تم حذف هذا السؤال
انا شايفه الكلام اللي الناس بتقولهولك رائع فعلا . . بوصي انتي عندك حل من اثنين .. اما انك تستحمليها زي ما هي وتفضلو زي مانتو لحد ما السنه تخلص والدروس والمذاكره والامتحانات تخلص وساعتها حطي خطه انك تبعدي عنها في الصيف وتبدأي تصاحبي ناس تانيه جديده وابدأي حطي خطه انك تدخلي بعد كده دروس ومجموعات مع الناس الجديده واخلعي نفسك من صاحبتك حبه حبه وهي هتيجي في وقت تفهم وهي كمان تنشغل مع صحاب تانيين .. الحل التاني هو انك تبدأي تصلحي علاقتك بيها .. وفهميها بالراحه وبذوق انك بتتضايقي من الدبش بتاعها وشكوتها على طول عشان تقلل منه اثناء وجودك معاها .. وبصراحه وفي كل الاحوال عشان تبقي عارفه ان المشكله مش في صاحبتك .. المشكله عندك .. انتي بتقولي ان صاحبتك هي اللي قربت منك وخلتك جزء من يومها .. ده معناه انك اديتيها مساحه تقتحم حياتك وترغمك تصاحبيها وتحبيها من غير ما يكون ده اختيارك .. وده شيء مش حلو .. لأنك لازم تقعدي مع نفسك وتعرفي انتي بترتاحي مع صحاب مواصفاتهم ايه وبعد ما تحددي المواصفات اللي بتريحك ابدأي دوري حواليكي من البنات على حد بيريحك وفيه المواصفات دي .. وعاوزه اقولك في كل الاحوال . خليكي عارفه ان الصداقه يعني ونس ويعني سعاده وتقضية وقت جميل مع بعض مش ضغط نفسي ومحاولة تقبل حاجات مش بنحبها .. فلو مش بتضحكي وتنبسطي بشكل كافي مع صاحبتك يبقى اقعدي لوحدك افضل
تم النشر الأربعاء، ٢٢ مارس ٢٠٢٣
متضغطيش نفسك ف علاقه مع اي حد ابدا وف نفس الوقت متستخدميش اسلوب ممكن يدايقها لانها عندها شعور دايما ان محدش بيحبها ف هترجم ده انك مش بتحبيها زي باقي الناس وهي للأسف محتاجه تصحح مفاهيم الحب عندها انه مش تملك او استمرار ٢٤يوميا وان اي حد ف علاقه محتاج مساحه شخصيه ليه حاولي تفهميها انك بتحتاجي مساحه شخصيه ليكي ولما تعمل سلوك دبش بينك وبينها فهميها ان سلوكها ده غلط وعشان يبقا عندها دايره علاقات اجتماعيه لازم تكون لينه
تم النشر الخميس، ٩ مارس ٢٠٢٣
عاما بما انك مش مرتاحه وبتتعاملي علي ضرر هي هتحس بده فاهمه فيا تصاريحها يا تنسحبي فعلا زي ما جهاد قالتلك
تم النشر الأربعاء، ٨ مارس ٢٠٢٣
متضغطيش على نفسك اوي كده، طبيعي انك مش قادرة تتقبليها علشان بعض سلوكيتها اللي بتضايقك ومش عجباكي. ففكرة انك متضايقة لانك مش قادرة تحبيها او تتقبليها انتي بتعملي ضغط على نفسك ملوش لزوم منه اساسا. انا مقدرة ان سلوكها بيضايقك، وكمان كثرة شكوها وسلبيتها اللي بتضغط عليكي نفسيا. فالحل انك تبدأي تنسحبي من العلاقة تدريجيا .. يعني الدروس حاولي مثلا تغيري المجموعات بتاعتك، والمكالمات تقل وكل حاجة بتربطك بيها حاولي بقدر الامكان تبدليها بمواعيد تانية.
تم النشر الأربعاء، ٨ مارس ٢٠٢٣
انتي كصديقه ليها حاولي تنصحيها ان هي تغير من طريقتها في التعامل مع الناس لو متغيرتش واسلوبها زي ما هو انسحبي من حياتها بس بدون ما تجرحيها يعني قللي كلامك في الموبايل معاها وبعد كدة روحي الدرس بدري غيري المكان اللي بتقعدي فيه كدة يعني
تم النشر الخميس، ٩ مارس ٢٠٢٣
لعرض السؤال في فدني اضغط هنا