أنا واحدة عادية معنديش ثقة في نفسي بس ممكن لو حد قالي كلمة حلو بفرح وبحس اني سعيدة جدًا وبالذات لو الكلمة دي من ولد.
أنا مش بصاحب ولاد ولا اي حاجة، بس مثلا لما أروح بيوت أصحابي بيبقي عندهم اخوات فبنقعد ونهزر وكدا فبيتقلي كلام حلو اللي هو ايه العسل ده أو كدا زي الاخوات... بفرح وبحس إني جميلة وإني بنت، وإن في حد ممكن يبصلي، لحد لما اروح وآجي أحكي لماما تقولي انتي يعني بتعجبي بهم كشكل، اعدلي نفسك بقى.
بعدها بقول في مخي صح اعدل نفسي محدش هيبصلي فعلا... هي ماما عادي مش بتقول كدا وخلاص هي بتقول كدا علشان مصلحتي عاوزة تشوفني حلوه وكدا.
وأنا كل لما أشوف ولد في الشارع مثلا ويبقي حلو بعد ما أقول حلو في مخي أفضل أقول إيه القرف اللي بعمله دا مش هيبصلي أصلا دا انتي احلامك خيالية، وفعلا بلاقي أصحابي كتير بيكلمهم ولاد وأنا عمر ما حد كلمني.
السلام عليكم ورحمة الله وبركاته، شكرًا لمشاركتكِ مشاعرك وبحثكِ عن حل لمشكلتكِ على فدني وإن شاء الله تستفادي من إجابات الخبراء والأعضاء. بالنسبة لنقطة إنك تفرحين بالكلام الحلو والمدح أعتقد شعور طبيعي وخاصة بالنسبة للبنات... الكلام الجميل والمدح يعطي شعور جميل ويمنح الثقة للشخص. لكن غير الطبيعي وغير الصحي أن لا أملك الثقة أساسًا من الداخل وأبحث فقط عنها من خلال نظرات الناس ورضاهم عني. المفروض أن يحدث العكس، أن تبدأي بنفسكِ وتري نفسكِ جميلة ورائعة وتستحق الحب والسعادة وكل شيء جميل. عليكِ أن تحبي نفسكِ مهما كانت نظرة الآخرين لكِ، نظرة الناس ما هي إلا إنعكاس لنظرتكِ أنتِ لنفسكِ، والناس لا تحب من لا يحب نفسه. والدتكِ ربما فقط تخبركِ هذا الكلام خوفًا عليكِ حتى لا تنبهري بنظرات الأولاد لكِ أو تقعي في ارتباط غير مشروع مع واحد يشعر بالنقص داخلكِ فيخدعكِ بالكلام الحلو. هي لا تقصد أبدًا أن تشعركِ أنّكِ لستِ جميلة أو لا تستحقين أن ينظر لكِ الناس ويعجبون بكِ لا تنتظري نظرة عابرة من شاب في الشارع، أنتِ كبنت أغلى من ذلك... أنتِ جميلة لنفسكِ وبنفسكِ وليست نظرة ذكورية هي ما ستحدد إن كنتِ جميلة أو لا أو إن كنتِ تستحقين الإعجاب. ركزي على الاهتمام بصحتك وجسمك وعقلكِ، تعلمي مهارات جديدة واملأي وقتكِ بالأشياء المفيدة التي توقف عقلكِ عن هذه الأفكار التي لا تستحق أن تشغلي بالكِ بها. تذكري أنّ كل خلق الله جميل وأنتِ جميلة فأحبي نفسكِ كما تستحق. بالتوفيق.
