صديقه عمري كنا بنتكلم سوا و بنداوم على كلام و هي مقربه مني جدا و بالمناسبه هي ساكنه في نفس بلد اللي انا فيها جه الاسبوع اللي فات حصلت حاجه غريبه حسيتها اتغيرت اوي و حبها ليا قل المهم بقت تغيب باليوم و تيجي تبعت كلمتين و تغيب تاني لعند ما غابت خالص بقالها ايام معرفش حاجه عنها و لا اعرف هي فين حسيتها اختفت فجأه و قلبي وجعني اوي حسيت احساس الخذلان و انها مكنتش تستاهل حبي للعلم ان غيابها مش سبب مرضي لانها جارتي و هي بخير لكنها غايبه بمزاجها و مبتردش على واتساب و للعلم انها في اجازه و معندهاش دراسه او امتحانات انا و هي طلاب جامعيين بس حاسه اني تعبانه اوي و مش قادره انساها معرفش هي ازاي اتخطتني كده و نسيتني بسهوله دي ؟ مش وحشتها حتى؟ للاسف من شده حزني و غضبي من غيابها اللي بدون سبب مسحت كل صورها اللي عندي و كل حاجه تخصها مسحتها مسحت كل حاجه بس حاسه بألم جوايا حاسه بتعب نفسي صعب اوووي مش قادره اوصفه صديقتي دي كانت اغلى حاجه في حياتي حاسه من شده الم قلبي انه بيوجعني اوووي و مش قادره اصدق غيابها مفاجئ ده انصحوني اعمل ايه و ازاي انساها انا تعبانه اوي نفسيا و محتاجه مساعده بجد
حسيت بوجعك اوى من كلامك ...بس صديقتك ممكن تكون بتمر بظروف نفسية صعبة وتكون هى اللى محتاجالك دلوقتى ...مهما كنتى شايفاها ممكن من بعيد عايشة حياتها عادى او كويسة ....ممكن تكون حصل معاها حاجة ملغبطة نفسيتها وخلاها منعزله عن اللى بتحبهم او خايفه من حاجة ... هى كمان ممكن تكون حاسه انك سيبتيها ومحاولتيش عشانها و اكتفيتى باللى حستيه ومحاولتيش تشوفى مالها....العلاقات محتاجة مجهود عشان نحافظ على بعض. لو حصل واتأكدتى انها اتغيرت بسبب اى حاجة...وقتها تصونى قلبك وتعرفى ان مهما راحوا ناس غاليين وبنحبهم لكن اساس حبنا ليهم هو قلبنا وقلبنا لسه موجود وجميل و هيفضل يحب ويتحب من ناس كتير. المهم منتعلقش فى حد زي الطفل اللى رافض يسيب امه. احنا فى حياة بعض عشان نستمتع ببعض الاوقات سوا ..لكن صعب كل الاوقات نكون فيها سوا. وياما صحاب قريبين بس بعدتهم المسافات والظروف لكن مكانتهم فى القلب متغيرتش. اتمنى وجعك يهدى وروحك تطيب ويكون الحب هو افضل صديق ليكى.
تم النشر الأحد، ٥ فبراير ٢٠٢٣
لازم تتكلمي معاها .. وتعرفي ايه سبب الاختفاء لو انتم متعودين انكم تتكلموا كل يوم وكده. لكن مثلا مش تكون فقط عايزة تاخد مساحتها .. يعني مش لازم تتكلم كل يوم، لكن على كل حال لازم تتكلمي معاها وتعرفي هي اختفت فجأة كده ليه وعلى هذا الاساس هتحددي خطواتك الجاية هتمشي ازاي!
تم النشر الخميس، ٢ فبراير ٢٠٢٣
طبعا مشاعر الخذلان صعبه ومؤذيه بس عايزين نركز ع حاجه تانيه ... مين قلك انها خذلتك ؟ممكن مش تعبانه جسديا بس مكتئبه طاقتها ع الكلام اقل مش قادره تعبر عن مشاعر جواها مدايقاها ممكن عندها مشاكل ف البيت ومسببالها عدم رغبه ف الكلام طيب ليه محاولتيش تواجهيها انها اتغيرت معاكي وانها لو محتاجه مساعده او دعم انتي اكيد معاها مش هتسيبيها ولو حصل منك حاجه انتي مش قصداها ضايقتها المفروض تقولك ليه كمان متكونش هي مستنياكي تكلميها وانها فكرت نفس فكرتك انك متجهلاها وخذلتيها روحلها شوفيها مالها فيها ايه لأنها جارتك لازم تجاوبي ع علامات الاستفهام الي انتي حساها بس منها مش اجابات وفرضيات منك بس عشان متخليش الغضب والحزن يخسرك صديقتك كلميها وروحيلها واسمعي اجباتها وبعد كده خدي قرار هي خذلتك فعلا ولا لا
تم النشر الخميس، ٢ فبراير ٢٠٢٣
لعرض السؤال في فدني اضغط هنا