لك: اقطعي علاقتك بهذا الشاب، ولّا تخني ثقة أهلك فيكِ مرّة ثانية، واستحي من الله! فغالبًا؛ من تخن ثقة أهلها، فلا يثق بها الشاب.
تم النشر الأربعاء، ١٢ يوليو ٢٠٢٣
انتو سنكم كام دلوقتي عشان نعرف نحدد تكملو ولا ده فترة مراهقة
تم النشر الأربعاء، ١٢ يوليو ٢٠٢٣
عيب يا اخت مثل هذه العلاقات الله يهديكي ويصلح حالك
تم النشر الأربعاء، ١٢ يوليو ٢٠٢٣
طب معلش يعنى ايه هدفك من السؤال ؟
تم النشر الأربعاء، ١٢ يوليو ٢٠٢٣
خليكو ف حالكو هنكمل انا وحبيبي
تم النشر الأربعاء، ١٢ يوليو ٢٠٢٣
عيب مستعجلة على اي
تم النشر الأربعاء، ١٢ يوليو ٢٠٢٣
ليه؟
تم النشر الأربعاء، ١٢ يوليو ٢٠٢٣
لا
تم النشر الأربعاء، ١٢ يوليو ٢٠٢٣
لعرض السؤال في فدني اضغط هنا