تم النشر الاثنين، ١ يوليو ٢٠٢٤
السلام عليكم ايتها البنت العاديه يعني ايه عاديه في الاول كده هم العاديين ما عندهمش ثقه في نفسهم. لا العاديين او كلمه عادي يعني اللي هو شبه اي حد؟ مش صح انه مفيش حد شبه اي حد كل حد فينا مميز بشيء كل حد فينا عنده حاجه بتخليه يفرق عن الثاني عشان كده لما هشوفك هعرف ان انت فلانه مش فلانه. اول حاجه لازم تعرفي انه ما فيش حد عادي كل شخص عنده شيء بيميزه بس هو اللي محتاج يكتشف الشيء اللي بيميزه ده علشان يشوف نفسه بيه؟ طيب موضوع انك بتفرحي باي كلمه حلوه دي حاجه طبيعيه جدا كلنا كلنا سواء سنك صغير او لما تكبري في عندنا تانك كده بتاع ان انا اسمع كلام حلو يعني كل كل الاشخاص سواء اولاد او بنات بيحبوا يحسوا بالتقدير من ناحيه انهم يسمعوا كلام حلو يعني يحبوا يشوفوا التقدير ده لفظيا شوفوا اللي قدامهم بيقولوا. فانت دلوقتي ممكن غالبا يعني اللي فهمته من كلامك معندكيش اخوات فممكن ده مسبب لك الموضوع بشكل ازيد انك مفتقده انه يكون في جو جوه جو الاسره عندك اخوات وبتتكلموا مع بعض وبتقولوا لبعض كلام كلام حلو وبتناقشوا بعد شويه فممكن انت مفتقده ده زائد انك مفتقده ان الثناء يعني انه حد يثني عليك قوي يعني ضحك قوي يقول لك انت جميله انت اموره ممكن دي جزئيه مفتقداها مامتك او جوه البيت عموما ايا كان الافراد الموجودين في البيت اه طبعا ده بياثر على ثقتك بنفسك لانه احنا بناخذ ثقتنا من نفسنا او بننتظر المديح ده من اهلنا قبل اي حد ولكن كل ما بنكبر ونتعامل في الحياه بره. بنقدر عادي جدا نستقبل ده من الاخرين يعني لكن لو احنا بقى وقفنا دماغنا انه انا عايز ده من الاتجاه ده وبس هو ده اللي بيعمل الازمه. طيب هل ده هو المعيار على اني حلو او وحشه برده لا ده مش معيار خالص ان انا حلوه قوي وحشه المعيار بتاع ان انا حلوه او وحشه ده معيار بيحدده اصلا كل شخص بناء على نظرته هو. تعتمدي على نظرات الاخرين في قصه الحلو والوحش لانه ده. هيبقى اعتراف منك بانك قابله اا وجهه نظرهم لازم انت الاول يكون عندك وجهه نظر في فكره الحلو وال. وحده. لكن ما تنتظريش همم ايمن وحتى لو محدش قال لك انت حلوه وجميله انت بنفسك لازم تكوني عارفه ده وتبصي على نفسك وتدوري على مميزاتك وانت اللي تكوني فخوره بيها وشايفاها قبل اي حد ثاني عشان لما حد ثاني يقولها لك يبقى الحد الثاني ده ما بيعملش اي حاجه غير ان هو بياكد عليك الصفه اللي انت عارفاها بنفسك. اخر الجزئيه حابه اقولهالك ان مامتك لما بترد عليك كده مش معناها خالص ان هي بتقول لك يبقى انت مش حلوه زيهم هي مش قصدها كده هي بتقول لك ده بس علشان تحاول. تشوف انت ليه اعجبتي بكلامهم انك اعجبتي بكلامهم عشان هم عشان انت اعجبتي بيهم هم شخصيا يعني او هي فاكره ان الموضوع بس مجرد اعجاب باولاد ده مش معناه خالص ان هي بتقول لك ان انت مش حلوه فترجمي الكلام صح لانه عمري ما الام هتبقى شايفه بنتها اا وحشه حتى لو معبرتش عن ده ما تضايقيش نفسك والموضوع ما فيهوش حاجه اصلا تضايق عشان ده بيبقى من الشيطان فما تسمعيش كلامه ومامتك جميله وهي بتقعد تسمعك وااا ودي حاجه جميله جدا حافظي عليها ما تاخديش موقف منها ابدا وربنا يوفقك يا رب ودائما جميله وحلوه واسمعي كل الكلام الحلو والتقدير على قد ما انت تبقي شايفه نفسك.
تم النشر الثلاثاء، ٢ يوليو ٢٠٢٤
فى البداية كده.انتى بنوته جميله .فكرة الارتباط مش مقياس ممكن تستخدميه علشان تعرفى انتى جميله ولا لاء انتى اكيد عندك صفات تانيه ممكن تقيسي بيها زى اسلوب كلامك. ردود أفعالك.طريقتك فى معاملتك مع أقرب الناس ليكى. حاجات كتير جدا.... المهم فى كل ده ثقتك بنفسك لازم تقوى وده بيكون بحاجات كتير منها انك تحبى نفسك وتقدريها تكتبى دايما إنجازاتك وتكونى فخورة بيها لو حاولتى فى حاجه ومانجزتيش فيها حاولى اكتر من مره اكيد هتوصلى. حددى دايما هدفك ايه وخلى عندك إصرار انك تحقيقه الرياضه مهمه جدا لزيادة ثقتك بنفسك.وكمان نمى موهبتك لأنها هتساعدك تظهرى نفسك بشكل مميز وتذكرى دايما أن ربنا معاكى فى كل خطواتك وبيساعدك.وانك قوية وهتقدرى 🌷
تم النشر الاثنين، ١ يوليو ٢٠٢٤
انتي جميله حبي نفسك اكتر واشتغلي علي نفسك اكتر متستنيش حد يقولك كلمه حلوه
تم النشر الثلاثاء، ٢ يوليو ٢٠٢٤
أي نعم، اللي تُحسين فيه مفهوم جدًا ويمر فيه كثيرين. أول شي لازم تفهمي أنه ثقتك بنفسك تبدأ من داخلك قبل ما تتأثري بكلام الآخرين. كلام الناس حلو أكيد وبيفرح، لكن لازم يكون عندك اليقين إنك قيمة بحد ذاتك، من غير ما تستني تأكيد من حد. حاولي تشتغلي على بناء ثقتك بنفسك بطرق بسيطة زي: اهتمي بنفسك وبصحتك : كلي صحي ومارسي رياضة بسيطة. اكتشفي مواهبك وهواياتك : شوف ايش بتحبي وابدعي فيه، هالشيء بيزيد من تقديرك لذاتك. تقدري ذاتك : اسجلي نجاحاتك الصغيرة وثمّنيها، سواء كانت دراسية أو اجتماعية أو حتى يومية. كوني واقعية : ما تقارني نفسك بحد تاني، كل واحد وعنده ميزاته وظروفه الخاصة. كوني قريبة من ناس إيجابيين : الناس اللي يدعموكي ويشجعوكي، وتبعدي عن الناس اللي بينقصوا من قيمتك. واهم شي يا حبيبتي، خلي دايمًا في بالك إنك مميزة وفريدة بصفاتك وشخصيتك. الأهم دايمًا إنك تقدّري نفسك وتحبّينها قبل ما تستني حب وتقدير الآخرين. ومع الوقت، أكيد هتحسي بالفرق وتكبري ثقتك بنفسك تدريجيًا.
تم النشر الاثنين، ١ يوليو ٢٠٢٤
كونك مش بتلاقي التقدير دايما مش مشكلة ، بس الارتباط مش معيار ابدا ، بالعكس كل الرجالة متحبش البنت اللي بترتبط، طب واللي بيرتبطوا دول اي (مش رجالة 😁) ، استمري ع الحق حتي لو كلهم غلط كلهم هيتحاسبوا ، وكونك بتحبي السويت كومبليمنتس دا شئ طبيعي محدش بيحب أنه يتشتم او يتهزا الا لو مش طبيعي 😂
تم النشر الاثنين، ١ يوليو ٢٠٢٤
وموضوع مفيش ثقة ف شكلي ....انا كنت موسوس شوية ف الموضوع دا ، والحل بالنسبالي اني اهتميت بشرتي مفهاش حبوب حاليا و مهتم باسناني وريحتي و هدومي و شعري...طالاما حاجة ممكن اشتغل عليها ليه لا
تم النشر الاثنين، ١ يوليو ٢٠٢٤
لعرض السؤال في فدني اضغط هنا